ក្រៅពីផលិតផលដែលមាននៅក្នុងស្រុក តម្រូវការពលរដ្ឋកម្ពុជាពីទីផ្សារក្រៅប្រទេស នៅតែរស់រវើកជាមួយនឹងកំណើននៃការនាំចូល រហូតដល់ទៅ២៧,៦ពាន់លានដុល្លារ កើនឡើងដល់ទៅជាង១៧ភាគរយ នៅក្នុងរយៈពេល១០ខែ នៃឆ្នាំ២០២៥នេះ ។ ស្ថិតិដែលក្រសួងពាណិជ្ជកម្មបានចេញ កាលពីថ្ងៃទី១៧…
ក្រៅពីផលិតផលដែលមាននៅក្នុងស្រុក តម្រូវការពលរដ្ឋកម្ពុជាពីទីផ្សារក្រៅប្រទេស នៅតែរស់រវើកជាមួយនឹងកំណើននៃការនាំចូល រហូតដល់ទៅ២៧,៦ពាន់លានដុល្លារ កើនឡើងដល់ទៅជាង១៧ភាគរយ នៅក្នុងរយៈពេល១០ខែ នៃឆ្នាំ២០២៥នេះ ។
ស្ថិតិដែលក្រសួងពាណិជ្ជកម្មបានចេញ កាលពីថ្ងៃទី១៧ ខែវិច្ឆិកា ឆ្នាំ២០២៥ បានឲ្យដឹងថា ពីខែមករា ដល់ខែតុលា ឆ្នាំនេះផលិតផលសំខាន់ៗដែលកម្ពុជានាំចូល គឺសុទ្ធតែកើនឡើងនៅក្នុងនោះវត្ថុធាតុដើមជាវាយនភ័ណ្ឌ មានទំហំទឹកប្រាក់៥,៧ពាន់លានកើនឡើង៨,៥៧ភាគរយ ផលិតផលអេឡិចត្រូនិក ប្រមាណជា៤ពាន់លានដុល្លារកើនឡើងជិត៤៨ភាគរយ ប្រេងឥន្ធនៈមានទំហំប្រមាណជាជាង២ពាន់លានដុល្លារ ដែលធ្លាក់ចុះជាង១០ភាគរយ ។ ហើយសម្ភារ:សំណង់វិញ គឺមានតម្លៃជាង២,១ពាន់លានដុល្លារកើនឡើង៣២,៧៦ភាគរយ ។
ក្រៅពីផលិតផលសំខាន់ៗទាំងនេះ កម្ពុជានៅមានតម្រូវការនាំចូលទំនិញផ្សេងៗពីប្រទេសនានានៅលើពិភពលោក ដែលមានតម្លៃសរុបដល់ទៅ២៧,៦ពាន់លានដុល្លារ កើនឡើងជាង៤ពាន់លានដុល្លារធៀបនឹងទំហំនាំចូលតម្លៃ២៣,៦ លានដុល្លារ កាលពីរយៈពេល១០ខែនៃឆ្នាំ២០២៤ ៕
ចែករំលែកព័តមាននេះ