កង់ដែលផលិតដោយកម្មករនៅកម្ពុជា ត្រូវបានគេដឹងថា អាចលក់ចេញនៅក្នុងរង្វង់១០ខែឆ្នាំ២០២៥ បានតម្លៃសរុបប្រមាណជាជិត៥០៣ លានដុល្លារកើនឡើងប្រមាណជា ៤៧,៦ ភាគរយ បើធៀបនឹងរយៈពេលដដែល កាលពីឆ្នាំ២០២៤កន្លងទៅ នេះ…
កង់ដែលផលិតដោយកម្មករនៅកម្ពុជា ត្រូវបានគេដឹងថា អាចលក់ចេញនៅក្នុងរង្វង់១០ខែឆ្នាំ២០២៥ បានតម្លៃសរុបប្រមាណជាជិត៥០៣ លានដុល្លារកើនឡើងប្រមាណជា ៤៧,៦ ភាគរយ បើធៀបនឹងរយៈពេលដដែល កាលពីឆ្នាំ២០២៤កន្លងទៅ
នេះ គឺជាកំណើនដ៏ខ្ពស់គួរអោយកត់សម្គាល់ ។ ប្រភពពីក្រសួងពាណិជ្ជកម្ម បានឲ្យដឹងថា កង់ដែលផលិតនៅប្រទេសកម្ពុជា ភាគច្រើន ត្រូវបាននាំចេញទៅកាន់សហភាពអឺរ៉ុប ចក្រភពអង់គ្លេស សហរដ្ឋអាមេរិក និងកាណាដា ។
ប្រភពដដែលបានបន្តថា កង់បានក្លាយជាផលិតផលផលិតកម្មសំខាន់មួយរបស់កម្ពុជា សម្រាប់នាំចេញទៅកាន់ទីផ្សារអន្តរជាតិបន្ថែមពីលើសម្លៀកបំពាក់ ស្បែកជើង សម្ភារៈធ្វើដំណើរ សំបកកង់រថយន្ត និងទំនិញកសិកម្ម ដែលមានសក្តានុពលដូចជា អង្ករ កៅស៊ូ គ្រាប់ស្វាយចន្ទី ចេកលឿង ស្វាយ និងផ្លែមៀន ៕
ចែករំលែកព័តមាននេះ