រាជធានីភ្នំពេញ ៖ ព្រឹត្តការណ៍នៅថ្ងៃទី១៨ ខែវិច្ឆិកា ឆ្នាំ២០២៥ វេលាម៉ោង៩និង៥នាទីព្រឹកជាថ្ងៃដែលគេស្មានមិនដល់ ជុំវិញករណីបាញ់រំដោះជនជាប់ចោទចំនួន៦នាក់ គួរឱ្យភ្ញាក់ផ្អើល នៅក្នុងបរិវេណសាលាដំបូងខេត្តស្វាយរៀង ខណៈក្រុមអនុរក្សពន្ធនាគារនាំខ្លួនពួកគេមកកាត់ទោស…
រាជធានីភ្នំពេញ ៖ ព្រឹត្តការណ៍នៅថ្ងៃទី១៨ ខែវិច្ឆិកា ឆ្នាំ២០២៥ វេលាម៉ោង៩និង៥នាទីព្រឹកជាថ្ងៃដែលគេស្មានមិនដល់ ជុំវិញករណីបាញ់រំដោះជនជាប់ចោទចំនួន៦នាក់ គួរឱ្យភ្ញាក់ផ្អើល នៅក្នុងបរិវេណសាលាដំបូងខេត្តស្វាយរៀង ខណៈក្រុមអនុរក្សពន្ធនាគារនាំខ្លួនពួកគេមកកាត់ទោស ។
នោះគឺការផ្ដើមគំនិតដោយស្ត្រីវ័យក្មេងជនជាតិវៀតណាមម្នាក់ឈ្មោះ ង្វៀង ធីហាយវ៉ាន់ ដោយនាំអាវុធខ្លី និងមធ្យោបាយរថយន្ត១គ្រឿង ម៉ាក Lexus CT200h ពណ៌ខ្មៅ ពាក់ផ្លាកលេខ ភ្នំពេញ 2CA-0692 មកបាញ់រំដោះ រួចនាំគ្នាឡើងជិះរថយន្តគេចខ្លួន ។
រហូតដល់ម៉ោងប្រមាណ៦ល្ងាចក្នុងថ្ងៃដដែល សមត្ថកិច្ចធ្វើការស្រាវជ្រាវតាមវិធានការជំនាញ តែប៉ុន្មានម៉ោងប៉ុណ្ណោះក៏បានរកឃើញទីតាំងលាក់ខ្លួនរបស់ក្រុមជនសង្ស័យ គឺនៅក្នុងព្រៃទួលមួយកន្លែង ស្ថិតក្នុងភូមិព្រៃសម្ភ័រ ឃុំសំបួរ ស្រុកស្វាយទាប ហើយកម្លាំងសហការក៏បានធ្វើការហ៊ុមព័ទ្ធចាប់ខ្លួនជនសង្ស័យចំនួន៦នាក់ រួមនឹង(ស្រីម្នាក់) បន្ថែមទៀតបញ្ជូនយកមកការិយាល័យជំនាញខេត្ត ដើម្បីធ្វើការសួរយកចម្លើយ ។
ជនសង្ស័យដែលមជ្ឈដ្ឋាននានាចាប់អារម្មណ៍នោះគឺ ស្ត្រីជនជាតិវៀតណាមឈ្មោះ ង្វៀន ធីហាយវ៉ាន់ ដែលជាស្ត្រីចិត្តសឿង បានឆ្លើយសារភាពនៅចំពោះមុខសមត្ថកិច្ចថា កាលពីថ្ងៃទី១៤ ខែវិច្ឆិកា ឆ្នាំ២០២៥ ខ្លួនបានទៅជួលរថយន្តពីបុរសជនជាតិខ្មែរម្នាក់ សម្រាប់ជិះទៅធ្វើសកម្មភាព ។
