ខេត្តពោធិ៍សាត ៖ ដោយអនុវត្តតាមការដឹកនាំបញ្ជាដ៏ខ្ពង់ខ្ពស់របស់លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ កាលពីវេលាម៉ោង១៦និង៣០នាទីថ្ងៃទី១៨ ខែវិច្ឆិកា ឆ្នាំ២០២៥ កម្លាំងប៉ុស្តិ៍លលកស…
ខេត្តពោធិ៍សាត ៖ ដោយអនុវត្តតាមការដឹកនាំបញ្ជាដ៏ខ្ពង់ខ្ពស់របស់លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ កាលពីវេលាម៉ោង១៦និង៣០នាទីថ្ងៃទី១៨ ខែវិច្ឆិកា ឆ្នាំ២០២៥ កម្លាំងប៉ុស្តិ៍លលកស សហការជាមួយកម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងពោធិ៍សាត់ ដឹកនាំដោយលោកវរសេនីយ៍ឯក កែវ សារិ អធិការនគរបាលក្រុងពោធិ៍សាត់ បានចុះបង្ក្រាបមុខសញ្ញារក្សាទុក ជួញដូរ និងប្រើប្រាស់ដោយខុសច្បាប់នូវសារធាតុញៀន នៅចំណុចលើផ្លូវមួយកន្លែង ស្ថិតនៅភូមិវត្តហ្លួង សង្កាត់លលកស ក្រុងពោធិ៍សាត់ ខេត្តពោធិ៍សាត់ បានធ្វើការឃាត់ខ្លួន និងឆែកឆេរជនសង្ស័យ ០៤នាក់រួមមាន ៖
១.ឈ្មោះ ឃ ស ហៅ វ ភេទប្រុស អាយុ២៥ ឆ្នាំ រស់នៅភូមិក្រពែងស្វាយ ឃុំស្នាមព្រះ ស្រុកបាកាន ។
២.ឈ្មោះ រ សរ ភេទប្រុស អាយុ២៣ឆ្នាំ រស់នៅភូមិដង្គៀបក្ដាម ឃុំស្នាមព្រះ ស្រុកបាកាន ។
៣.ឈ្មោះ ស សណ ហៅ ស ភេទប្រុស អាយុ៣១ឆ្នាំ ដែលមកស្នាក់នៅភូមិក្រពើរោទិ៍ ឃុំស្នាមព្រះ ស្រុកបាកាន ។
៤.ឈ្មោះ វ វ ភេទប្រុស អាយុ៤៣ឆ្នាំ រស់នៅភូមិក្រពើរោទិ៍ ឃុំស្នាមព្រះ ស្រុកបាកាន ។
វត្ថុតាង និងសម្ភារៈ ដកហូតបាន រួមមាន ៖ គ្រឿងញៀនអាយ ១១កញ្ចប់ ទម្ងន់៤.៤៣ ក្រាម, ទូរសព្ទ០៤គ្រឿង, ម៉ូតូ០១គ្រឿង, ប្រអប់ជ័រសម្រាប់ដាក់ថ្នាំញៀន០១, ថង់សម្រាប់ច្រកថ្នាំញៀនមួយចំនួន, អំពូលសម្រាប់ជក់ថ្នាំញៀន០១, ជញ្ជីង០១គ្រឿង, ដែកកេះ០២ដើម, អំពូលកែច្នៃសម្រាប់ជក់ថ្នាំញៀន០១, ឧបករណ៍សម្រាប់ជក់ថ្នាំញៀន០១ និងបានធ្វើតេស្តស្វែងរកសារធាតុញៀនក្នុងខ្លួន លទ្ធផល វិជ្ជមាន(+) ។
បច្ចុប្បន្ន ជនសង្ស័យទាំង០៤នាក់ រួមជាមួយវត្ថុតាងខាងលើ បានបញ្ជូនទៅកាន់អធិការដ្ឋាននគរបាលក្រុងពោធិ៍សាត់ ដើម្បីចាត់ការតាមនីតិវិធី ៕
ចែករំលែកព័តមាននេះ