ខេត្តបាត់ដំបង ៖ រយៈពេល១០ថ្ងៃកន្លងមកនេះ ភាគីកម្ពុជា និងភាគីថៃ ឯកភាពគ្នាចុះអនុវត្តការងារនៅលើដីជាក់ស្តែង ចាប់ពីថ្ងៃទី៨ ដល់ថ្ងៃទី១៧ ខែវិច្ឆិកា ដោយបានបោះបង្គោលបណ្តោះអាសន្ននៅលើដីជាក់ស្តែងបានចំនួន…
ខេត្តបាត់ដំបង ៖ រយៈពេល១០ថ្ងៃកន្លងមកនេះ ភាគីកម្ពុជា និងភាគីថៃ ឯកភាពគ្នាចុះអនុវត្តការងារនៅលើដីជាក់ស្តែង ចាប់ពីថ្ងៃទី៨ ដល់ថ្ងៃទី១៧ ខែវិច្ឆិកា ដោយបានបោះបង្គោលបណ្តោះអាសន្ននៅលើដីជាក់ស្តែងបានចំនួន ៩៤បង្គោល នេះបើតាមទីភ្នាក់ងារសារព័ត៌មានកម្ពុជា-AKP ។
ក្រុមការងារបោះបង្គោលបណ្តោះអាសន្ន នៅកំណាត់ខ្សែព្រំដែនចន្លោះបង្គោលលេខ៥២ និងលេខ៥៩ ស្ថិតក្នុងភូមិសាស្ត្រស្រុកកំរៀងខេត្តបាត់ដំបងរបស់កម្ពុជា ជាប់នឹងខេត្តចាន់បុរីរបស់ថៃ ។
មន្ត្រីជាន់ខ្ពស់ នៃរដ្ឋលេខាធិការដ្ឋានកិច្ចការព្រំដែន នៃព្រះរាជាណាចក្រកម្ពុជា បានថ្លែងឱ្យដឹងនៅថ្ងៃទី១៧ ខែវិច្ឆិកា ឆ្នាំ២០២៥ នេះថា ភាគីកម្ពុជា និងភាគីថៃបានឯកភាពគ្នាចុះអនុវត្តការងារ នៅលើដីជាក់ស្តែង ចាប់ពីថ្ងៃទី៨ ខែវិច្ឆិកា ឆ្នាំ២០២៥ រហូតមកដល់ថ្ងៃទី១៧ ខែវិច្ឆិកាឆ្នាំ២០២៥នេះ ដោយបានបោះបង្គោលបណ្តោះអាសន្ននៅលើដីជាក់ស្តែងបានចំនួន ៩៤បង្គោល លើផែនការសរុប ១៦៦បង្គោល គិតជាភាគរយសម្រេចបានប្រមាណ ៥៦% ។ ភាគីទាំងពីរ នឹងបន្តការងារបោះបង្គោល បណ្តោះអាសន្ននេះ ឱ្យចប់តាមផែនការនាពេលដ៏ខ្លីខាងមុខ ៕
ចែករំលែកព័តមាននេះ