តើអ្នកឧស្សាហ៍ភ្ញាក់ឡើងនៅពាក់កណ្តាលយប់ដោយសារតែស្រេកទឹកឬ? នេះមិនមែនគ្រាន់តែមកពីខ្វះទឹកនោះទេ! យោងតាមការផ្សាយរបស់សារព័ត៌មានបរទេស បានឱ្យដឹងថា អ្នកជំនាញបានរកឃើញកត្តាសំខាន់ៗមួយចំនួន៖ ការខ្សោះជាតិទឹកដែលលាក់បាំង៖បែកញើសច្រើន (ពេលហាត់ប្រាណ ឬថ្ងៃក្តៅ) តែមិនបានផឹកទឹកគ្រប់គ្រាន់ពេលថ្ងៃធ្វើឲ្យរាងកាយខ្វះខាតជាតិទឹកនៅពេលយប់។សញ្ញា: នោមតិច…
តើអ្នកឧស្សាហ៍ភ្ញាក់ឡើងនៅពាក់កណ្តាលយប់ដោយសារតែស្រេកទឹកឬ? នេះមិនមែនគ្រាន់តែមកពីខ្វះទឹកនោះទេ! យោងតាមការផ្សាយរបស់សារព័ត៌មានបរទេស បានឱ្យដឹងថា អ្នកជំនាញបានរកឃើញកត្តាសំខាន់ៗមួយចំនួន៖
ការខ្សោះជាតិទឹកដែលលាក់បាំង៖
បែកញើសច្រើន (ពេលហាត់ប្រាណ ឬថ្ងៃក្តៅ) តែមិនបានផឹកទឹកគ្រប់គ្រាន់ពេលថ្ងៃធ្វើឲ្យរាងកាយខ្វះខាតជាតិទឹកនៅពេលយប់។
សញ្ញា: នោមតិច ឬទឹកនោមមានពណ៌ក្រមៅ។
ឥទ្ធិពលបរិស្ថាន និងអាកាសធាតុ៖
ខ្យល់ត្រជាក់ ឬក្តៅស្ងួត (ដូចជាក្នុងបន្ទប់ម៉ាស៊ីនត្រជាក់) អាចទាញយកសំណើមពីស្បែក និងសួតរបស់អ្នក។
ចំណាំ: សម្ពាធខ្យល់ក្នុងយន្តហោះក៏អាចបង្កឲ្យមានការខ្សោះជាតិទឹកដែរ។
ផលប៉ះពាល់នៃឱសថ (ថ្នាំពេទ្យ)៖
ថ្នាំមួយចំនួន ដូចជាថ្នាំបំបាត់ការថប់បារម្ភ ថ្នាំប្រឆាំងនឹងជំងឺផ្លូវចិត្ត ឬ ថ្នាំបញ្ចុះទឹកនោម អាចជំរុញការនោមញឹកញាប់ និងបង្កឲ្យមាត់ស្ងួត នាំឲ្យស្រេកទឹក។
ជាតិអាល់កុល:
ជាតិអាល់កុលមានលក្ខណៈបញ្ចុះទឹកនោមដែលធ្វើឲ្យរាងកាយបាត់បង់ជាតិទឹកតាមរយៈការនោមច្រើនជាងធម្មតា។
ដំណោះស្រាយ: គួរចៀសវាងភេសជ្ជៈមានជាតិអាល់កុលមុនពេលចូលគេង។
ការគេងមិនដកដង្ហើមនិងការហាមាត់៖
អ្នកដែលដកដង្ហើមតាមមាត់ពេលគេង ឬមានបញ្ហាគេងមិនដកដង្ហើម ធ្វើឲ្យមាត់ស្ងួត បាត់បង់សំណើមយ៉ាងលឿនពីក្នុងមាត់ ដែលបង្កឲ្យមានអារម្មណ៍ស្រេកទឹក។
ការប្រែប្រួលអ័រម៉ូន (មករដូវ/អស់រដូវ):
អ័រម៉ូនដែលគ្រប់គ្រងសារធាតុរាវក្នុងរាងកាយប្រែប្រួលអំឡុងពេលមករដូវ ឬអស់រដូវ ដែលអាចប៉ះពាល់ដល់តុល្យភាពជាតិទឹក និងបង្កើនការស្រេកទឹក។
ជំងឺទឹកនោមផ្អែម:
ការស្រេកទឹកខ្លាំងជាមួយនឹងការនោមច្រើនខុសធម្មតា គឺជាសញ្ញាសំខាន់មួយរបស់ជំងឺទឹកនោមផ្អែម (ប្រភេទ DKA ឬ HHS) ដោយសារជាតិស្ករខ្ពស់ធ្វើឲ្យតម្រងនោមត្រូវបញ្ចេញទឹកកាន់តែច្រើន។
ប្រសិនបើអ្នកមានអាការៈស្រេកទឹកខ្លាំងជាប់រហូតដោយមិនដឹងមូលហេតុ ហើយមានរោគសញ្ញាផ្សេងទៀត (ដូចជាអស់កម្លាំង ឬនោមញឹកញាប់) សូមពិគ្រោះជាមួយគ្រូពេទ្យដើម្បីពិនិត្យរកមូលហេតុ៕
ចែករំលែកព័តមាននេះ