រាជធានីភ្នំពេញ ៖ ស្ត្រីចំណាស់ម្នាក់ បានលង់ស្នេហ៍នឹងកូនធម៌ រហូតមានផ្ទៃពោះ ៨ខែ ខណៈពេលដែលប្ដីកំពុងជាប់ក្នុងពន្ធនាគារ។ អ្វីដែលមិននឹកស្មានដល់ និងធ្វើឲ្យគូរស្នេហ៍នេះបានប្រេះឆាហើយក្លាយទៅជាអំពើហិ.ង្សា ទាញដុំថ្មវាយទៅលើកូនធម៌…
រាជធានីភ្នំពេញ ៖ ស្ត្រីចំណាស់ម្នាក់ បានលង់ស្នេហ៍នឹងកូនធម៌ រហូតមានផ្ទៃពោះ ៨ខែ ខណៈពេលដែលប្ដីកំពុងជាប់ក្នុងពន្ធនាគារ។ អ្វីដែលមិននឹកស្មានដល់ និងធ្វើឲ្យគូរស្នេហ៍នេះបានប្រេះឆាហើយក្លាយទៅជាអំពើហិ.ង្សា ទាញដុំថ្មវាយទៅលើកូនធម៌ ដែលជាប្រុសស្នេហ៍ បណ្ដាលឲ្យរងរបួសបែកក្បាលនោះ ដោយសារតែបុរសជាកូនធម៌ បានទៅទាក់ទងមិត្តភក្កិរបស់ម៉ែធម៌ ហើយបបួលនាងទៅផ្ទះសំណាក់ ជាហេតុធ្វើឲ្យម៉ែធម៌ ផ្ទុះកំហឹង តាមវាយនឹងដុំថ្មតែម្តង ។
អំពើហិង្សានេះ បានកើតឡើងនៅវេលាម៉ោង០៤រសៀល ថ្ងៃទី១៩ ខែវិច្ឆិកា ឆ្នាំ២០២៥ នៅតាមដងផ្លូវ ក្នុងភូមិក្បាលដំរីទី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។ ហើយជនរងគ្រោះ ក៏បានទៅដាក់ពាក្យបណ្ដឹងនៅប៉ុស្តិ៍នគរបាលចោមចៅទី៣ ។
ស្ត្រី ដែលបង្កហឹង្សានោះឈ្មោះ ស្រី វី អាយុជាង៤០ឆ្នាំ។ ចំណែកប្រុសស្នេហ៍ ដែលជាជនរងគ្រោះឈ្មោះ ចំរើន អាយុជាង២០ឆ្នាំ មុខរបរ រត់តាក់ស៊ី។ អ្នកទាំង២ ស្នាក់នៅឃុំបែកចាន ស្រុកអង្គស្នួល ខេត្តកណ្តាល ។
បើតាមស្ត្រីចំណាស់ ដែលបង្កហិង្សាបានឲ្យដឹងថា ដើមឡើយ កាលពីជាង៤ឆ្នាំមុន ខ្លួន និងឈ្មោះចំរើន បានរាប់អានគ្នាធ្វើជាម្ដាយធម៌ និងកូនធម៌។ ប្រមាណកន្លះខែក្រោយមក ក៏បានចាប់ចិត្តស្រឡាញ់គ្នា និងឈានទៅបបួលគ្នាទៅដេកផ្ទះសំណាក់។ លុះក្រោយមក ក៏បាននាំកូនធម៌មកផ្ទះ បង្ហាញប្រាប់ប្ដី ដោយឲ្យរាប់អានគ្នាធ្វើជាឪពុកម្ដាយធម៌ និងកូនធម៌ តែក្រោយមក ប្ដីបានជាប់ពន្ធនាគារ បន្ទាប់ពីរត់តាក់ស៊ី ដឹកជនជាតិចិន ចាប់ជំរិត ។
ស្ត្រីរូបនោះ បានឲ្យដឹងទៀតថា បន្ទាប់ពីប្ដីរបស់ខ្លួនជាប់គុក ខ្លួននិងកូនធម៌ បានស្រឡាញ់គ្នា រស់នៅជាមួយគ្នាជាប្ដីប្រពន្ធ រហូតដល់មានផ្ទៃពោះ ៨ខែ។ នៅមុនពេលកើតហេតុ ស្រាប់តែមិត្តភក្តិរបស់គាត់ បានប្រាប់ថា កូនធម៌រូបនោះ(ប្រុសស្នេហ៍) បានបបួលនាងទៅដេកនៅផ្ទះសំណាក់ ហើយមិត្តភក្តិមកប្រាប់ ក៏បានទៅសួរនាំកូនធម៌ ដោយខឹងពេក ក៏យកដុំថ្ម វាយចំក្បាលបែកឈាមហូរតែម្ដង។ បន្ទាប់ពីប្រើអំពើហិ.ង្សារួច ម៉ែធម៌ ក៏បានអូសកអាវកូនធម៌ នាំទៅប្ដឹងសមត្ថកិច្ចប៉ុស្តិ៍ចោមចៅទី៣ ដើម្បីទាមទារបែកផ្លូវគ្នា និងទាមទារប្រាក់ ចំនួន២,០០០ដុល្លារ ដែលខាងកូនធម៌ជំពាក់ ព្រមទាំងទាមទារថ្លៃសម្រាលកូន និងបង់ធនាគារមួយខែ ២០០ដុល្លារ ថែមទៀត។ ប៉ុន្តែនៅពេលសួរនាំ កន្លែងកើតហេតុ ហើយអាជ្ញាធរ ក៏បានណែនាំឲ្យមកប្ដឹងនគរបាតប៉ុស្តិ៍កាកាបទី២ វិញ។ ទោះបីជាយ៉ាងណា ក្រោយមក អ្នកទាំងពីរនាក់ ពុំបានទៅប្ដឹងផ្ដល់គ្នាឡើយ ដោយសម្របសម្រួលគ្នាតែ២នាក់ រួចចាកចេញទៅ ៕
ចែករំលែកព័តមាននេះ