រាជធានីភ្នំពេញ ៖ សមាជិកក្រុមប្រឹក្សារាជធានីភ្នំពេញ បានថ្លែងនូវការកោតសរសើរអាជ្ញាធរ និងកម្លាំងមានសមត្ថកិច្ច ដែលបានធ្វើឱ្យបទល្មើសនានាថយចុះ ។ ជាមួយនេះ ក៏បានស្នើឱ្យអាជ្ញាធររាជធានីភ្នំពេញ អំពាវនាវឱ្យបងប្អូនប្រជាពលរដ្ឋប្រុងប្រយ័ត្នឱ្យខ្ពស់ចំពោះគ្រោះអគ្គិភ័យ…
រាជធានីភ្នំពេញ ៖ សមាជិកក្រុមប្រឹក្សារាជធានីភ្នំពេញ បានថ្លែងនូវការកោតសរសើរអាជ្ញាធរ និងកម្លាំងមានសមត្ថកិច្ច ដែលបានធ្វើឱ្យបទល្មើសនានាថយចុះ ។ ជាមួយនេះ ក៏បានស្នើឱ្យអាជ្ញាធររាជធានីភ្នំពេញ អំពាវនាវឱ្យបងប្អូនប្រជាពលរដ្ឋប្រុងប្រយ័ត្នឱ្យខ្ពស់ចំពោះគ្រោះអគ្គិភ័យ ដោយសារក្នុងខែតុលាកន្លងមកនេះ គ្រោះអគ្គិភ័យបានការកើនឡើង ។
សមាជិកក្រុមប្រឹក្សារាជធានីភ្នំពេញ បានថ្លែងនូវការកោតសរសើរបែបនេះ នៅក្នុងកិច្ចប្រជុំ
សា មញ្ញលើកទី១៨ របស់ក្រុមប្រឹក្សារាជធានីភ្នំពេញ អាណត្តិទី៤ កាលពីព្រឹកថ្ងៃទី១២ ខែ
វិច្ឆិកា ឆ្នាំ២០២៥ ក្រោមអធិបតីភាពឯកឧត្ដម ជួប ខុន សមាជិកក្រុមប្រឹក្សា និងលោក ហួត ហៃ អភិ បាលរងរាជធានីភ្នំពេញ នៅសាលារាជធានីភ្នំពេញ ។ការអំពាវនាវឱ្យប្រជាពលរដ្ឋមានការប្រុងប្រយ័ត្នពីអគ្គិភ័យនេះ ដោយសារតែករណីអគ្គិភ័យបានកើតឡើងជាបន្តបន្ទាប់ និងមានលាយឡំដោយសោកនាដកម្មថែមទៀតផង ។គេនៅចាំបានពីសោកនាដកម្មថ្មីចុងក្រោយនេះ ដែលផ្ទះ៣ល្វែងនៅសង្កាត់ទឹកល្អក់ទី៣ ខណ្ឌទួលគោក ត្រូវអគ្គិភ័យឆាបឆេះស្លាប់ស្ត្រីជាម្តាយនិងកូនស្រី និងរបួសមន្ត្រីពន្លត់អគ្គិភ័យ៣នាក់ថែមទៀត ។
ហេតុការណ៍ខាងលើនេះ បានកើតឡើងកាលពីវេលាម៉ោងប្រមាណ១១យប់ថ្ងៃទី២៥ ខែ
តុលា ឆ្នាំ២០២៥កន្លងទៅ នៅផ្ទះលេខ៩៣Aផ្លូវលេខ២៤៧ ភូមិ១ សង្កាត់ទឹកល្អក់ទី៣ ខណ្ឌទួលគោក ។ នគរបាលការិយាល័យបង្ការពន្លត់អគ្គិភ័យនិងសង្គ្រោះរាជធានីភ្នំពេញ បានឲ្យដឹងថា ម្ចាស់ផ្ទះដែលកើតមានអគ្គិភ័យនេះឈ្មោះគឹម សៀវឡុង ភេទប្រុស អាយុ៥៤ឆ្នាំ មុខរបរទិញអេតចាយ ផ្ទះជាប្រភេទសំណង់បេតុង ទំហំ៤ម៉ែត្រគុណ១៤ម៉ែត្រ ។ អគ្គិភ័យនេះ បណ្ដាលឲ្យផ្ទះថ្មទំហំ៤ម៉ែត្រx១៤ម៉ែត្រចំនួន៣ល្វែង ម៉ូតូចំនួន៤គ្រឿង និងគ្រឿងសម្ភារៈអេតចាយត្រូវភ្លើងឆេះអស់ទាំងស្រុង ។
ក្នុងការធ្វើអន្តរាគមន៍ពន្លត់អគ្គិភ័យនេះ សមត្ថកិច្ចបានប្រើប្រាស់រថយន្តពន្លត់អគ្គិភ័យរបស់ការិយាល័យពន្លត់អគ្គិភ័យចំនួន១៨គ្រឿង ប្រើប្រាស់ទឹកអស់ចំនួន៣៦រថយន្ត រថយន្តជំនួយទីក្រុងជ្រោយចង្វាចំនួន៣គ្រឿង ប្រើប្រាស់ទឹកអស់២រថយន្ត រថយន្តពន្លត់អគ្គិភ័យរបស់បុរីប៉េង ហួត ចំនួន២គ្រឿង ប្រើប្រាស់ទឹកអស់១រថយន្ត ហើយភ្លើងបានរលត់ទៅវិញនៅវេលាម៉ោងប្រមាណ១រំលងអធ្រាត្រឈានចូលថ្ងៃទី២៦ ខែតុលា ។ក្នុងករណីដាច់ដោយឡែកមួយទៀត បន្ទប់ដាក់ម៉ូតូនៅផ្ទះសំណាក់មួយកន្លែងបានត្រូវភ្លើងឆេះ បណ្ដាលឱ្យស្ត្រីម្នាក់នៅជាន់ទី៣ ភិតភ័យក៏លោតចុះមកក្រោមស្លាប់ ហើយប្តីរបួស ។
