មន្ត្រីជាន់ខ្ពស់ក្រសួងធនធានទឹក ចុះពិនិត្យជាក់ស្តែងស្ថានភាពទឹកជំនន់ស្ទឹងពោធិ៍សាត់
ខេត្តពោធិ៍សាត់ ៖ នៅថ្ងៃព្រហស្បតិ៍ ទី២០ ខែវិច្ឆិកា ឆ្នាំ២០២៥នេះ ឯកឧត្តមសាស្ត្រាចារ្យបណ្ឌិត អឿង ចន្ថា អនុរដ្ឋលេខាធិការ…
ខេត្តពោធិ៍សាត់ ៖ នៅថ្ងៃព្រហស្បតិ៍ ទី២០ ខែវិច្ឆិកា ឆ្នាំ២០២៥នេះ ឯកឧត្តមសាស្ត្រាចារ្យបណ្ឌិត អឿង ចន្ថា អនុរដ្ឋលេខាធិការ ទទួលបន្ទុកសម្របសម្រួលការងារគ្រប់គ្រងធនធានទឹក និងឧតុនិយមខេត្តពោធិ៍សាត់ និងឯកឧត្តម អ៊ុក វុទ្ធី អនុរដ្ឋលេខាធិការ សហការជាមួយមន្ទីរធនធានទឹក និងឧតុនិយមខេត្តពោធិ៍សាត់ បានចុះពិនិត្យមើលជាក់ស្តែងស្ថានភាពទឹកជំនន់ ទីរួមខេត្តពោធិ៍សាត់ ស្ថានភាពទឹកតាមដងស្ទឹង ចុះទៅផ្នែកខាងក្រោមសំណង់ស្ទាក់ទឹកចារឹក និងសំណង់ស្ទាក់ទឹកពោធិ៍អណ្តែត ក្នុងភូមិសាស្ត្រខេត្តពោធិ៍សាត់ ។
សូមបញ្ជាក់ផងដែរថា ក្រសួងធនធានទឹក និងឧតុនិយម បាននិងកំពុងរៀបចំអនុវត្តគម្រោងសាងសង់ទំនប់ទឹកលេខ២ នៅផ្នែកខាងលើស្ទឹងពោធិ៍សាត់ ដើម្បីស្តុកទឹក និងគ្រប់គ្រងទឹកជំនន់ និងគម្រោងរំដោះទឹក និងពង្វាងទឹកជំនន់ចេញពីទីរួមខេត្តពោធិ៍សាត់ ក្រោមហិរញ្ញប្បទានរបស់ធនាគារអភិវឌ្ឍន៍អាស៊ី (ADB) និងធនាគារវិនិយោគហេដ្ឋារចនាសម្ព័ន្ធអាស៊ី (AIIB) ផងដែរ។
ឯកឧត្តមអនុរដ្ឋលេខាធិការ បានណែនាំឱ្យក្រុមការងារមន្ទីរ បន្តយកចិត្តទុកដាក់តាមដានស្ថានភាពទឹក និងជួយធ្វើអន្តរាគមន៍ដោះស្រាយបញ្ហាទឹកជំនន់បានទាន់ពេលវេលា ៕
ចែករំលែកព័តមាននេះ