ADផ្ទាំងផ្សព្វផ្សាយពាណិជ្ជកម្ម

Picture

ក្រុម​មមាច​មិន​ខ្លាច​ភ្លើង! កង់​២​មិន​ជិះ ចូល​ចិត្ត​បង្ហោះ​កង់​១ ជួប​សមត្ថកិច្ច​​ក្របួចជាប់

2 ម៉ោង មុន
  • កណ្តាល

ខេត្តកណ្តាល ៖ ក្រុម​មមាច​មិន​ខ្លាច​ភ្លើង កង់​២​មិន​ជិះ ចូល​ចិត្ត​បង្ហោះ​កង់​១ ត្រូវ​សមត្ថកិច្ច​បង្ក្រាប​បាន​ចំនួន​៤​នាក់ កាលពី​វេលា​ម៉ោង​០៨ និង​១០​នាទី​យប់​ថ្ងៃ​ទី​២៨ ខែវិច្ឆិកា ឆ្នាំ​២០២៥…

ខេត្តកណ្តាល ៖ ក្រុម​មមាច​មិន​ខ្លាច​ភ្លើង កង់​២​មិន​ជិះ ចូល​ចិត្ត​បង្ហោះ​កង់​១ ត្រូវ​សមត្ថកិច្ច​បង្ក្រាប​បាន​ចំនួន​៤​នាក់ កាលពី​វេលា​ម៉ោង​០៨ និង​១០​នាទី​យប់​ថ្ងៃ​ទី​២៨ ខែវិច្ឆិកា ឆ្នាំ​២០២៥ នៅ​ចំណុច​ភូមិ កំពង់​តាឡុ​ង ឃុំ​បឹង​ខ្យា​ង ស្រុក​កណ្ដាលស្ទឹង ខេត្តកណ្ដាល​ ។

សមត្ថកិច្ច​ស្រុក​កណ្តាលស្ទឹង​បាន​ឲ្យ​ដឹង​ថា ក្មេង​ទំនើង​០៤​នាក់ រួម​មាន ៖
១-​ឈ្មោះ ជា ដេ​វិត ភេទ​ប្រុស អាយុ​១៨ឆ្នាំ មុខរបររត់​តុ បច្ចុប្បន្ន​រស់នៅ​ភូមិ​ព្រៃ​ស្វា ឃុំ​ពត់​សរ ស្រុក​បាទី ខេត្តតាកែវ ។ ២-ឈ្មោះ ហេង សំ​រ៉ុ​ង ភេទ​ប្រុស អាយុ១៧​ឆ្នាំ មុខរបរ កម្មករ​រោងចក្រ បច្ចុប្បន្ន​រស់នៅ​ភូមិ ក្រាំង​ពោធិ៍ ឃុំ​ពត់​សរ ស្រុកបាទី ខេត្តតាកែវ ។ ៣-​ឈ្មោះ ផូ ផា​ន់​នី ភេទ​ប្រុស អាយុ១៧​ឆ្នាំ​ មុខរបររត់​តុ បច្ចុប្បន្ន ​រស់នៅ​ភូមិក្រាំង​ពោធិ៍ ឃុំ​ពត់​សរ ស្រុក​បាទី ខេត្តតាកែវ ។
និង៤-​ឈ្មោះ ទី សីហា ភេទប្រុស អាយុ១៤​ឆ្នាំ មុខរបរកម្មករ​ដែក បច្ចុប្បន្ន ​រស់នៅ​ភូមិ ក្រាំង​ពោធិ៍ ឃុំ​ពត់​សរ ស្រុក​បាទី ខេត្តតាកែវ ។

