រាជធានីភ្នំពេញ ៖ ក្រសួងសាធារណការ និងដឹកជញ្ជូន បានប្រកាសនាថ្ងៃទី២២ ខែវិច្ឆិកា ឆ្នាំ២០២៥ ថា ដើម្បីការពារសុវត្ថិភាពក្នុងការធ្វើដំណើរនៅលើផ្លូវល្បឿនលឿន បងប្អូនត្រូវយល់ដឹងបន្ថែមអំពីបម្រាមមួយចំនួនៈ…
រាជធានីភ្នំពេញ ៖ ក្រសួងសាធារណការ និងដឹកជញ្ជូន បានប្រកាសនាថ្ងៃទី២២ ខែវិច្ឆិកា ឆ្នាំ២០២៥ ថា ដើម្បីការពារសុវត្ថិភាពក្នុងការធ្វើដំណើរនៅលើផ្លូវល្បឿនលឿន បងប្អូនត្រូវយល់ដឹងបន្ថែមអំពីបម្រាមមួយចំនួនៈ
១. ហាមបើកបរត្រឡប់ក្រោយ
២. ហាមបោះសំរាមចោលតាមផ្លូវ
៣. ហាមបើកបរបញ្ច្រាសទិស ឬថយក្រោយ
៤. ហាមបើកបរលើសល្បឿនកំណត់
៥. ហាមដឹកអ្នកដំណើរនៅក្រោយរថយន្តភីកអាប់
៦. ហាមម៉ូតូរ៉ឹម៉កដែលមានកម្លាំងក្រោម 500cc ធ្វើដំណើរឡើងផ្លូវល្បឿនលឿន ។
ក្រសួងសាធារណការ និងដឹងជញ្ជូន សូមអំពាវនាវដល់បងប្អូនប្រជាពលរដ្ឋគ្រប់រូប មេត្តាអនុវត្តតាមលក្ខខណ្ឌក្នុងការប្រើប្រាស់ផ្លូវល្បឿនលឿន ព្រមទាំងចូលរួមគោរពច្បាប់ស្តីពីចរាចរណ៍ផ្លូវគោក ឱ្យបានខ្ជាប់ខ្ជួន កុំបើកបរលើសល្បឿនកំណត់ និងកុំបើកបរបញ្ច្រាសទិសចរាចរណ៍។ សូមបើកបរដោយសុវត្ថិភាព ។
សូមរំលឹកថា ក្រសួងមិនត្រឹមតែចង់ឱ្យគោរពច្បាប់ទេ ប៉ុន្តែចង់ឱ្យយល់ពីលក្ខខណ្ឌពិសេស របស់ផ្លូវល្បឿនលឿន ដើម្បីកាត់បន្ថយគ្រោះថ្នាក់ ដែលកើតឡើងដោយការធ្វេសប្រហែស (ដូចជាការបើកបញ្ច្រាស ឬលើសល្បឿន)៕
ចែករំលែកព័តមាននេះ