ខេត្តបន្ទាយមានជ័យ ៖ សាកសពជនរងគ្រោះដែលស្លាប់ដោយទាហានថៃរះ ត្រូវបានបូជានៅវត្តចាន់ស៊ី នៅថ្ងៃទី១៣ ខែវិច្ឆិកា ឆ្នាំ២០២៥ ស្ថិតភូមិកូបកើត ឃុំកូប ស្រុកអូរជ្រៅ…
ខេត្តបន្ទាយមានជ័យ ៖ សាកសពជនរងគ្រោះដែលស្លាប់ដោយទាហានថៃរះ ត្រូវបានបូជានៅវត្តចាន់ស៊ី នៅថ្ងៃទី១៣ ខែវិច្ឆិកា ឆ្នាំ២០២៥ ស្ថិតភូមិកូបកើត ឃុំកូប ស្រុកអូរជ្រៅ ។
លោក កែវ តារ៉ារស្មី អភិបាលស្រុកអូរជ្រៅបានប្រាប់ថា ជនរងគ្រោះស្លាប់ឈ្មោះ ឌី ណៃ ហៅកុសល ភេទប្រុស អាយុ៤២ឆ្នាំ ស្នាក់នៅភូមិព្រៃចាន់ ឃុំអូរបីជាន់ ស្រុកអូរជ្រៅ មានស្រុកកំណើតខេត្តកំពង់ធំ ។
លោកបានបញ្ជាក់ថា ជនរងគ្រោះបានចាកចេញស្រុកកំណើតមករស់នៅភូមិព្រៃចាន់ហើយបានស្គាល់អ៊ំស្រីម្នាក់ដោយរាប់អានសុំធ្វើជាកូនធម៌ និងម្តាយធម៌ ទើបបានរយៈពេលជាង៣ខែប៉ុណ្ណោះ ។
ខណៈពេលស្ថានភាពនៅភូមិព្រៃចាន់ និងភូមិជោគជ័យ ដែលទាហានថៃឈ្លានពាន និងយកលួសបន្លាមកហ៊ុំព័ទ្ធយកផ្ទះប្រជាពលរដ្ឋចំនួន១២ខ្នង និងដាក់កង់ឡានបិទផ្លូវដែលរំលោភសិទ្ធិមនុស្សនិងអធិបតេយ្យភាព។
លោក កែវ តារ៉ារស្មី បានបញ្ជាក់ថា នៅពេលជនរងគ្រោះឈ្មោះឌី ណៃ ហៅកុសល កំពុងស្នាក់នៅក្នុងជម្រោកតុង ក៏ត្រូវបានទាហានថៃបាញ់រះបណ្តាលឱ្យស្លាប់នៅនិងកន្លែង និងមានអ្នករងរបួស៣នាក់ ក្រោយជនរងគ្រោះស្លាប់ ត្រូវបានអាជ្ញាធរខេត្តបន្ទាយមានជ័យបូជាសពនៅវត្តចាន់ស៊ីតាមប្រពៃណី ។
ចែករំលែកព័តមាននេះ