មុននេះដែរ ផ្ទះជួសជុលម៉ាស៊ីនត្រជាក់មួយកន្លែង បានត្រូវអគ្គិភ័យឆាបឆេះសន្ធោសន្ធៅ បណ្ដាលឲ្យស្លាប់មួយគ្រួសារដែលមានសមាជិក៤នាក់ ។ សោកនាដកម្មនេះ បានកើតឡើងនៅវេលាម៉ោងប្រមាណ៥និង៥នាទីព្រឹកព្រលឹមថ្ងៃទី១៣ ខែមិថុនា ឆ្នាំ២០២៥ នៅផ្លូវបេតុង ភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ ។លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យនិងសង្គ្រោះរាជធានីភ្នំពេញ បានឲ្យដឹងថា នៅក្នុងការធ្វើអន្តរាគមន៍ កម្លាំងសមត្ថកិច្ចបានប្រើប្រាស់រថយន្តពន្លត់អគ្គិភ័យចំនួន១១គ្រឿង ក្នុងនោះរថយន្តរបស់ការិយាល័យចំនួន៥គ្រឿង ប្រើប្រាស់ទឹកអស់៤រថយន្ត និងរថយន្តជំនួយមកពីកងពលតូចលេខ៧០ ចំនួន៦គ្រឿង ប្រើប្រាស់ទឹកអស់១រថយន្ត ។
ចំពោះប្រភេទសំណង់ខាងលើនេះ ដែលជាប្រភេទថ្មក្រោម និងខាងលើស័ង្កសី ទំហំ៥ម៉ែត្រx២០ម៉ែត្រ ត្រូវឆេះខូចខាតអស់ទាំងស្រុង តែពុំបណ្តាលឲ្យឆេះរាលដាលដល់ផ្ទះក្បែរខាងឡើយ ។ចំពោះហេតុការណ៍គ្រោះអគ្គិភ័យនេះ កម្លាំងសមត្ថកិច្ចជំនាញបានធ្វើការស្រាវជ្រាវរកឃើញថា បណ្តាលមកពីឆ្លងចរន្តអគ្គិសនីបង្ករជាអគ្គិភ័យ ។លោកឧត្តមសេនីយ៍ទោ សឿ រិទ្ធី អនុប្រធាន និងជាអ្នកនាំពាក្យនៃនាយកដ្ឋាននគរបាលបង្ការ ពន្លត់អគ្គិភ័យ និងសង្គ្រោះនៃអគ្គស្នងការដ្ឋាននគរបាលជាតិ បានសម្តែងការបារម្ភពីការកើនឡើងខ្លាំងនូវករណីអគ្គិភ័យនៅដើមឆ្នាំ២០២៥ នេះ ដែលត្រឹមតែរយៈពេល១ខែ១០ថ្ងៃ អគ្គិភ័យកើតឡើងច្រើន បើធៀបនឹងរយៈពេលដូចគ្នាក្នុងឆ្នាំ២០២៤ ធ្វើឲ្យបាត់បង់ជីវិតមនុស្ស ៩នាក់ និងបំផ្លិចបំផ្លាញទ្រព្យសម្បត្តិពលរដ្ឋអស់ជាច្រើន ។
ោកឧត្តមសេនីយ៍ទោ សឿ រិទ្ធី ថ្លែងថា អង្គភាពរបស់លោក ក៏ដូចជាថ្នាក់ដឹកនាំអគ្គស្នងការដ្ឋាន មានការព្រួយបារម្ភចំពោះកំណើនអគ្គិភ័យនៅដើមឆ្នាំ២០២៥នេះ ។លោកឧត្តមសេនីយ៍ឯក នេត វន្ថា ប្រធាននាយកដ្ឋាននគរបាលបង្ការ ពន្លត់អគ្គិភ័យ និងសង្គ្រោះ នៃអគ្គស្នងការដ្ឋាននគរបាលជាតិ ក៏បានថ្លែងដែរថា អគ្គិភ័យដើមឆ្នាំ២០២៥ កើតមានច្រើនលើរោងចក្រ និងក្លិបកម្សាន្ត ដែលពុំមានប្រព័ន្ធបង្ការអគ្គិភ័យឲ្យបានត្រឹមត្រូវ ។ នៅក្នុងឆមាសទី១ ឆ្នាំ២០២៥ អគ្គិភ័យបានកើតឡើងចំនួន ២៦៦លើក ពោលគឺថយចុះចំនួន ៣១លើក បើធៀបនឹងរយៈពេលដូចគ្នាក្នុងឆ្នាំ២០២៤ តែចំនួនអ្នកស្លាប់ដោយសារអគ្គិភ័យមានចំនួន១៤នាក់ ពោលគឺកើនឡើងចំនួន៧នាក់ ។ រីឯចំនួនផ្ទះនិងតូបដែលបានឆេះមានការថយចុះច្រើន ៕
ចែករំលែកព័តមាននេះ