ទឹកចិត្តសមរភូមិក្រោយ ! ស្រូវ២ហិកតាប្រមូលរួចរាល់ ថែមទាំងជូនលុយសម្រាប់សម្រាលកូនដល់គ្រួសារកងទ័ព
- រតនគិរី
ខេត្តរតនគិរី ៖ នៅរសៀលថ្ងៃទី២១ ខែវិច្ឆិកា ឆ្នាំ២០២៥ នេះ បេសកកម្មមនុស្សធម៌ ក្រោមការដឹកនាំបញ្ជាផ្ទាល់ពី លោកឧត្តមសេនីយ៍ទោ អ៊ុង…
ខេត្តរតនគិរី ៖ នៅរសៀលថ្ងៃទី២១ ខែវិច្ឆិកា ឆ្នាំ២០២៥ នេះ បេសកកម្មមនុស្សធម៌ ក្រោមការដឹកនាំបញ្ជាផ្ទាល់ពី លោកឧត្តមសេនីយ៍ទោ អ៊ុង សុភាព ស្នងការនគរបាលខេត្តរតនគិរី បានបញ្ចប់ជាស្ថាពរហើយ ។ ប្រតិបត្តិការនេះមានការចូលរួមសហការយ៉ាងសស្រាក់សស្រាំរវាងកងកម្លាំងនគរបាល កម្លាំងយោធា អាជ្ញាធរមូលដ្ឋាន និងក្រុមយុវជន ។
ជាក់ស្តែងស្នងការដ្ឋាននគរបាលខេត្តរតនគិរី បានប្រកាសនារសៀលថ្ងៃទី២១ ខែវិច្ឆិកានេះថា ៖ នៅរសៀលថ្ងៃទី២១ ខែវិច្ឆិកា ឆ្នាំ២០២៥ សកម្មភាពរបស់កងកម្លាំងនគរបាលក្រោមបញ្ជាដឹកនាំរបស់លោកឧត្តមសេនីយ៍ទោ អ៊ុង សុភាព រួមសហការជាមួយកម្លាំងយោធា អជ្ញាធរមូលដ្ឋាន និងកម្លាំងយុវជន បានសម្រេចការច្រូតកាត់ប្រមូលផល់រួចរាល់ជាស្ថាពរ លើទំហ៊ំដីប្រមាណជាងពីរហិចតា ដោយបានបោកបែនដោយម៉ាស៊ីន ហើយច្រកស្រូវក្នុងការ៉ុង និងបន្តជួយដឹកជញ្ជូនយកដល់គេហដ្ឋានបានរួចរាល់ហើយ ។
ក្នុងនោះដែរក៏ទាំងបានប្រគល់ថវិការមួយចំនួនជូនដល់ប្រពន្ធវរៈកងទ័ពជួរមុខ(កម្ពុជា-ថៃ)ដែលកំពង់ពរពោះកូនទីពីរ ក្នុងបន្ទុកគ្រួសារពុំទាន់សម្រាល ទុកគ្រាន់ដោះស្រាយបញ្ហា និងសម្រាប់ប្រើប្រាស់ក្នុងពេលសម្រាលកូននាពេលខាងមុខ ។
សូមបញ្ជាក់ជូនថា ថវិកាទាំងនេះ គឺជាថវិកាលោកឧត្តមសេនីយ៍ទោស្នងការផ្ទាល់ រួមជាមួយថវិការសម្បុរសជនចូលរួមតាមរយៈលោកស្នងការរួមមានចំនួនប្រមាណ៤,៦០០,០០០៛ និង៥០០$ ៕
ចែករំលែកព័តមាននេះ