CMAC បោសសម្អាតផ្ទៃដីចម្ការមីនជាង១៤,០០០ ហិកតា ក្នុងរយៈពេល១០ ខែ
- ភ្នំពេញ
រាជធានីភ្នំពេញ ៖ លោក ហេង រតនា អគ្គនាយកស៊ីម៉ាក់ បានប្រកាសនាថ្ងៃទី១៥ ខែវិច្ឆិកានេះថា ៖ របាយការណ៍លទ្ធផលកិច្ចប្រតិបត្តិការបោសសម្អាតមីន…
រាជធានីភ្នំពេញ ៖ លោក ហេង រតនា អគ្គនាយកស៊ីម៉ាក់ បានប្រកាសនាថ្ងៃទី១៥ ខែវិច្ឆិកានេះថា ៖ របាយការណ៍លទ្ធផលកិច្ចប្រតិបត្តិការបោសសម្អាតមីន និងសំណល់យុទ្ធភណ្ឌសង្គ្រាម ក្នុងរយៈពេល១០ខែ (មករា-តុលា) ឆ្នាំ២០២៥ របស់អង្គភាព CMAC សម្រេចបាននូវសមិទ្ធិផលសំខាន់ៗមួយចំនួនដូចខាងក្រោម ៖
១. លទ្ធផលសម្រេចបានលើផែនការប្រតិបត្តិការទូទៅ ៖
-បោសសម្អាតផ្ទៃដីចម្ការមីន/ស.ផ.ស បានទំហំ១៤.៣៩៧ ហិកតា
-រកឃ;ញគ្រាប់មីន និងគ្រាប់យុទ្ធភណ្ឌមិនទាន់ផ្ទុះសរុបចំនួន៤៣.៩១៦ គ្រាប់ ។
-លទ្ធផលអប់រំការយល់ដឹងពីគ្រោះថ្នាក់ដោយសារគ្រាប់មីន/គ្រាប់មិនទាន់ផ្ទុះ ដោយបើកវគ្គអប់រំបានចំនួន២១.៧៨៨លើក អប់រំតាមខ្នងផ្ទះបានចំនួន១.០៥២.៤៣៨ ខ្នងផ្ទះ និងមានអ្នកចូលរួមទទួលព័ត៌មានអប់រំសរុបចំនួន ២.២២០.៩៥០នាក់ ។
២. ដោយឡែក លទ្ធផលសង្ខេបនៅតំបន់រងផលប៉ះពាល់ដោយសារសង្គ្រាមសៀមឈ្លានពាននៃទិសខេត្តឧត្តរមានជ័យ និងខេត្តព្រះវិហារមានដូចខាងក្រោម ៖
-លទ្ធផលការងារអប់រំការយល់ដឹងពីគ្រោះថ្នាក់ដោយសារសំណល់យុទ្ធភណ្ឌសង្គ្រាម (ជនភៀសសឹក) បើកវគ្គផ្សព្វផ្សាយអប់រំជាង២៣០លើក និងអ្នកចូលរួមស្តាប់មានចំនួនជិត៤០០,០០០នាក់ ។
ចំពោះលទ្ធផលការងារស្រាវជ្រាវ និងដាក់ស្លាកសញ្ញា
-ចុះស្រាវជ្រាវបញ្ចប់ភូមិគោលដៅចំនួន៦៦ភូមិលើ៧៧ភូមិ ដែលរងផលប៉ះពាល់ (ភូមិនៅជួរមុខចំនួន១១ទៀតបានស្រាវជ្រាវផ្នែកខ្លះៗនិងកំពុងស្រាវជ្រាវបន្ត)។
-សរុបរកឃើញទីតាំងភស្តុតាងចំនួន៣,៥៨៦ករណី (ជាគ្រាប់ ឬទីតាំង) និងរកឃើញតំបន់ចម្ការគ្រាប់ចំនួន១,៧៥៤ ពហុកោណ(ប្លង់)ស្មើនឹងផ្ទៃដីទំហំសរុបចំនួន១.០៩៣គីឡូម៉ែត្រក្រឡា ។ (១៥ ខែវិច្ឆិកា ឆ្នាំ២០២៥) ៕
ចែករំលែកព័តមាននេះ