សហរដ្ឋអាមេរិក ៖ កាលពីរសៀលថ្ងៃទី២៤ វិច្ឆិកា ខ្យល់កំបុតត្បូងដ៏ខ្លាំងមួយវាយប្រហារតំបន់ហារីស ក្រុងហ៊ូស្តុន រដ្ឋតិចសាស់ សហរដ្ឋអាមេរិក ដោយបំផ្លាញផ្ទះអស់ជាង១០០ខ្នង ។

ទោះបីជាខ្យល់កំបុតត្បូងនោះវាយប្រហារខ្លាំងក្លាបែបនេះ តែសំណាងល្អពុំមានសេចក្ដីរាយការណ៍ពីមនុស្សរបួសធ្ងន់ឬស្លាប់ឡើយ ។ បណ្ដារូបភាពតាមបណ្ដាញសង្គមបង្ហាញ ពីដើមឈើធំៗត្រូវរលំបាក ផ្ទះសម្បែងទាំងឡាយរងការបំផ្លាញ មើលទៅពិតគួរជាឲ្យព្រឺខ្លាច ។
អគ្គិសនីត្រូវដាច់ក៏ដូចជាប្រព័ន្ធហ្គាស ។ អាជ្ញាធរស្នើដល់ប្រជាជនឲ្យស្ថិតនៅក្នុងផ្ទះ ព្រោះនៅខាងក្រៅពោរពេញដោយបំណែក ហើយខ្សែអគ្គិសនីដាច់ធា្លក់រ៉ាយប៉ាយលើដី ៕

ចែករំលែកព័តមាននេះ