លោក អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី នៅថ្ងៃនេះ អំពាវនាវឲ្យភាគីទាំងពីរ ប្រើប្រាស់ការអត់ធ្មត់ជាអតិបរមា រក្សាឆានែលទំនាក់ទំនងឲ្យនៅបើកចំហ និងប្រើប្រាស់យន្តការដែលមានស្រាប់ឲ្យបានពេញលេញ ។…
លោក អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី នៅថ្ងៃនេះ អំពាវនាវឲ្យភាគីទាំងពីរ ប្រើប្រាស់ការអត់ធ្មត់ជាអតិបរមា រក្សាឆានែលទំនាក់ទំនងឲ្យនៅបើកចំហ និងប្រើប្រាស់យន្តការដែលមានស្រាប់ឲ្យបានពេញលេញ ។
លោកមានការព្រួយបារម្ភយ៉ាងខ្លាំង ចំពោះរបាយការណ៍ស្ដីពីការប៉ះទង្គិចគ្នាដោយអាវុធរវាងកងកម្លាំងកម្ពុជា និងថៃ នៅតាមបណ្តោយព្រំដែនរួមរបស់ប្រទេសទាំងពីរ ។
ប្រទេសថៃ និងកម្ពុជា គឺជាដៃគូជិតស្និទ្ធរបស់ប្រទេសម៉ាឡេស៊ី និងជាសមាជិកដ៏សំខាន់របស់អាស៊ាន ។ យើងសូមអំពាវនាវឲ្យភាគីទាំងពីរ ប្រើប្រាស់ការអត់ធ្មត់ជាអតិបរមា រក្សាឆានែលទំនាក់ទំនងឲ្យនៅបើកចំហ និងប្រើប្រាស់យន្តការដែលមានស្រាប់ឲ្យបានពេញលេញ ។
ប្រទេសម៉ាឡេស៊ីត្រៀមខ្លួនជាស្រេច ក្នុងការគាំទ្រជំហានដែលអាចជួយ ស្តារភាពស្ងប់ស្ងាត់ និងទប់ស្កាត់ឧបទ្ទវហេតុបន្ថែមទៀត ។ តំបន់របស់យើងមិនអាចប្រឈមនឹងការមើលឃើញវិវាទដែលមានតាំងពីយូរអង្វែងធ្លាក់ទៅក្នុងវដ្តនៃការប្រឈមមុខដាក់គ្នាបានទេ។
អាទិភាពបន្ទាន់ គឺបញ្ឈប់ការប្រយុទ្ធគ្នា ការពារជនស៊ីវិល និងវិលត្រឡប់ទៅរកមាគ៌ាការទូតដែលគាំទ្រដោយច្បាប់អន្តរជាតិ និងស្មារតីសាមគ្គីភាពក្នុងនាមជាប្រទេសជិតខាងដែលអាស៊ានពឹងផ្អែក ៕
ចែករំលែកព័តមាននេះ