ខេត្តកណ្តាល ៖ ពិតជាសាហាវណាស់ ក្មេងស្ទាវបើកឆាកប្រយុទ្ធគ្នា កាប់ដាច់ក្បាលធ្លាក់ពីលើស្មារមកដល់ដី ស្លាប់ម្នាក់យ៉ាងរន្ធត់ បំផុត ចំណែកម្នាក់ទៀតរបួសធ្ងន់ ខណៈក្មេងស្ទាវ ០៤នាក់…
ខេត្តកណ្តាល ៖ ពិតជាសាហាវណាស់ ក្មេងស្ទាវបើកឆាកប្រយុទ្ធគ្នា កាប់ដាច់ក្បាលធ្លាក់ពីលើស្មារមកដល់ដី ស្លាប់ម្នាក់យ៉ាងរន្ធត់ បំផុត ចំណែកម្នាក់ទៀតរបួសធ្ងន់ ខណៈក្មេងស្ទាវ ០៤នាក់ ត្រូវសមត្ថកិច្ចឃាត់ខ្លួនបាន ។
ករណីដ៍សាហាវនេះ បានកើតឡើងកាលពីវេលាម៉ោង ២២ និង ៣០នាទីយប់ ថ្ងៃទី២៧ ខែវិច្ឆិកា ឆ្នាំ២០២៥ តាមបណ្តោយផ្លូវជាតិលេខ១ ស្ថិតក្នុងភូមិព្រែកត្រែង២ ឃុំសំរោងធំ ស្រុកកៀនស្វាយ ខេត្តកណ្តាល ។
សមត្ថកិច្ចស្រុកកៀនស្វាយ បានឲ្យដឹងថា ត្រឹមរយៈពេល ១ម៉ោងប៉ុណ្ណោះ សមត្ថកិច្ចបំបែកករណីដ៍សាហាវនេះបាន ដោយឃាត់ខ្លួនបានជនសង្ស័យបាន ០៤នាក់ ដកហូតបាន ផ្គាក់២ដើម និងដាវ ស៊ាំម៉ូរ៉ៃ១ ដើម ។ ចំណែកជនរងគ្រោះដែលស្លាប់បាត់បង់ជីវិតមានឈ្មោះ ធី ភេទប្រុសអាយុ ១៩ឆ្នាំ ឃុំសំរោងធំ ស្រុកកៀនស្វាយ ខេត្តកណ្តាល ។ និងជនរងគ្រោះម្នាក់ទៀតមិនទាន់ស្គាល់អត្តសញ្ញាណ អាយុ១៩ ឆ្នាំ ស្នាក់នៅភូមិជាមួយគ្នារងរបួសធ្ងន់ធ្ងរ កំពុងសង្គ្រោះបន្ទាន់នៅមន្ទីរពេទ្យស្រុកកៀនស្វាយ ។
សមត្ថកិច្ចបានបន្តឲ្យដឹងទៀតថា មុនពេលកើតហេតុ កម្លាំងប៉ុស្តិ៍សំរោងធំបានចេញល្បាតតាមបណ្តោយផ្លូវជាតិលេខ១ លុះមកដល់ចំណុចមុខជីផ្កាយ៥ ស្ថិតក្នុងភូមិព្រែកត្រែង២ ឃុំសំរោងធំ ស្រុកកៀនស្វាយ ក៏ប្រទះឃើញសាកសពដេកស្លាប់នៅជាប់និងផ្លូវជាតិលេខ១ ដាច់ក្បាលធ្លាក់នៅលើផ្លូវ ហើយមានក្រុមក្មេងស្ទាវចំនួន០៤នាក់នៅនឹងកន្លែងកើតហេតុ។ ភ្លាមនោះកម្លាំងយើងបានឃាត់ខ្លួនក្រុមក្មេងស្ទាវចំនួន៤នាក់ យកមកប៉ុស្តិ៍ដើម្បីសាកសួរ ។
នៅចំពោះមុខសមត្ថកិច្ច ឈ្មោះ ហ៊ាន សៀងហៀង ភេទប្រុស, ឈ្មោះ ហ៊ាន សៀងហៃ ភេទប្រុស, ឈ្មោះ ឆុន ឆាយ ភេទប្រុស បានសារភាពថា: ឈ្មោះ កល់ ដារ៉ុង ភេទប្រុស អាយុ១៨ឆ្នាំ ជនជាតិខ្មែរ មុខរបរកសិករ មានទីលំនៅភូមិរាំងដេក ឃុំគគីរធំ ស្រុកកៀនស្វាយ ខេត្តកណ្តាល ជាអ្នកកាប់ជនរងគ្រោះបណ្តាលឲ្យស្លាប់។ ចំនែកជនសង្ស័យឈ្មោះ កល់ ដារ៉ុង ភេទប្រុស បានសារភាពថា: ខ្លួនបានកាប់ជនរងគ្រោះ១កាំបិតផ្គាក់បណ្តាលឲ្យស្លាប់ ម្នាក់ និងរបួសធ្ងន់ម្នាក់ ត្រូវបានកម្លាំងបានបញ្ជូនទៅសង្គ្រោះនៅមន្ទីពេទ្យ។
ករណីនេះកម្លាំងជំនាញសហការជំនួញកម្លាំងកោសលវិច្ច័យកំពុង បន្តនីតិវិធីចាត់ការតាមច្បាប់ និងប្រគល់សពឲ្យសាច់ញាតិធ្វើបុណ្យតាមប្រពៃណី
ចំពោះមូលហេតុឈានទៅដល់ការកាប់សម្លាប់យ៉ាងរន្ធត់ខាងលើនេះ យើងមិនទាន់ដឹងច្បាស់ ថាផ្តើមចេញពីរឿងអ្វីនោះទេ បានព័ត៌មានលម្អិតក្រុមការងារកាសែតកោះសន្តិភាព និងលម្អិតជូនតាមពេលក្រោយ ៕
ចែករំលែកព័តមាននេះ