រាជធានីភ្នំពេញ ៖ ជនសង្ស័យដែលបានធ្វើសកម្មភាពឆ្កឹះសោបន្ទប់ស្ត្រីជាអតីតពលករនៅប្រទេសជប៉ុនយកប្រាក់អស់ប្រមាណ៣ម៉ឺនដុល្លារ ត្រូវបានកម្លាំងនគរបាលព្រហ្មទណ្ឌខណ្ឌប្ញស្សីកែវស្រាវជ្រាវឃាត់ខ្លួនបានហើយចំនួន៣នាក់ ក្នុងនោះ ជនដៃដល់ម្នាក់ អ្នកផ្សំគំនិតម្នាក់ និងអ្នកទទួលផលចោលកម្មម្នាក់ ព្រមទាំងដកហូតបានគ្រឿងអលង្ការ និងលុយមួយចំនួនត្រឡប់មកវិញ។…
រាជធានីភ្នំពេញ ៖ ជនសង្ស័យដែលបានធ្វើសកម្មភាពឆ្កឹះសោបន្ទប់ស្ត្រីជាអតីតពលករនៅប្រទេសជប៉ុនយកប្រាក់អស់ប្រមាណ៣ម៉ឺនដុល្លារ ត្រូវបានកម្លាំងនគរបាលព្រហ្មទណ្ឌខណ្ឌប្ញស្សីកែវស្រាវជ្រាវឃាត់ខ្លួនបានហើយចំនួន៣នាក់ ក្នុងនោះ ជនដៃដល់ម្នាក់ អ្នកផ្សំគំនិតម្នាក់ និងអ្នកទទួលផលចោលកម្មម្នាក់ ព្រមទាំងដកហូតបានគ្រឿងអលង្ការ និងលុយមួយចំនួនត្រឡប់មកវិញ។
ជនសង្ស័យរូបនោះ១-ឈ្មោះឆោម ទិត្យរង្សី ភេទប្រុស អាយុ៣៨ឆ្នាំ មានទីលំនៅ មុខរបរមិនពិតប្រាកដ ផ្ទះលេខF១ ភូមិទួលសង្កែ សង្កាត់ទួលសង្កែទី១ ខណ្ឌប្ញស្សីកែវ (មានសារធាតុញៀន) , ២-ឈ្មោះយឹម ស្រីប៉ុច ភេទស្រី អាយុ៣៣ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅស្នាក់នៅបន្ទប់ជួល ភូមិ២១ សង្កាត់ស្រះចក ខណ្ឌដូនពេញ រាជធានីភ្នំពេញ (មានសារធាតុញៀន) ធ្លាប់ជាប់ពន្ធនាគារ០១លើក និង៣-ឈ្មោះ អាន វិនា ភេទប្រុស អាយុ២៥ឆ្នាំ ជនជាតិខ្មែរ មុខរបរជាងដែក មានទីលំនៅស្នាក់នៅបន្ទប់ជួល ភូមិ២១ សង្កាត់ស្រះចក ខណ្ឌដូនពេញ រាជធានីភ្នំពេញ។ធ្លាប់ជាប់ពន្ធនាគារ០១លើក។
ចំណែកជនរងគ្រោះឈ្មោះ អេង លាងហៀង ភេទស្រី អាយុ៣២ឆ្នាំ ជនជាតិខ្មែរ ជាអតីតពលករនៅប្រទេសជប៉ុន ហើយបច្ចុប្បន្ន ធ្វើការជាបុគ្គលិកហាងមានទីលំនៅបន្ទប់ជួល ផ្លូវ១០៣ ក្រុម៣ ភូមិបាក់ទូក សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ ដែលជាកន្លែងកើតហេតុ។
តាមនគរបាលខណ្ឌឫស្សី កែវបានឲ្យដឹងថា ដោយអនុវត្តតាមបទបញ្ជាផ្ទាល់ពីឯកឧត្តម ឧត្តម សេនីយ៍ឯក ជួន ណារិន្ទ អគ្គស្នងការរងនិងជាស្នងការនគរបាលរាជធានីភ្នំពេញ កម្លាំងជំនាញអធិការដ្ឋាននគរបាលខណ្ឌប្ញស្សីកែវ ដឹកនាំដោយលោកវរសេនីយ៍ឯក ហ៊ាង ថារ៉េត អធិការនគរបាលខណ្ឌប្ញស្សីកែវ សហការជាមួយកម្លាំងការិយាល័យនគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តសៀមរាប និងកម្លាំងស្នងការដ្ឋាននគរបាលខេត្តកំពង់ធំនាវេលាម៉ោង១៨ និង៣០នាទីថ្ងៃទី២៨ខែវិច្ឆិកាឆ្នាំ២០២៥ បានស្រាវជ្រាវឃាត់ខ្លួនជនសង្ស័យប្រុសស្រីចំនួន០៣នាក់ជាបន្តបន្ទាប់ដែលបានធ្វើសកម្មភាពលួចមានស្ថានទម្ងន់ទោសដោយការកាប់គាស់ទម្លុះទម្លាយ និងសមគំនិតអំពើលួចមានស្ថានទម្ងន់ទោស និងទទួលផលចោរកម្ម (ឆ្កិះសោបន្ទប់ជួលលួចប្រាក់ចំនួន៣០០០០ដុល្លារ ) នៅចំណុចបន្ទប់ជួល ផ្លូវ១០៣ ក្រុម៣ ភូមិបាក់ទូក សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ កាលពីថ្ងៃទី២១ ខែវិច្ឆិកា ឆ្នាំ២០២៥ វេលាម៉ោង៥ និង៣០នាទីទាបភ្លឺ។
តាមនគរបាលបានឲ្យដឹងទៀតថា ការឃាត់ខ្លួនជនសង្ស័យទាំង០៣នាក់នោះ មុនដំបូងសមត្ថកិច្ចឃាត់ជនសង្ស័យបានចំនួន០១នាក់ នៅចំណុចផ្លូវK5 ភូមិចុងខ្សាច់ សង្កាត់ទួលសងែ្ក១ ខណ្ឌឬស្សីកែវ រាជធានីភ្នំពេញ និងបន្តស្រាវជ្រាវឃាត់ខ្លួនបានជនសង្ស័យចំនួន០២នាក់ទៀត ក្នុងនោះ ស្រី០១នាក់ ឃាត់ខ្លួននៅចំណុចផ្លូវជាតិលេខ៦ ស្រុកបារាយណ៍ ខេត្តសៀមរាប។
បន្ទាប់ពីឃាត់ខ្លួនសមត្ថកិច្ចដករហូតសម្ភារៈរួមមាន៖ ម៉ូតូចំនួន០១គ្រឿងម៉ាក ADV ពណ៌ស ពាក់ស្លាកលេខភ្នំពេញ 1MB5101,ទូរសព្ទចំនួន០៣គ្រឿង ,លោហៈធាតុខ្សែក ប្រវែង៥៥ សង់ទីម៉ែត្រ ចំនួន១ខ្សែមានបន្តោងរូបយុទ្ធនាការ,លោហៈធាតុប្រភេទខ្សែដៃ ប្រវែង ១៨សង់ទីម៉ែត្រ,លោហ:ធាតុប្រភេទចិញ្ចៀន ១វង់, ប្រាក់ចំនួន២១០០$(ដុល្លារអាមេរិក),ប្រាក់ចំនួន១០២៤០០០យេន
(ជប៉ុន) ។
គួរបញ្ជាក់ថា កាលពីវេលាម៉ោងប្រុមាណជិត៦ព្រឹកថ្ងៃទី២១ ខែវិច្ឆិកា ឆ្នាំ២០២៥ស្ថិតនៅផ្ទះជួល ក្នុងភូមិបាក់ទូក សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ នៅពេលដែលស្ត្រីរងគ្រោះត្រឡប់មកពីធ្វើការវិញ នាងបានស្រែកទ្រហោយំ បន្ទាប់ពីមកដល់ផ្ទះត្រូវចោលគាស់បន្ទប់ចូលលួចយកអស់ប្រាក់ដុល្លារ និងលុយជប៉ុនសរុបប្រមាណជិត៣ម៉ឺនដុល្លារ។
ខណៈនោះស្ត្រីរងគ្រោះស្ត្រីរងគ្រោះបានប្រាប់ឲ្យដឹងថា ប្រាក់ដែលត្រូវចោរឆ្កឹះសោបន្ទប់លួចយកទៅរួមមាន ប្រាក់ដុល្លារប្រមាណ១៤០០០ដុល្លារ និងលុយជប៉ុនប្រមាណជិត២ម៉ឺនយ៉េន ដែលសរុបប្រមាណជិត៣ម៉ឺនដុល្លារ ។
ស្ត្រីវ័យក្មេងរូបនោះបានឲ្យដឹងទៀតថា ខ្លួនជាអតីតពលករធ្វើការនៅប្រទេសជប៉ុន ខំសន្សំប្រាក់អស់រយៈពេល៧ឆ្នាំហើយត្រឡប់មកប្រទេសកម្ពុជាវិញខំធ្វើការងារយប់បន្តទៀតដើម្បីសន្សំ យកលុយធ្វើផ្ទះនៅស្រុក ។
នៅពេលថ្មីៗនេះ ខ្លួនបានដកលុយយកមកទុកនៅក្នុងបន្ទប់ប្រុងធ្វើដំណើរទៅយកលុយទៅស្រុកធ្វើផ្ទះ តែត្រូវបានចោរលួចអស់ ។ ជនសង្ស័យ,អ្នកផ្សំគំនិតនិងអ្នកទទួលផលចោរកម្មទាំងបីនាក់នោះត្រូវបានសមត្ថកិច្ចឃាត់ខ្លួនបណ្ដោះសន្តនៅអធិការដ្ឋាននគរបាលខណ្ឌឬស្សីកែវដើម្បីសាកសួរនិងចាត់ការតាមនីតិវិធី ៕
ចែករំលែកព័តមាននេះ