រាជធានីភ្នំពេញ ៖ អធិការដ្ឋាននគរបាលក្រុងតាខ្មៅ បានធ្វើការប្រកាសយ៉ាងមុតមាំមួយទៅកាន់សាធារណជន ជាពិសេសបងប្អូនអាជីវករទាំងអស់ ដែលកំពុងប្រើប្រាស់ចិញ្ចើមផ្លូវសាធារណៈសម្រាប់ធ្វើអាជីវកម្ម ឬដាក់តាំងលក់ទំនិញផ្ទាល់ខ្លួន ។ ជាក់ស្តែងអធិការដ្ឋាននគរបាលក្រុងតាខ្មៅ បានប្រកាសនារសៀលថ្ងៃទី១២…
រាជធានីភ្នំពេញ ៖ អធិការដ្ឋាននគរបាលក្រុងតាខ្មៅ បានធ្វើការប្រកាសយ៉ាងមុតមាំមួយទៅកាន់សាធារណជន ជាពិសេសបងប្អូនអាជីវករទាំងអស់ ដែលកំពុងប្រើប្រាស់ចិញ្ចើមផ្លូវសាធារណៈសម្រាប់ធ្វើអាជីវកម្ម ឬដាក់តាំងលក់ទំនិញផ្ទាល់ខ្លួន ។
ជាក់ស្តែងអធិការដ្ឋាននគរបាលក្រុងតាខ្មៅ បានប្រកាសនារសៀលថ្ងៃទី១២ ខែវិច្ឆិកា ឆ្នាំ២០២៥ ថា ៖ សូមបងប្អូនអាជីវករដែលយកចិញ្ចើមផ្លូវសាធារណៈធ្វើអាជីវកម្មផ្ទាល់ខ្លួន សូមបញ្ឈប់ជាបន្ទាន់ ដោយសារចិញ្ចើមផ្លូវនេះ គឺសម្រាប់អ្នកដំណើរថ្មើរជើង ។
អធិការដ្ឋាននគរបាលក្រុងតាខ្មៅ បានបញ្ជាក់បន្តថា សូមបងប្អូនទាំងអស់គ្នា ចូលរួមសហការ ដើម្បីអោយទីក្រុងយើង មានសណ្តាប់ធ្នាប់ សោភ័ណភាព និងរបៀបរៀបរយ ។
សូមរំលឹកថា ការប្រកាសរបស់អធិការដ្ឋាននគរបាលក្រុងតាខ្មៅនាពេលនេះ បានកើតឡើងដោយសារតែបញ្ហាការរំលោភបំពានចិញ្ចើមផ្លូវសាធារណៈបានក្លាយជាកង្វល់ដ៏ធំមួយដែលមិនត្រឹមតែបង្កឱ្យមានការកកស្ទះចរាចរណ៍ប៉ុណ្ណោះទេ ថែមទាំងបង្កហានិភ័យខ្ពស់ដល់សុវត្ថិភាពអ្នកថ្មើរជើងដែលត្រូវបង្ខំចិត្តដើរចុះតាមដងផ្លូវថែមទៀតផង ៕
ចែករំលែកព័តមាននេះ