ខេត្តព្រះសីហនុ ៖ ប្រជាពលរដ្ឋស្រុកព្រៃនប់ សំណូមពរសូមឲ្យអាជ្ញាធរ មន្ត្រីជំនាញពាក់ព័ន្ធ ជួយពិនិត្យ និងដាក់បន្ថែមអំពូលភ្លើងសូឡា លើក្បាលនាគពុះចែកទ្រូងផ្លូវ នៅផ្លូវជាតិលេខ៤ ចំណុចមុខស្នាក់ការគណបក្សស្រុកព្រៃនប់…
ខេត្តព្រះសីហនុ ៖ ប្រជាពលរដ្ឋស្រុកព្រៃនប់ សំណូមពរសូមឲ្យអាជ្ញាធរ មន្ត្រីជំនាញពាក់ព័ន្ធ ជួយពិនិត្យ និងដាក់បន្ថែមអំពូលភ្លើងសូឡា លើក្បាលនាគពុះចែកទ្រូងផ្លូវ នៅផ្លូវជាតិលេខ៤ ចំណុចមុខស្នាក់ការគណបក្សស្រុកព្រៃនប់ ផង! ព្រោះ អំពូលភ្លើងសូឡាដាក់បច្ចុប្បន្ន វាភ្លឺ ត្រឹមតែម៉ោង៩ម៉ោងយប់ទេ វារលត់ហើយ ធ្វើឲ្យចំណុចនោះ ប្រឈមនឹងគ្រោះថ្នាក់ក្នុងការបើកបរនៅពេលយប់។ ជាមួយគ្នានេះ ប្រជាពលដ្ឋ បានយកអំពូលភ្លើងសូឡា តូច១ ចងដាក់ខាងក្រោមសិន នៅម៉ោងជាង៨យប់ថ្ងៃទី២០ វិច្ឆិកា ២០២៥ ។
សូមបញ្ចាក់ថា នៅរង្វង់មូលសួនច្បារវាលរេញ ប្រជុំជនផ្សារវាលរេញ មានដាក់របាំពុះចែកទ្រូងផ្លូវ ចំនួន៣កន្លែង ៖ ១.ទិសដៅពីសួនច្បារទៅកំពត ១កន្លែង ២.ទិសដៅពីសួនច្បារទៅភ្នំពេញ ១កន្លែង និង៣.ទិសដៅពីសួនច្បារទៅខេត្តព្រះសីហនុ ១ន្លែង ។ ហើយចំណុចក្បាលនាគ ពុះទ្រូងផ្លូវទាំង៣ចំណុចនោះ ប្រជាពលរដ្ឋប្រាប់ថា ធ្លាប់កើតគ្រោះថ្នាក់ច្រើន ដោយអ្នកបើកបរ បានបុក ជាពិសេសក្បាលនាគ ទិសដៅពីសួនច្បារទៅភ្នំពេញ (ចំណុចមុខវិទ្យាល័យ ហ៊ុន សែន វាលរេញ) និងទិសដៅពីសួនច្បារ ទៅខេត្តព្រះសីហនុ (ចំណុចមុខគណបក្សស្រុក) បណ្តាលឲ្យខូចខាតរថយន្ត និងគ្រោះថ្នាក់ដល់អ្នកបើកបរ ក៏មាន ៕
ចែករំលែកព័តមាននេះ