ខេត្តកណ្តាល ៖ បុរសម្នាក់ បានឡើងលើបង្គោលភ្លើង សង្ស័យធ្វើសកម្មភាពលួចកាត់ខ្សែភ្លើងការពាររន្ទះបាញ់ បណ្តាលអោយឆក់ស្លាប់ជាប់លើបង្គោលភ្លើងយ៉ាងអាណោចអាធ័ម ។ ហេតុការណ៍ខាងលើនេះបានកើតទ្បើង កាលពីវេលាម៉ោង០៩ និង…
ខេត្តកណ្តាល ៖ បុរសម្នាក់ បានឡើងលើបង្គោលភ្លើង សង្ស័យធ្វើសកម្មភាពលួចកាត់ខ្សែភ្លើងការពាររន្ទះបាញ់ បណ្តាលអោយឆក់ស្លាប់ជាប់លើបង្គោលភ្លើងយ៉ាងអាណោចអាធ័ម ។
ហេតុការណ៍ខាងលើនេះបានកើតទ្បើង កាលពីវេលាម៉ោង០៩ និង ៣០នាទី ព្រឹកថ្ងៃទី២២ ខែវិច្ឆិកា ឆ្នាំ២០២៥ នៅចំណុចក្រោយបុរីព្រីមន៍មាផាស្តិត ស្ថិតក្នុងភូមិអំពើទឹក ឃុំសំបួរមាស ស្រុកមុខកំពូល ខេត្តកណ្ដាល ។
សមត្ថកិច្ចបានអោយដឹងថា ជនសង្ស័យម្នាក់ដែលត្រូវខ្សែភ្លើងឆក់ស្លាប់ខាងលើ មិនស្គាល់អត្តសញ្ញាណ ភេទប្រុស អាយុប្រហែលជាង៣០ឆ្នាំ ។
តាមប្រភពព័ត៌មានពីមេការជាងភ្លើង បានអោយដឹងថា នៅមុនពេលកើតហេតុ រូបគាត់ ជាអ្នកដើរត្រួតពិនិត្យខ្សែភ្លើងតាមបង្គោលភ្លើងនីមួយៗ ក៏ប្រទះឃើញជនសង្ស័យម្នាក់បានស្លាប់ យ៉ាងអាណោចអាធ័មជាប់នៅលើបង្គោលភ្លើង សង្ស័យទ្បើងលួចកាត់ខ្សែភ្លើងការពាររន្ទះបាញ់ ។ ភ្លាមនោះ គាត់ក៏បានរាយការណ៍ជូនសមត្ថកិច្ចខណ្ឌជ្រោយចង្វារ ដើម្បីចុះត្រួតពិនិត្យ ក៏ប៉ុន្តែសមត្ថកិច្ចបានឆ្លើយតបថា មិនមែនជាទឹកដីរបស់លោកទេ គឺជាទឹកដីប៉ុស្តិ៍សំបួរមាស ស្រុកមុខកំពូល ខេត្តកណ្ដាល ។
ក្រោយពីទទួលបានព័ត៌មានខាងលើរួចហើយ កម្លាំងប៉ុស្តិ៍សំបួរមាសបានសហការជាមួយកម្លាំងផ្នែកពិនិត្យវិភាគកន្លែងកើតហេតុ គ្រូពេទ្យ និងអាជ្ញាធរចុះទៅពិនិត្យកន្លែងកើតហេតុ និងពិនិត្យសព ។
ក្នុងនោះបើយោងតាមសមត្ថកិច្ចជំនាញធ្វើត្រួតពិនិត្យ និងរកឃើញថា សពជនរងគ្រោះពាក់អាវក្រឡាការ៉ូដៃវែង ស្លៀកខោកុងម៉ៅប៉ារ៉ា លីអូពណ៍ក្រហម មានស្រោមជើងវែងពណ៌ខ្មៅ ។ សាកសពមុខខ្មៅ ភ្នែកលៀន ទាំងសងខាង អណ្ដាតលៀនចេញមកក្រៅ មានស្នាមរលាត់ស្បែកនៅលើមុខនិងរលាត់ស្បែកលើខ្លួនមានស្នាមជាំក្រហមពេញខ្លួនសពមានក្លិនស្អុយ ។ ក្រៅពីនោះពុំមានស្លាកស្នាមអ្វីគួរផ្សេងគួរឲ្យកត់សម្គាល់ឡើយ។
សមត្ថកិច្ចបានសន្និដ្ឋានថា ស.ពជនរងគ្រោះស្លាប់ដោយសារខ្សែភ្លើងឆក់ពិតប្រាកដមែន និងបានប្រគល់ជូនអាជ្ញាធរតម្កល់ទុកនៅវត្តបំពេញកុសល(ហៅវត្តពាម)បណ្ដោះអាសន្ន ដើម្បីធ្វើការស្រាវជ្រាវរកសាច់ញាតិ ៕
ចែករំលែកព័តមាននេះ