ខេត្តសៀមរាប ៖ កងរាជអាវុធហត្ថខេត្ត បានទទួលបណ្ដឹងផ្ទាល់មាត់ពីប្រជាពលរដ្ឋតាមរយៈលេខទូរស័ព្ទបន្ទាន់ (Hotline) 1296 ដើម្បីសុំកិច្ចអន្តរាគមន៍ ដោយសង្ស័យថា មានអ្នកលួចអារឈើខុសច្បាប់ នៅភូមិទទឹងថ្ងៃ…
ខេត្តសៀមរាប ៖ កងរាជអាវុធហត្ថខេត្ត បានទទួលបណ្ដឹងផ្ទាល់មាត់ពីប្រជាពលរដ្ឋតាមរយៈលេខទូរស័ព្ទបន្ទាន់ (Hotline) 1296 ដើម្បីសុំកិច្ចអន្តរាគមន៍ ដោយសង្ស័យថា មានអ្នកលួចអារឈើខុសច្បាប់ នៅភូមិទទឹងថ្ងៃ ឃុំឫស្សីលក ស្រុកជីក្រែង កាលពីវេលាម៉ោងប្រមាណ៣រសៀលថ្ងៃទី២៥ ខែវិច្ឆិកា ឆ្នាំ២០២៥ ។
នៅក្នុងការធ្វើអន្តរាគមន៍ ក៏ឈានដល់ការឃាត់ខ្លួនជនសង្ស័យចំនួន៣នាក់ ប្រគល់ឱ្យខណ្ឌរដ្ឋបាលព្រៃឈើខេត្ត ដើម្បីចាត់ការបន្តតាមនីតិវិធី ។ បើតាមប្រភពពីកងរាជអាវុធហត្ថខេត្ត បានឱ្យ
ដឹងថា បន្ទាប់ពីទទួលបានព័ត៌មាននេះភ្លាម កម្លាំងអាវុធហត្ថខេត្ត និងកម្លាំងមូលដ្ឋានកងរាជ
អាវុធហត្ថស្រុកជីក្រែង សហការជាមួយកម្លាំងខណ្ឌរដ្ឋបាលព្រៃឈើសៀមរាប បានទៅដល់
ចំណុចខាងលើ ឃើញជន២នាក់កំពុងអារឈើដែលជាការប្រព្រឹត្តបទល្មើស ។ លុះនៅវេលាម៉ោងប្រមាណ៦ល្ងាចថ្ងៃដដែល ក៏បន្តឃាត់ខ្លួនជនម្នាក់ទៀត ជាអ្នកទិញឈើ ។
ជនទាំង៣នាក់ខាងលើ មានទីលំនៅក្នុងឃុំគោកធ្លកលើ ស្រុកជីក្រែង ហើយចំពោះវត្ថុតាងដកហូតមាន ម៉ាស៊ីនអារឈើ២គ្រឿង ម៉ាស៊ីនរ៉ៃចល័ត១គ្រឿង គោយន្តកន្ត្រៃ១គ្រឿង ឈើយាង និងឈើធ្នង់ សរុបចំនួន ៥,៨០៥ម៉ែត្រគូប ។ ជនទាំង៣នាក់រួមនឹងវត្ថុតាង ត្រូវបានកងរាជអាវុធហត្ថខេត្ត ប្រគល់ជូនទៅខណ្ឌរដ្ឋបាលព្រៃឈើសៀមរាប ដើម្បីចាត់ការបន្តតាមនីតិវិធី ៕
ចែករំលែកព័តមាននេះ