ចិន-អាល្លឺម៉ង់ ៖ ប្រទេសចិននាពេលនេះ បានវ៉ាដាច់អាមេរិកវិញ ជាដៃគូពាណិជ្ជកម្មធំទីមួយរបស់អាល្លឺម៉ង់ ។ តាមទិន្នន័យរបស់ការិយាល័យស្ថិតិសហព័ន្ធអាល្លឺម៉ង់ថា ការនាំចូលរបស់ចិនពីអាល្លឹម៉ង់ មានការរីកចម្រើនយ៉ាងខ្លាំងដល់៨,៥% រយៈ៩ខែដំបូងនៃឆ្នាំនេះ…
ចិន-អាល្លឺម៉ង់ ៖ ប្រទេសចិននាពេលនេះ បានវ៉ាដាច់អាមេរិកវិញ ជាដៃគូពាណិជ្ជកម្មធំទីមួយរបស់អាល្លឺម៉ង់ ។ តាមទិន្នន័យរបស់ការិយាល័យស្ថិតិសហព័ន្ធអាល្លឺម៉ង់ថា ការនាំចូលរបស់ចិនពីអាល្លឹម៉ង់ មានការរីកចម្រើនយ៉ាងខ្លាំងដល់៨,៥% រយៈ៩ខែដំបូងនៃឆ្នាំនេះ ។
ដោយសារការនាំចូលសំខាន់ទាំងនេះរបស់ចិន ពាណិជ្ជកម្មក្រៅប្រទេសសរុបរបស់អាល្លឺ
ម៉ង់ជាមួយចិនមានការកើនឡើងបន្តិចប្រមាណជា០,៦%ក្នុង១ឆ្នាំ ដល់ទំហំទឹកប្រាក់១៨៥,៧ពាន់លានអឹរ៉ូពីខែមករាដល់ខែកញ្ញា ។
ទន្ទឹមនឹងនេះដែរ ទំហំនៃការផ្លាស់ប្ដូរពាណិជ្ជកម្មរបស់អាល្លឺម៉ងជាមួយអាមេរិក មានការចុះថយ៣,៩% មកនៅត្រឹមទំហំទឹកប្រាក់១៨៤,៧ពាន់លានអឺរ៉ូ ។ ចិនធ្លាប់ជាដៃគូពាណិជ្ជកម្មធំទីមួយរបស់អាល្លឺម៉់ង់ពីឆ្នាំ២០១៦ ដល់២០២៣ មុនពេលអាមេរិកនាំមុខវិញក្នុងឆ្នាំ២០២៤ ។
ការនាំចូលមកពីចិនវិញមានការកើនឡើងខ្លាំងតាំងពីដើមឆ្នាំនេះមក ពិសេសក្នុងផ្នែកសម្ភារអគ្គិសនីសម្លៀកបំពាក់និងគ្រឿងម៉ាស៊ីន ។ មូលហេតុនៃកំណើននោះ មកពីបណ្ដាសហគ្រាសចិនដូរគោលដៅថ្មីនៃការនាំចេញរបស់ខ្លួនទៅកាន់ទីផ្សារអាល្លឺម៉ង់មកពីសង្គ្រាមពាណិជ្ជកម្មជាមួយអាមេរិក ។
តាមពួកអ្នកវិភាគថា ប្រឈមមុខនឹងការដាក់ឲ្យនៅឯកោកាន់តែខ្លាំងពីសំណាក់អាមេរិក អាលឺ្លម៉ង់ក្លាយជាទីផ្សារថ្មី សម្រាប់បណ្ដាសហគ្រាសចិន ៕
ចែករំលែកព័តមាននេះ