ក្រុងបាងកក ៖ រឿងចម្លែកបំផុតដ៏គួរឱ្យភ្ញាក់ផ្អើលមួយ បានកើតឡើងនៅក្នុងប្រទេសថៃ ក្រោយស្ត្រីម្នាក់ត្រូវបានគេភ្ញាក់ផ្អើលថា នៅមានជីវិត ដោយសារកម្រើកធ្វើឱ្យឮសំឡេងគោះក្ដារក្នុងមឈូស ខណៈដែលគេបម្រុងនឹងយកទៅបូជានៅឈាបនដ្ឋានទៅហើយ ។ នេះបើតាមការចេញផ្សាយដោយសារព័ត៌មាន…
ក្រុងបាងកក ៖ រឿងចម្លែកបំផុតដ៏គួរឱ្យភ្ញាក់ផ្អើលមួយ បានកើតឡើងនៅក្នុងប្រទេសថៃ ក្រោយស្ត្រីម្នាក់ត្រូវបានគេភ្ញាក់ផ្អើលថា នៅមានជីវិត ដោយសារកម្រើកធ្វើឱ្យឮសំឡេងគោះក្ដារក្នុងមឈូស ខណៈដែលគេបម្រុងនឹងយកទៅបូជានៅឈាបនដ្ឋានទៅហើយ ។ នេះបើតាមការចេញផ្សាយដោយសារព័ត៌មាន CNA ។
វត្ត Rat Prakhong Tham នៅក្នុងខេត្ត Nonthaburi ស្ថិតនៅជាយទីក្រុងបាងកក បានបង្ហោះវីដេអូទាក់ទិននឹងហេតុការណ៍ដ៏កម្រកើតមាននេះ នៅលើទំព័រ Facebook ដោយបង្ហាញពីស្ត្រីម្នាក់កំពុងដេកនៅក្នុងមឈូស ពណ៌ស នៅលើរថយន្ដ pick-up ពណ៌ខ្មៅ១គ្រឿង បានកម្រើកដៃ និងក្បាល។
លោក Pairat Soodthoop ជាអ្នកចាត់ការទូទៅ ផ្នែកហិរញ្ញវត្ថុរបស់វត្តខាងលើ បានប្រាប់ទីភ្នាក់ ងារ សារព័ត៌មាន AP កាលពីថ្ងៃចន្ទ ទី២៤ ខែវិច្ឆិកា ថា បងប្អូនប្រុសរបស់ស្ត្រីអាយុ៦៥ឆ្នាំ បានដឹកសពស្ត្រីរូបនេះមកពីខេត្ត Phitsanulok ដើម្បីបូជា ។
ប៉ុន្តែលោកស្រាប់តែឮសូរស្នូរគោះក្ដារចេញពីមឈូស ។ លោកថា «ខ្ញុំពិតជាមានការភ្ញាក់ផ្អើលបន្តិច ក៏បានសុំឱ្យបើកគម្របមឈូស ដើម្បីពិនិត្យមើលឱ្យអស់ចិត្តមុនបូជា ហើយអ្នករាល់គ្នាបានភ្ញាក់ផ្អើលយ៉ាងខ្លាំង ។ ខ្ញុំបានឃើញស្ត្រីរូបនោះកម្រើកភ្នែក និងកំពុងគោះមឈូស» ។ នេះជាការលើកឡើងរបស់លោក Pairat ។
លោក Pairat បានបន្ថែមថា បងប្អូនប្រុសរបស់ស្ត្រីខាងលើ បាននិយាយថា ស្ត្រីរូបនេះបានគេងឈឺនៅលើគ្រែជាង២ឆ្នាំ ហើយកាលពីជាង២ថ្ងៃមុននេះ ស្ត្រីរូបនេះលែងដកដង្ហើម ។ ជាហេតុធ្វើឱ្យសាច់ញាតិជឿថា រូបគាត់បានស្លាប់ ក៏លើកគ្នាលើកដាក់គាត់ក្នុងមឈូសធ្វើដំណើរក្នុងចម្ងាយផ្លូវ៥០០គីឡូម៉ែត្រ ឆ្ពោះទៅកាន់មន្ទីរពេទ្យមួយក្នុងទីក្រុងបាងកក ដើម្បីបំពេញតាមបំណងរបស់ស្ត្រីដែលចង់បរិច្ចាគសរីរាង្គ ។
ប៉ុន្តែខាងមន្ទីរពេទ្យបានបដិសេធមិនទទួលនោះទេ ដោយសារតែគ្មានលិខិតបញ្ជាក់ពីមរណភាព ។ ពេលនេះ ស្ត្រីខាងលើ ត្រូវបានបញ្ជូនទៅកាន់មន្ទីរពេទ្យមួយ ហើយចៅអធិការវត្ត Wat Rat Prakhong Tham មានសង្ឃដិកាថា ខាងវត្តនឹងរ៉ាប់រងថ្លៃចំណាយលើការព្យាបាល ៕
ចែករំលែកព័តមាននេះ