ក្នុង​នោះ វត្ថុ​តាង​ចាប់​យក​រួម​មាន ៖ ម៉ូតូ​ចំនួន​ពីរ​គ្រឿង ម៉ាក Honda dream C125 ពណ៌​ខ្មៅ បិត​តែម​ឆ្នាំ​២០២០ ពាក់​ផ្លា​ក​លេខ តាកែវ 1G-8150 , ម៉ាក Suzuki nex បិទ​តែម ឆ្នាំ​២០២៥ ពាក់​ផ្លា​ក​លេខ ភ្នំពេញ 1GM-5347 និង​ទូរស័ព្ទ​០៤​គ្រឿង ។

សមត្ថកិច្ច​បាន​ឲ្យ​ដឹង​ថា នៅ​ថ្ងៃ​ទី​២៧ ខែវិច្ឆិកា ឆ្នាំ​២០២៥ វេលា​ម៉ោង​១៩ និង​២០​នាទី​យប់​ ក្រុម​ក្មេង​ទំនើង​ទាំង​បួន​នាក់​ បាន​បបួល​គ្នា​ជិះ​ម៉ូតូ​ដើរ​លេង​នៅ​ព្រ​លាន​យន្តហោះ​អន្តរជាតិ​តេ​ជោ ។ លុះ​ដល់​វេលា​ម៉ោង​២០ និង​១០​នាទី​នា​ថ្ងៃ​ដដែល ពេល​ក្រុម​ក្មេង​ទំនើង​ជិះ​ម៉ូតូ​តាម​ផ្លូវ​បេតុង​ក្រ​វ៉ា​ត់​ព្រ​លាន​យន្តហោះ​អន្តរជាតិ​តេ​ជោ ភ្លាម​នោះ​ ក្រុម​ក្មេង​ទំនើង​ខាងលើ​ បាន​បង្ហោះ​ម៉ូតូ​បាន​ចម្ងាយ​ប្រហែល​២០​ម៉ែត្រ ស្រប​ពេល​នោះ​កម្លាំង​ប៉ុស្តិ៍​នគរបាល​រដ្ឋបាល​បឹង​ខ្យា​ង និង​កម្លាំង​ប្រជា​ការពារ​កំពុង​ល្បាត បាន​ប្រទះ​ឃើញ​ក្រុម​ក្មេង​ទំនើង​ខាងលើ​ កំពុង​ធ្វើ​សកម្មភាព​បង្ហោះ​ម៉ូតូ​បាន​ប្រហែល ២០​ម៉ែត្រ ។ ភ្លាម​នោះ​ ក៏​បាន​ឃាត់ខ្លួន​ក្រុម​ក្មេង​ទំនើង​ទាំង​បួន​នាក់ ​ដើម្បី​សាកសួរ​។

តាម​ចម្លើយ​សារភាព​របស់​ក្រុម​ក្មេង​ទំនើង​ទាំង​បួន​នាក់​ខាងលើ ​ពិតជា​បាន​ធ្វើ​សកម្មភាព​បង្ហោះ​ម៉ូតូ​តាម​ផ្លូវ​សាធារណ​:​ប្រាកដ​មែន​។ កន្លង​មក ​ក្រុង​ក្មេង​ទំនើង​ទាំង​បួន​នាក់​ធ្លាប់​បង្ហោះ​ម៉ូតូ​តាម​ផ្លូវ​បេតុង​ក្នុង​ព្រ​លាន​អន្តរជាតិ​តេ​ជោ​ចំនួន​០១​លើក​រួច​មក​ហើយ​ ។

បច្ចុប្បន្ន ​ក្រុម​ក្មេង​ទំនើង​ទាំង​បួន​នាក់​កំពុង​ឃាត់ខ្លួន​នៅ​អធិការដ្ឋាន​នគរបាល​ស្រុក​កណ្ដាលស្ទឹង សុំ​ការ​អនុញ្ញាត ដើម្បី​អប់រំ​នឹង​ប្រគល់​អោយ​អាណាព្យាបាល​អប់រំ​បន្ត ៕

អត្ថបទសរសេរ ដោយ

កែសម្រួលដោយ