ប្រទេសវៀតណាម ៖ ភ្លៀងធ្លាក់ខ្លាំងនាពេលថ្មីៗនេះនៅវៀតណាម បណ្ដាលឲ្យមានទឹកជំនន់អាក្រក់បំផុតនាំឲ្យមនុស្សស្លាប់យ៉ាងតិច៩០នាក់ហើយក្នុងរយៈពេល១សប្ដាហ៍។ នេះបើតាមតុល្យការថ្មីចេញផ្សាយ នៅថ្ងៃទី២៣ វិច្ឆិកា ដោយក្រសួងបរិស្ថានវៀតណាម ។ ក្រសួងគូសបញ្ជាក់ថា…
ប្រទេសវៀតណាម ៖ ភ្លៀងធ្លាក់ខ្លាំងនាពេលថ្មីៗនេះនៅវៀតណាម បណ្ដាលឲ្យមានទឹកជំនន់អាក្រក់បំផុតនាំឲ្យមនុស្សស្លាប់យ៉ាងតិច៩០នាក់ហើយក្នុងរយៈពេល១សប្ដាហ៍។ នេះបើតាមតុល្យការថ្មីចេញផ្សាយ នៅថ្ងៃទី២៣ វិច្ឆិកា ដោយក្រសួងបរិស្ថានវៀតណាម ។
ក្រសួងគូសបញ្ជាក់ថា មនុស្សជាង៦០នាក់ក្នុងចំណោមមនុស្ស៩០នាក់ដែលស្លាប់ ចាប់តាំងពីថ្ងៃទី១៦ វិច្ឆិកា មក រកឃើញក្នុងខេត្តតំបន់ភ្នំដាក់ឡាក់ ភាគណ្ដាលប្រទេស ដែលនៅទីនោះទឹកបានជន់លិចផ្ទះច្រើនសិបពាន់ខ្នង ។
តុល្យការលើកមុនរៀបរាប់ពីមនុស្សស្លាប់ត្រឹម៥៥នាក់ ។ ភាគខាងត្បូងនិងភាគកណ្ដាលវៀតណាម ជួបប្រទះភ្លៀងធ្លាក់មិនឈប់ឈរ ចាប់តាំងពីដំណាច់ខែតុលាមក បណ្ដាលឲ្យមានទឹកជំនន់ធំបំផុត ជន់លិចបណ្ដាទីតាំងទេសចរណ៍ព្រមទាំងបណ្ដាទីតាំងប្រវត្តិសាស្ត្រ ។
ក្នុងទីក្រុងជាប់សមុទ្រញ៉ាត្រាងបណ្ដាសង្កាត់ទាំងមូលត្រូវទឹកជន់លិច កាលពីសប្ដាហ៍មុនហើយការបាក់ដីនានាកើតមាននៅតំបន់ខ្ពស់ជុំវិញក្រុងដាឡាត់កន្លែងទេសចរណ៍ពេញនិយម ៕
ចែករំលែកព័តមាននេះ