ADផ្ទាំងផ្សព្វផ្សាយពាណិជ្ជកម្ម

Picture

រដ្ឋបាល​ខេត្តបន្ទាយមានជ័យ ៖ ទាហាន​ថៃ​បាញ់​ប្រជាពលរដ្ឋ​កម្ពុជា​ស្លាប់ម្នាក់ និង​រង​របួស​៣​នាក់

3 ម៉ោង មុន

ខេត្តបន្ទាយមានជ័យ ៖ អ្នកនាំពាក្យ​រដ្ឋបាល​ខេត្តបន្ទាយមានជ័យ បាន​ចេញ​សេចក្តី​ប្រកាស​ព័ត៌មាន​ថា នៅ​វេលា​ម៉ោង​១៥.៥០​នាទី ថ្ងៃ​ទី​១២ ខែវិច្ឆិកា ឆ្នាំ​២០២៥ កម្លាំង​ទាហាន​ថៃ បាន​ប្រើ​កាំភ្លើង…

ខេត្តបន្ទាយមានជ័យ ៖ អ្នកនាំពាក្យ​រដ្ឋបាល​ខេត្តបន្ទាយមានជ័យ បាន​ចេញ​សេចក្តី​ប្រកាស​ព័ត៌មាន​ថា នៅ​វេលា​ម៉ោង​១៥.៥០​នាទី ថ្ងៃ​ទី​១២ ខែវិច្ឆិកា ឆ្នាំ​២០២៥ កម្លាំង​ទាហាន​ថៃ បាន​ប្រើ​កាំភ្លើង RPD បាញ់ប្រហារ​មក​លើ​ប្រជាពលរដ្ឋ​កម្ពុជា ដែល​កំពុង​ស្នាក់​នៅ​ក្នុង​ជម្រក​កៅស៊ូ​តង់​ក្នុង​ដែន​អធិបតេយ្យ នៃ​ព្រះរាជាណាចក្រ​កម្ពុជា ស្ថិត​ក្នុងភូមិ​ព្រៃ​ចាន់ ឃុំ​អូរ​បី​ជាន់ ស្រុក​អូរ​ជ្រៅ ខេត្តបន្ទាយមានជ័យ បណ្តាល​ឱ្យ​ប្រជាពលរដ្ឋ​ខ្មែរ​ស្លាប់​ចំនួន​១​នាក់ និង​រង​របួស​៣​នាក់ ។

អ្នកនាំពាក្យ​រដ្ឋបាល​ខេត្តបន្ទាយមានជ័យ សូម​ប្រកាស​ថ្កោលទោស​យ៉ាង​ដាច់អហង្ការ​ចំពោះ​ទ​ង្វើ​អមនុស្សធម៌ ដ៏​សាហាវឃោរឃៅ​នេះ ហើយ​នេះ​បង្ហាញ​យ៉ាង​ច្បាស់​កាល ដែល​ភាគី​ថៃ បាន​រំលោភ​បំពាន​លើ “​សេចក្តីថ្លែងការណ៍​រួម​ស្ដី​ពី​កិច្ចព្រមព្រៀង​សន្តិភាព​រវាង​កម្ពុជា​និង​ថៃ​” ដែល​ភាគី​ទាំង​ពីរ​បាន ចុះហត្ថលេខា​កាលពី​ថ្ងៃ​ទី​២៦ ខែតុលា ឆ្នាំ​២០២៥ ដែល​ចុះហត្ថលេខា ដោយ​នាយក​រដ្ឋមន្ត្រី នៃ​ប្រទេស​កម្ពុជា និង​ថៃ ក្រោម​សាក្សី​របស់​ឯកឧត្តម ដូ​ណា​ល់ ត្រាំ ប្រធានាធិបតី​សហរដ្ឋ​អាម៉េរិក និង​ឯកឧត្តម អាន់​វ៉ា ស៊ី​ប្រា​ហ៊ី​ម នាយក​រដ្ឋមន្ត្រី​ម៉ា​ឡេ​ស៊ី និង​ជា​ប្រធាន​អាស៊ាន ។

អ្នកនាំពាក្យ​រដ្ឋបាល​ខេត្តបន្ទាយមានជ័យ សូម​ប្រកាន់​ជំហរ​គោរព​ទៅ​តាម​អ្វី​ដែល​ជា​ការ​ព្រមព្រៀង​គ្នា​រវាង​ប្រទេស​ទាំង​ពីរ ដោយ​រក្សា​ស្ថានភាព​ដដែល​រហូត​ដល់​ការងារ​ខណ្ឌសីមា​ព្រំដែន​គោក​ត្រូវ បាន​បញ្ចប់​។ ក្នុង​ន័យ​នេះ ដើម្បី​បន្ធូរបន្ថយ​ភាព​តានតឹង និង​រង់ចាំ​ដំណោះស្រាយ​របស់​គណៈកម្មការ ចម្រុះ​ព្រំដែន​(JBC) ៕

អត្ថបទសរសេរ ដោយ

កែសម្រួលដោយ