ប្រទេសថៃ ៖ ភាគខាងត្បូងថៃ ពេលនេះកំពុងជួបប្រទះគ្រោះទឹកជំនន់ដ៏សាហាវ និងបានបំផ្លិចបំផ្លាញ បណ្ដាលឲ្យមនុស្សស្លាប់យ៉ាងតិច២៥នាក់ ហើយមនុស្សជាង១៣.០០០នាក់ត្រូវជម្លៀសខ្លួនចេញ ។ ក្នុងតំបន់មួយចំនួន…
ប្រទេសថៃ ៖ ភាគខាងត្បូងថៃ ពេលនេះកំពុងជួបប្រទះគ្រោះទឹកជំនន់ដ៏សាហាវ និងបានបំផ្លិចបំផ្លាញ បណ្ដាលឲ្យមនុស្សស្លាប់យ៉ាងតិច២៥នាក់ ហើយមនុស្សជាង១៣.០០០នាក់ត្រូវជម្លៀសខ្លួនចេញ ។
ក្នុងតំបន់មួយចំនួន ទឹកជំនន់ពិតជាអាក្រក់បំផុតពុំធ្លាប់ជួបប្រទះ ចាប់តាំងពី៥០ឆ្នាំមកហើយ ។ នេះបើតាមអាជ្ញាធរមូលដ្ឋាន ។ ជាលើកដំបូងនាឆ្នាំនេះ ដែលថៃប្រឈមមុខនឹងភ្លៀងធ្លាក់ខ្លាំងបំផុត ។ រវាងថ្ងៃទី១៦សីហា និងថ្ងៃទី៧តុលាកន្លងទៅ ទឹកជំនន់បណ្ដាលឲ្យមនុស្សស្លាប់៥២នាក់រួចហើយ រួចមនុស្ស២៨នាក់ទៀតរងរបួស។ ទឹកជំនន់ប៉ះពាល់ដល់ខេត្តជាង៤០ក្នុងចំណោមខេត្តទាំង៧៦របស់ថៃ។
រដ្ឋាភិបាលថៃបានអនុម័តផែនការកសាងឡើងវិញមួយមានទឹកប្រាក់១៩ពាន់លានបាត ប្រមាណជា៥២០អឹរ៉ូ សម្រាប់ការកសាងឡើងវិញ ឬជួសជុល បណ្ដាហេដ្ឋារចនាសម្ព័ន្ធនិងសេវាកម្មសាធារណៈ ក្នុងខេត្ត២នាភាគខាងជើងប្រទេស គឹខេត្តឈៀងម៉ៃ និងខេត្ត
ឈៀងរ៉ៃ ដែលរងការប៉ះពាល់ធ្ងន់ធ្ងរដោយទឹកជំនន់ ។
ពេលនេះ ដល់វេនបណ្ដាខេត្តភាគខាងត្បូងថៃដែលកំពុងជួបប្រទះទឹកជំនន់ដ៏អាក្រក់។ មនុស្សយ៉ាងតិច២៥នាក់ស្លាប់ និងមនុស្សជម្លៀសខ្លួនចេញមានដល់១៣.០០០នាក់ ក្នុងរយៈពេលតែ១សប្ដាហ៍ ។ ផ្ទះជាង៦៤០.០០០ខ្នងត្រូវទឹកជន់លិច។ ខេត្ត៦នៅភាគខាងត្បូងថៃបានប្រកាសអាសន្ន ក្នុងនោះ មានខេត្តយ៉ាឡា ប៉ាតានី និងណារ៉ាធីវ៉ាត់ ជិតម៉ាឡេស៊ីក៏ជួបគ្រោះទឹកជំនន់ដ៏អាក្រក់ពុំធ្លាប់មាន ចាប់តាំងពីមួយទសវត្សរ៍មកហើយដែរ។ បណ្ដាផ្លូវថ្នល់មិនអាចប្រើប្រាស់បាន បណ្ដាផ្លូវដែករងការខូចខាត បណ្ដាឃុំទាំងមូលត្រូវទឹកលិច ៕
ចែករំលែកព័តមាននេះ