មហាអយ្យការអមសាលាឧទ្ធរណ៍ភ្នំពេញ ចេញដីកាកោះ បង្គាប់មកជនជាប់ចោទឲ្យចូលសវនាការ ជាសាធារណៈ
រាជធានីភ្នំពេញ ៖ កាលពីថ្ងៃទី១៧ ខែវិច្ឆិកា ឆ្នាំ២០២៥ លោក អ៊ឹម សុផាន អគ្គព្រះរាជអាជ្ញារង នៃមហាអយ្យការអមសាលាឧទ្ធរណ៍ភ្នំពេញ…
រាជធានីភ្នំពេញ ៖ កាលពីថ្ងៃទី១៧ ខែវិច្ឆិកា ឆ្នាំ២០២៥ លោក អ៊ឹម សុផាន អគ្គព្រះរាជអាជ្ញារង នៃមហាអយ្យការអមសាលាឧទ្ធរណ៍ភ្នំពេញ បានចេញដីកាកោះ បង្គាប់មកឈ្មោះ កឹម សុខា ភេទប្រុស កើតឆ្នាំ១៩៥៣ សញ្ជាតិខ្មែរ មានអាសយដ្ឋានបច្ចុប្បន្នស្នាក់នៅផ្ទះលេខ៩៧ ផ្លូវលេខ៣១៣ ភូមិ៧ សង្កាត់បឹងកក់ទី២ ខណ្ឌទួលគោក រាជធានីភ្នំពេញ ឲ្យចូលមកកាន់សាលាឧទ្ធរណ៍ នៅបន្ទប់សវនាការទី១ ជាកំណត់ នៅថ្ងៃទី១៨ ខែធ្នូ ឆ្នាំ២០២៥ វេលាម៉ោង៨និង៣០នាទីព្រឹក ដើម្បីជំនុំជម្រះលើសំណុំរឿង “សន្ទិដ្ឋិភាពជាមួយបរទេស” ប្រព្រឹត្តនៅប្រទេសកម្ពុជា និងទីកន្លែងផ្សេងទៀត កាលពីអំឡុងឆ្នាំ១៩៩៣ ដល់ថ្ងៃទី០៣ ខែកញ្ញា ឆ្នាំ២០១៧ ជាបទល្មើសព្រហ្មទណ្ឌដែលមានចែងឲ្យផ្តន្ទាទោសតាមបញ្ញត្តិមាត្រា ៤៤៣ នៃក្រមព្រហ្មទណ្ឌ ។ ដោយមានសមាសភាពដូចខាងក្រោម ៖
ក្រុមប្រឹក្សាជំនុំជម្រះទី១០
លោក អ៊ឹម វណ្ណៈ ប្រធានក្រុមប្រឹក្សា
លោក ឃុន សូណា ចៅក្រមប្រឹក្សា
លោក ឌុច សុខសារិន ចៅក្រមប្រឹក្សា ។
តំណាងមហាអ្យការ
ឯកឧត្តម មាស សុភក្តិ អគ្គព្រះរាជអាជ្ញារង
ឯកឧត្តម អ៊ឹម សុផាន អគ្គព្រះរាជអាជ្ញារង
ក្រឡាបញ្ជីសវនាការ
លោកស្រី ណាត ស្រីនុច
លោក យឹម ទិវា
កញ្ញា វ៉ា ដានីត ។
ជនជាប់ចោទអាចអមដោយមេធាវី ៕
ចែករំលែកព័តមាននេះ