ខេត្តបាត់ដំបង ៖ បន្ទាប់ពីធ្វើការត្រូតពិនិត្យផ្នែកកោសល្យវិច្ច័យ យ៉ាងល្អិតល្អន់ពីមន្ត្រីបច្ចេកទេស កាលពីថ្ងៃទី២២ វិច្ឆិកា ទៅលើសាកសពបុរសដែលគេមិនស្គាល់អត្តសញ្ញាណម្នាក់ អណ្ដែតទឹកអូរមួយកន្លែងនៅស្រុកសំឡូត ។ ជុំវិញករណីនេះ…
ខេត្តបាត់ដំបង ៖ បន្ទាប់ពីធ្វើការត្រូតពិនិត្យផ្នែកកោសល្យវិច្ច័យ យ៉ាងល្អិតល្អន់ពីមន្ត្រីបច្ចេកទេស កាលពីថ្ងៃទី២២ វិច្ឆិកា ទៅលើសាកសពបុរសដែលគេមិនស្គាល់អត្តសញ្ញាណម្នាក់ អណ្ដែតទឹកអូរមួយកន្លែងនៅស្រុកសំឡូត ។ ជុំវិញករណីនេះ មន្ត្រីជំនាញបានធ្វើការសន្និដ្ឋានជាបឋមថា វាជាអំពើ<<ឃាតកម្ម>> ដោយយោងលើសាកសពមានស្លាកស្នាមរបួស ប៉ុន្តែនៅតែមិនទាន់ស្គាល់អត្តសញ្ញាណដដែល ហើយសាកសពនោះអាចជាជនបរទេសទៀតផង។
ស្នងការរង ទទូលផែនព្រហ្មទណ្ឌ លោក ឈឿង គឹមសុង បានន្រាប់ថា មន្ត្រីជំនាញ និង មន្ត្រីបច្ចេកវិទ្យាសាស្ត្រ នៃស្នងការខេត្ត បានចុះត្រូតពិនិត្យយ៉ាងជាក់លាក់ហើយ លើសាកសព ដែលគ្មានអត្តសញ្ញាណនោះ។ សាកសពមានស្ថានភាពហើមស្អុយ តែមន្ត្រីជំនាញរកឃើញមានស្នាមរបួសខ្លះៗនៅលើរាងកាយ ហើយក៏ឃើញមានដាច់ម្រាមដៃដែរ។
លោក ឈឿង គឹមសុង បាននិយាយថា បើយោងលើសម្លៀកបំពាក់ និង ស្នាមសាក់លើជើង រួមជាមួយនឹងភិនភាគនៃសាកសពផង ជនរងគ្រោះម្នាក់នេះ អាចជាជបរទេស។ សាកសពអាចត្រូវគេដឹកយកទៅបោះចូលក្នុងអូរនៅតំបន់នោះ ប៉ុន្តែយើងក៏មិនទាន់ថា អំពើឃាតកម្មនេះកើតឡើងនៅកន្លែងណា ? ហើយដឹកមកពីទិសណាទេ ? ពេលនេះមន្ត្រីជំនាញបានកំពុងធ្វើការស៊ើបអង្កេត។
សាកសពបុរសសម្បុរស ដែលគេមិនស្គាល់អត្តសញ្ញាណ ដែលស្រដៀងទៅនឹងជនជាតិចិននោះ ត្រូវបានអ្នកភូមិប្រទះឃើញ កាលពីរសៀលថ្ងៃទី ២១ វិច្ឆិកា នៅចំណុច<<អូរមីអូន>> ស្ថិតក្នុងភូមិអូរជាំកណ្ដាល ឃីកំពង់ល្ពៅ ស្រុកសំឡូត។
ស្ថានភាពសាកសពពាក់អាវយឺតដៃខ្លីពណ័ខ្មៅ តែរបូតខោមួយល្វែងក្រោម ទើជំពាក់នឹងគល់ឈើនៅក្នុងអូរក្រោយទឹកសម្រក ដែលនាំឲ្យអ្នកភូមិមើលឃើញយ៉ាងច្បាស់ក្រឡែត។ សាកសពមានស្ថានភាពហើមស្អុយ ដែលគេអាចសន្និដ្ឋានបានថា សាកសពបុរសនោះ ទំនងត្រូវគេសម្លាប់រួចដឹកយកទៅបោះចូលក្នុងអូរនោះយ៉ាងតិចក៏៣ទៅ៤ថ្ងៃមុនដែរ។
ក្រោយអ្នកភូមិ ប្រទះឃើញសាកសពនេះដំបូង កាលពីថ្ងៃទី ២១ វិច្ឆិកា អឌិការស្រុកសំឡូត លោកម៉ែន រីម បានផ្ដល់ព័ត៌មានបឋមថា សាកសពមានសភាពហើមស្អុយ ហើយករណីនេះ ទំនងកើតឡើងនាប៉ុន្មានថ្ងៃមុន។ សាកសពអាចត្រូវក្រុមជនសង្ស័យដឹកយកទៅទម្លាក់ចោលក្នុងទឹកអូរខាងលើ ខណ:ទឹកអូរនៅតំបន់នោះកំពុងហក់ឡើងខ្លាំង លុះទឹកស្រកក៏ប្រះឃើញសាកសព ជំពាក់ទើលើគល់ឈើទាំងននលគកតែម្ដង។
លោក ឈឿង គឹមសុង បានបញ្ជាក់ថា ដោយសារសាកសព មិនទាន់ស្គាល់អត្តសញ្ញាណ និង អាចជាជនបរទេសផង លោកស្នងការខេត្ត តំណាងអយ្យការ ដែលទងមានការឯកភាពពីនាយកដ្ឋានពាក់ព័ន្ធផង សម្រេចប្រគល់សាកសពទៅឲ្យមន្ត្រីមូលដ្ឋានបញ្ចុះ លើទីតាំងណាមួយជាបណ្ដាអាសន្ន ដើម្បីធ្វើការសើបអង្កេត និង ស្រាវជ្រាវស្វែងរកសាច់ញាតិមកទទូលយកសពជនរងគ្រោះ៕
ចែករំលែកព័តមាននេះ