ខេត្តសៀមរាប ៖ កម្លាំងជំនាញបានចុះបង្ក្រាបករណីនេសាទខុសច្បាប់ (ឆក់ត្រី) នៅបឹងទន្លេសាប ក្នុងភូមិសាស្ត្រខេត្តសៀមរាប ដោយដកហូតបានវត្ថុតាង តែជនល្មើសបានរត់គេចខ្លួនរួច។ ជាក់ស្តែង គណៈបញ្ជាការបង្ក្រាបបទល្មើសនេសាទខុសច្បាប់បឹងទន្លេសាប…
ខេត្តសៀមរាប ៖ កម្លាំងជំនាញបានចុះបង្ក្រាបករណីនេសាទខុសច្បាប់ (ឆក់ត្រី) នៅបឹងទន្លេសាប ក្នុងភូមិសាស្ត្រខេត្តសៀមរាប ដោយដកហូតបានវត្ថុតាង តែជនល្មើសបានរត់គេចខ្លួនរួច។
ជាក់ស្តែង គណៈបញ្ជាការបង្ក្រាបបទល្មើសនេសាទខុសច្បាប់បឹងទន្លេសាប បានប្រកាសនាថ្ងៃទី២៣ ខែវិច្ឆិកា ឆ្នាំ២០២៥នេះថា ៖ កងកម្លាំងតំបន់ប្រតិបត្តិការសឹករងសៀមរាបចំណុះឲ្យគណៈបញ្ជាការកងឯកភាព បង្ក្រាបបទល្មើសនេសាទបឹងទន្លេសាប នាថ្ងៃទី២៣ ខែវិច្ឆិកា ឆ្នាំ២០២៥ បានចាត់តាំងកម្លាំងល្បាតត្រួតពិនិត្យ ក្នុងភូមិសាស្ត្រ ភូមិមាត់ខ្លា ឃុំអន្លង់សំណរ ស្រុកជីក្រែង ខេត្តសៀមរាប បានជួបជនល្មើសលួចនេសាទខុសច្បាប់ ដោយប្រើប្រាស់ ឧបករណ៍ឆក់ និងទូកចំនួន២គ្រឿង។
ក្នុងប្រតិបត្តិការនោះដែរ ជនល្មើសបានលោតចូលទឹកគេចខ្លួន ចូលក្នុងព្រៃលិចទឹក ដោយឡែក ឧបករណ៍ និងមធ្យោបាយបទល្មើសយកមករក្សាទុក និងបន្តស្រាវជ្រាវ ។
សូមរំលឹកថា ៖ បច្ចុប្បន្ន វត្ថុតាងទាំងអស់ ត្រូវបានសមត្ថកិច្ចនាំយកមករក្សាទុកនៅទីតាំងសុវត្ថិភាព ដើម្បីកសាងសំណុំរឿង ។ ទន្ទឹមនឹងនេះ សមត្ថកិច្ចនឹងបន្តធ្វើការស្រាវជ្រាវ ដើម្បីកំណត់អត្តសញ្ញាណម្ចាស់ទូក ឬជនល្មើសទាំងនោះយកមកអនុវត្តតាមនីតិវិធីច្បាប់នៅពេលក្រោយ ។
ប្រតិបត្តិការនេះ បង្ហាញពីការយកចិត្តទុកដាក់របស់កម្លាំងតំបន់ប្រតិបត្តិការសឹករងសៀមរាប ក្នុងការការពារធនធានធម្មជាតិនៅបឹងទន្លេសាប ទោះបីជាក្រុមជនល្មើសព្យាយាមប្រើគ្រប់មធ្យោបាយដើម្បីគេចវេះក៏ដោយ ៕
ចែករំលែកព័តមាននេះ