លុះនៅថ្ងៃទី១៦ ខែវិច្ឆិកា ឆ្នាំ២០២៥ ខ្លួនបានទាក់ទងតាមតេឡេក្រាមទិញកាំភ្លើងខ្លី១ដើម ម៉ាក K54 ពីបុរសម្នាក់ មិនស្គាល់អត្តសញ្ញាណ នៅក្រុងបាវិត ខេត្តស្វាយរៀង ក្នុងតម្លៃ ១៥០០ដុល្លារអាមេរិក ដើម្បីរៀបចំផែនការធ្វើសកម្មភាពទៅរំដោះប្តីឈ្មោះ ផាម វ៉ាន់បាវ ដែលជាប់ពន្ធនាគារខេត្តស្វាយរៀង ត្រូវនាំយកទៅកាត់ទោស ។
មកដល់ថ្ងៃទី១៧ ខែវិច្ឆិកា ឆ្នាំ២០២៥ ខ្លួនបានបើករថយន្តខាងលើ ទៅស្នាក់នៅផ្ទះសំណាក់មួយកន្លែងក្បែរមាត់ទន្លេ ក្រុងស្វាយរៀង១យប់ ។ លុះព្រឹកឡើងថ្ងៃទី១៨ ខែវិច្ឆិកា ២០២៥ខ្លួនបានបើករថយន្តទៅទុកនៅខាងមុខតុលាការ ហើយដើរចូលទៅក្នុងបរិវេណ ។ ពេលសមត្ថកិច្ចពន្ធនាគារដឹកប្តីខ្លួននិងគ្នីគ្នាមកដល់ ខ្លួនក៏បានហុចកាំភ្លើងខ្លីឲ្យទៅប្តីបាញ់គំរាមសមត្ថ កិច្ចដើម្បីរំដោះខ្លួន រួចក៏នាំគ្នារត់ឡើងរថយន្តបើកគេចខ្លួនតែម្ដងទៅ ។
ក្រោយពីស្តាប់ចម្លើយស្ត្រីម្នាក់ដែលជាជនសង្ស័យ មានចិត្តក្លាហានរៀបចំគម្រោងជួលរថយន្ត ទិញអាវុធ ទៅធ្វើសកម្មភាពរំដោះប្តី និងបក្ខពួកចេញពីតុលាការ នៅព្រឹកឡើងថ្ងៃទី១៩ ខែវិច្ឆិកា ឆ្នាំ២០២៥ សមត្ថកិច្ចបាននាំខ្លួនស្ត្រីវៀតណាមម្នាក់នោះ ទៅយកអាវុធ ដែលជនសង្ស័យបានលាក់ទុកនៅទីតាំងក្នុងរង្វង់ប្រតិបត្តិការ ។ ក្នុងនោះរកឃើញអាវុធខ្លីមួយដើមម៉ាក K54 និងបង់១ មាន៧គ្រាប់ ។ ជនសង្ស័យទាំង៧នាក់ និងវត្ថុតាង សមត្ថកិច្ចបាននិងកំពុងកសាងសំណុំរឿងបញ្ជូនទៅសាលាដំបូងខេត្តស្វាយរៀង ដើម្បចាត់ការតាមនីតិវិធី ។
ដោយសារស្ត្រីវៀតណាមរូបនេះ ស្រស់ស្អាតបានធ្វើឱ្យអ្នកកាសែតអនឡាញ២នាក់ ស្ទើរតែស្គាល់ក្លិនគុក ក្នុងនោះម្នាក់ត្រូវបានដកអាជ្ញាបណ្ណ ព្រោះតែដៃដល់ចាប់អង្អែលថ្ពាល់ គឺលោក ខាន់ សារ័ត្ន និងម្នាក់ទៀតមាត់ដាច គឺលោក ផាត់ ហ៊ន ។ ទោះបីជាបែបណា អ្នកកាសែតអនឡាញទាំង២បានទទួលការណែនាំរួចឱ្យត្រឡប់ទៅផ្ទះវិញ ៕
ចែករំលែកព័តមាននេះ