ខេត្តកំពង់ស្ពឺ ៖ ប្រជាកសិករនៅតាមបណ្តាលក្រុង~ស្រុកទាំង៩ក្នុងខេត្តកំពង់ស្ពឺទាំងមូល បានប្រមូលផលស្រូវវស្សាបណ្តើរៗហើយនៅចុងខែវិច្ឆិកា ឆ្នាំ២០២៥។ នេះបើយោងតាមការបញ្ជាក់ពីលោក យឹម ណន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ស្ពឺ។ លោក…
ខេត្តកំពង់ស្ពឺ ៖ ប្រជាកសិករនៅតាមបណ្តាលក្រុង~ស្រុកទាំង៩ក្នុងខេត្តកំពង់ស្ពឺទាំងមូល បានប្រមូលផលស្រូវវស្សាបណ្តើរៗហើយនៅចុងខែវិច្ឆិកា ឆ្នាំ២០២៥។ នេះបើយោងតាមការបញ្ជាក់ពីលោក យឹម ណន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ស្ពឺ។
លោក យឹម ណន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ស្ពឺ បានលើកឡើងទៀតថា÷ ការប្រមូលផលស្រូវរដូវវស្សារបស់ប្រជាកសិករចាប់ផ្តើមប្រមូលបណ្តើរៗហើយ គិតត្រឹមថ្ងៃទី២០ ខែវិច្ឆិកា ឆ្នាំ២០២៥ (ជាង២៥ហិកតា) ចំនួន ២៥,៧៦២ហិកតា ទទួលបាន បរិមាណផលសរុបចំនួន(ជាង៨៤តោន) ចំនួន៨៤,៣៨៦តោន ក្នុងនោះមាន៖ ស្រូវស្រាលប្រមូលផលបាន(ជាង១០តោន) ចំនួន ១០,៧៤៨ហិកតា ទទួលបានបរិមាណផលចំនួន(ជាង៣៥តោន) ចំនួន ៣៥,៧៤៣តោន និងទទួលបានថ្លៃដូចខាងក្រោម៖ លក់នៅតាមសហគមន៍, ទីតាំងប្រមូលផ្តុំ និងឈ្មួញកណ្តាលបានតម្លៃ ៦១០រៀកក្នុង១គីឡូក្រាម ។ប្រសិនបើប្រជាកសិករដឹកទៅលក់ដល់រោងម៉ាស៊ីនបានតម្លៃ ៦៨០រៀល ទៅ៧៣០រៀលក្នុង១គីឡូក្រាម។
ចំពោះស្រូវកណ្តាលប្រមូលផលបានចំនួន(ជាង១៥តោន) ចំនួន១៥,០១៤ហិកតាទទួលបានបរិមាណផលចំនួន(ជាង៤៨តោន) ចំនួន៤៨,៦៤៣តោន និងទទួលបានថ្លៃដូចខាងក្រោម៖ លក់នៅតាមសហគមន៍, ទីតាំងប្រមូលផ្តុំ និងឈ្មួញកណ្តាលបានតម្លៃជាមធ្យម ៨៩៧រៀលក្នុង១គីឡូក្រាម ហើយបើសិនប្រជាកសិករដឹកជញ្ជូនទៅលក់ដល់រោងម៉ាស៊ីនបានតម្លៃចាប់ពី ១០០០រៀល ដល់១០៥០រៀលក្នុង១គីឡូក្រាម។
លោក យឹម ណន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ស្ពឺ បានបញ្ជាក់ថា សម្រាប់តម្លៃស្រូវក្នុងឆ្នាំ២០២៥នេះ បើប្រៀបធៀបជាមួយឆ្នាំ២០២៤កន្លងទៅ តម្លៃស្រូវមានការធ្លាក់ចុះ(ទាបជាង) ចំពោះតម្លៃទាបជាង ឆ្នាំ២០២៤ ចំនួន៥០រៀល ទៅ១០០០រៀលក្នុង១គីឡូក្រាម៕
ចែករំលែកព័តមាននេះ