ខេត្តឧត្តរមានជ័យ ៖ លើបណ្តាញសង្គមហ្វេសប៊ុកមានការបង្ហោះចែកចាយតៗគ្នាថា កាលពីថ្ងៃទី១៣ ខែវិច្ឆិកា ឆ្នាំ២០២៥ លោកវរះសេនីយ៍ ឯក ងួន ទ្ធីរិទ្ធ…
ខេត្តឧត្តរមានជ័យ ៖ លើបណ្តាញសង្គមហ្វេសប៊ុកមានការបង្ហោះចែកចាយតៗគ្នាថា កាលពីថ្ងៃទី១៣ ខែវិច្ឆិកា ឆ្នាំ២០២៥ លោកវរះសេនីយ៍ ឯក ងួន ទ្ធីរិទ្ធ មេបញ្ជាការមូលដ្ឋានកងរាជអាវុធហត្ថស្រុកអន្លង់វែង បានដឹកនាំកម្លាំងចុះស្រាវជ្រាវកំណត់មុខសញ្ញានិងឈានដល់ការ ឃាត់ខ្លួនជនសង្ស័យម្នាក់ជាក្រុមឃាតករស៊ី ឈ្នួលសម្លាប់មនុស្សម្នាក់ នៅខេត្តកណ្តាល ហើយបានរត់គេចខ្លួនមកនៅក្នុងព្រៃ ក្នុងភូមិអូតាម៉េង ឃុំអន្លង់វែង ស្រុកអន្លង់វែង ខេត្តឧត្តរមានជ័យ នេះ ។
ជនសង្ស័យមានឈ្មោះ ហ៊ាប ធី ភេទប្រុស អាយុ៤៨ ឆ្នាំ មុនចាប់ខ្លួនរស់នៅឃុំអន្លង់វែង ស្រុកអន្លង់វែង ខេត្តឧត្តរមានជ័យសមត្តកិច្ចបានធ្វើការដកហូតវត្ថុតាងអាវុធខ្លី១ ដើម ម៉ាក K៥៩ និងគ្រាប់ចំនួន៦ គ្រាប់ ។ តាមសមត្ថកិច្ចកងរាជអាវុធហត្ថស្រុកអន្លង់វែង បានបញ្ជាក់ថា ជនសង្ស័យខាងលើជាមុខសញ្ញាក្រុមស៊ីឈ្នួលសម្លាប់មនុស្ស បានបាញ់សម្លាប់ជនរងគ្រោះម្នាក់ នៅភូមិត្បូងដំរី ឃុំកំពង់ចំឡង ស្រុកខ្សាច់កណ្ដាល ខេត្តកណ្ដាល កាលថ្ងៃទី៣១ ខែតុលា ឆ្នាំ២០១៧ កន្លងមក ក្នុងតម្លៃ ៣ ០០០ ដុល្លារអាមេរិក ហើយបានរត់គេចខ្លួនចាប់ពីពេលនោះមក ។
បើតាមចម្លើយជនសង្ស័យបានសារភាពនៅចំពោះមុខសមត្ថកិច្ចថា រូបគេនៅមានបក្សពួក២ នាក់ ទៀត ដែលកំពុងលាក់ខ្លួនក្នុងព្រៃសហគមន៍សាមគ្គីសង្គ្រោះព្រៃឈើ ស្ថិតនៅភូមិអូតាម៉េង ឃុំ.ស្រុកអន្លង់វែង ខេត្តឧត្តរមានជ័យ នេះ ដែលសមត្ថ កិច្ច កំពុងតែដុតដៃដុតជើងតាមប្រម៉ាញ់ ។ ចម្លើយជនសង្ស័យបានបញ្ជាក់ទៀតថា ក្រៅពីក្រុមគេជាប់ចោទជាឃាតករស៊ីឈ្នួលបាញ់សម្លាប់មនុស្ស នៅមានមួយករណីទៀត គឺបានបោកគ្រាប់ បែកចំនួន២ គ្រាប់ ទៅលើសមត្ថកិច្ចដើម្បីរំដោះខ្លួន បណ្ដាលមន្ត្រីកងរាជអាវុធហត្ថម្នាក់ រងរបួសផងដែរ ។
ក្រោយឃាត់ខ្លួនជនសង្ស័យ ត្រូវបានកម្លាំងអាវុធហត្ថមូលដ្ឋានស្រុកអន្ងវែង បញ្ជូនទៅទីបញ្ជាការកងរាជអាវុធហត្ថខេត្តឧត្តរមានជ័យ ដើម្បីកសាងសំណុំរឿងចាត់ការតាមនិតិវិធីច្បាប់ ៕
ចែករំលែកព័តមាននេះ