ខេត្តកំពង់ឆ្នាំង ៖ មន្ត្រីខណ្ឌរដ្ឋបាលជលផលនៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង កាលពីល្ងាចថ្ងៃទី២៨ ខែវិច្ឆិកា បានឃាត់ជនសង្ស័យចំនួន២នាក់ពីបទល្មើសនេសាទដោយប្រើឧបករណ៍ឆក់ត្រីនៅចំណុចភូមិត្របែក ឃុំត្រងិល ស្រុកកំពង់លែង។…
ខេត្តកំពង់ឆ្នាំង ៖ មន្ត្រីខណ្ឌរដ្ឋបាលជលផលនៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង កាលពីល្ងាចថ្ងៃទី២៨ ខែវិច្ឆិកា បានឃាត់ជនសង្ស័យចំនួន២នាក់ពីបទល្មើសនេសាទដោយប្រើឧបករណ៍ឆក់ត្រីនៅចំណុចភូមិត្របែក ឃុំត្រងិល ស្រុកកំពង់លែង។
លោក លី ឡា នាយខណ្ឌរដ្ឋបាលជលផលនៃមន្ទីរកសិកម្មរុក្ខាប្រមាញ់ និងនេសាទខេត្តកំពង់ឆ្នាំងបានឱ្យដឹងថា កម្លាំងខណ្ឌរដ្ឋបាលជលផល បានសហការជាមួយនឹងផ្នែករដ្ឋបាលជលផលផ្សារឆ្នាំង សង្កាត់រដ្ឋបាលកំពង់លែង បានសហការជាមួយកម្លាំងអធិការដ្ឋាននគរបាលស្រុកកំពង់លែង ចុះចាប់ឃាត់ជនសង្ស័យចំនួន២នាក់ ដែលកំពុងធ្វើសកម្មភាពឆក់ត្រីក្នុងបឹងក្នុងភូមិត្របែក ឃុំត្រងិល ស្រុកកំពង់លែង។
ការចាប់ឃាត់ជនសង្ស័យទាំង២នាក់ បានដករហូតឧបករណ៍វត្ថុតាងមាន អាំងវ៉ាន់ទ័រឆក់ត្រី១គ្រឿង ដងឆក់ត្រី១គូ អាគុយ៤០អំពែ១គ្រឿង ខ្សែភ្លើងប្រវែង៣ម៉ែត្រ ទូកបាឡាស្មាច់ ភ្ជាប់ម៉ាស៊ីនចំនួន១គ្រឿង និងត្រីចំនួន២គីឡូក្រាម ។ ជនសង្ស័យទាំង២នាក់មាន ១-ឈ្មោះ អឿន ទិត្យ ភេទប្រុស អាយុ២១ឆ្នាំ ២-ឈ្មោះ អឿន កំសាន្ត ភេទប្រុស អាយុ១៩ឆ្នាំ ទាំង២នាក់រស់នៅភូមិសំរោង ឃុំពោធិ៍ ស្រុកកំពង់លែង ។
ជនសង្ស័យខាងលើ ត្រូវបានមន្ត្រីជំនាញជលផលកសាងសំណុំរឿងបញ្ជូនទៅតុលាការ ដើម្បីចាត់ការតាមផ្លូវច្បាប់ ។
ចែករំលែកព័តមាននេះ