រាជធានីភ្នំពេញ ៖ ជប៉ុនបញ្ជូនអនុព័ន្ធយោធាចុះពិនិត្យស្ថានការណ៍ព្រំដែន ព្រមប្រកាស ប្ដេជ្ញាជំរុញអនុវត្ត «កិច្ចព្រមព្រៀងបទឈប់បា.ញ់» ។ ការចូលរួមរបស់អនុព័ន្ធយោធា Hara ក្នុងដំណើរចុះពិនិត្យទីតាំងជាក់ស្តែង…
រាជធានីភ្នំពេញ ៖ ជប៉ុនបញ្ជូនអនុព័ន្ធយោធាចុះពិនិត្យស្ថានការណ៍ព្រំដែន ព្រមប្រកាស ប្ដេជ្ញាជំរុញអនុវត្ត «កិច្ចព្រមព្រៀងបទឈប់បា.ញ់» ។
ការចូលរួមរបស់អនុព័ន្ធយោធា Hara ក្នុងដំណើរចុះពិនិត្យទីតាំងជាក់ស្តែង ទាក់ទងនឹងស្ថានការណ៍ព្រំដែន ។ នេះបើយោងតាមស្ថានទូតជប៉ុនប្រចាំកម្ពុជា បានប្រកាសនាព្រឹកថ្ងៃទី២៣ ខែវិច្ឆិកា ឆ្នាំ២០២៥ ។
ជាក់ស្តែងនៅថ្ងៃទី២២-២៣ ខែវិច្ឆិកា លោកវរសេនីយ៍ឯក HARA Takashi ជាទីប្រឹក្សា និងអនុព័ន្ធយោធា បានចូលរួមសកម្មភាពចុះពិនិត្យទីតាំងជាក់ស្តែង ទាក់ទងនឹងស្ថានការណ៍ព្រំដែន ដែលរៀបចំដោយក្រសួងការពារជាតិ ក្នុងឋានៈជាសមាជិកនៃក្រុមអនុព័ន្ធយោធាបរទេស ប្រចាំព្រះរាជាណាចក្រកម្ពុជា(MACPP) ដើម្បីទទួលបានសេចក្តីសង្ខេបព័ត៌មានស្តីពីស្ថានភាពចុងក្រោយបង្អស់ ។
ជប៉ុន សូមសម្តែងការគោរពចំពោះក្រុមអ្នកសង្កេតការណ៍អាស៊ាន (AOT) ដែលដឹកនាំដោយប្រទេសម៉ាឡេស៊ី ។ ជប៉ុននឹងបន្តខិតខំប្រឹងប្រែង ដើម្បីជំរុញការអនុវត្តយ៉ាងប្រាកដប្រជានៃកិច្ចព្រមព្រៀងបទឈប់បា.ញ់ និងបន្ថយភាពតានតឹង ដោយសហការជាមួយបណ្តាប្រទេសពាក់ព័ន្ធនានា ៕
ចែករំលែកព័តមាននេះ