រាជធានីភ្នំពេញ ៖ កម្លាំងសណ្តាប់ធ្នាប់នៃរដ្ឋបាលខណ្ឌដូនពេញ បានបន្តចុះប្រតិបត្តិការយ៉ាងសកម្ម ដើម្បីរៀបចំសណ្តាប់ធ្នាប់ របៀបរៀបរយសាធារណៈ អនាម័យ និងបរិស្ថានទូទាំងមូលដ្ឋានខណ្ឌ និងហាមមិនឱ្យយកចិញ្ចើមផ្លូវសាធារណៈធ្វើជាកន្លែងប្រកបអាជីវកម្មរបស់ខ្លួនត្រូវទុក១/៣ នៃចិញ្ចើមផ្លូវសាធារណៈ…
រាជធានីភ្នំពេញ ៖ កម្លាំងសណ្តាប់ធ្នាប់នៃរដ្ឋបាលខណ្ឌដូនពេញ បានបន្តចុះប្រតិបត្តិការយ៉ាងសកម្ម ដើម្បីរៀបចំសណ្តាប់ធ្នាប់ របៀបរៀបរយសាធារណៈ អនាម័យ និងបរិស្ថានទូទាំងមូលដ្ឋានខណ្ឌ និងហាមមិនឱ្យយកចិញ្ចើមផ្លូវសាធារណៈធ្វើជាកន្លែងប្រកបអាជីវកម្មរបស់ខ្លួនត្រូវទុក១/៣ នៃចិញ្ចើមផ្លូវសាធារណៈ នៅព្រឹកថ្ងៃអង្គារ ទី១៨ ខែវិច្ឆិកា ឆ្នាំ២០២៥ ។
សកម្មភាពនេះ គឺធ្វើឡើងតាមការចង្អុលបង្ហាញដ៏ម៉ឹងម៉ាត់ពី លោក ជា ខេមា អភិបាលនៃគណៈអភិបាលខណ្ឌដូនពេញ ក្នុងគោលបំណងលើកកម្ពស់សោភណភាព និងសម្រួលដល់ការធ្វើដំណើររបស់ប្រជាពលរដ្ឋក្នុងរាជធានីភ្នំពេញ ។
នេះបើយោងតាមផេក រដ្ឋបាលខណ្ឌដូនពេញ បានប្រកាសនាព្រឹកថ្ងៃទី១៨ ខែវិច្ឆិកានេះថា ៖ កម្លាំងសណ្តាប់ធ្នាប់ខណ្ឌដូនពេញ បានបន្តចុះរៀបចំសណ្តាប់ធ្នាប់ របៀបរៀបរយសាធារណៈ អនាម័យ បរិស្ថាន តាមមូលដ្ឋានខណ្ឌដូនពេញ រាជធានីភ្នំពេញ ដោយហាមមិនឱ្យយកចិញ្ចើមផ្លូវសាធារណៈធ្វើជាកន្លែងប្រកបអាជីវកម្មរបស់ខ្លួនត្រូវទុក១/៣ នៃចិញ្ចើមផ្លូវសាធារណៈ។
ប្រតិបត្តិការនេះធ្វើឡើង ដើម្បីបង្កលក្ខណៈដល់បងប្អូនប្រជាពលរដ្ឋងាយស្រួលធ្វើដំណើរ និងដើម្បីសោភណ្ឌភាពក្នុងមូលដ្ឋានខណ្ឌដូនពេញ ឱ្យបានល្អប្រសើរ ខណៈវិថីថ្មើរជើងនៅថ្ងៃចុងសប្តាហ៍ត្រូវបានមហាជនមានការគាំទ្រយ៉ាងពេញទំហឹងពីមួយសប្តាហ៍ទៅមួយសប្តាហ៍ ។ ដូច្នេះសូមពុក ម៉ែ បងប្អូនប្រជាជនពលរដ្ឋទាំងអស់គ្នាមានការយោគយល់ និងចូលរួមអនុវត្តទាំងអស់គ្នា៕
ចែករំលែកព័តមាននេះ