ខេត្តកណ្តាល ៖ នៅក្នុងរដូវបិទនេសាទ និងរដូវបើកនេសាទ កម្លាំងជំនាញជលផលខេត្តកណ្តាលសហការមួយកម្លាំងនគរបាលឃុំ ព្រមទាំងអាជ្ញាធរមូលដ្ឋានបានចុះបង្ក្រាបបទល្មើសនេសាទបានច្រើនករណី ស្ថិតក្នុងឃុំ ព្រែកអំបិល ស្រុកស្អាង ខេត្តកណ្តាល…
ខេត្តកណ្តាល ៖ នៅក្នុងរដូវបិទនេសាទ និងរដូវបើកនេសាទ កម្លាំងជំនាញជលផលខេត្តកណ្តាលសហការមួយកម្លាំងនគរបាលឃុំ ព្រមទាំងអាជ្ញាធរមូលដ្ឋានបានចុះបង្ក្រាបបទល្មើសនេសាទបានច្រើនករណី ស្ថិតក្នុងឃុំ ព្រែកអំបិល ស្រុកស្អាង ខេត្តកណ្តាល ។
យោងតាមរបាយការណ៍ដែលទទួលបានពីគណៈបញ្ជាការឯកភាពរដ្ឋបាលស្រុកស្អាងបានឲ្យដឹងថា កាលពីថ្ងៃទី១១ ខែវិចិ្ឆកា ឆ្នាំ២០២៥ លោក អេង វណ្ណឌី អភិបាលរងនៃគណៈអភិបាលស្រុក,កម្លាំងអធិការដ្ឋានចតុមុខ កម្លាំងផ្នែករដ្ឋបាលជលផលទាំង២ កម្លាំងសង្កាត់សំពៅពូន, នាយសង្កាត់រដ្ឋបាលជលផលបានចូលរួមចុះបង្ក្រាបបទល្មើសនេសាទចំនួន២ករណី ឃុំព្រែកអំបិល ស្រុកស្អាង ខេត្តកណ្ដាល ។
របាយការណ៍បានលើកឡើងថា ក្រោយចុះបង្ក្រាបទទួលបានលទ្ធផលដូចខាងក្រោម ៖ករណីនៅចំណុចស្លែងតូច និងស្លែងធំ ១.ដកហូតសៃយ៉ឺនចំនួន៣៧មាត់លូ ២.ព្រួលស្បៃប្រវែង១៧០០ម៉ែត្រ ៣.បង្គោលឬស្សីចំនួន២១០ដើម ៤.លែងកូនត្រីចំរុះចំនួន: ៧០គីឡូ ចំណែកឧបករណ៍ត្រូវបានដុតបំផ្លាញចោល ។
បើតាមរបាយការណ៍ដដែលបានឲ្យដឹងថា សមាសភាពចូលរួម២៦នាក់ ដោយបានប្រើប្រាស់ម៉ាស៊ីនចំនួន០៤គ្រឿង ។ សម្ថកិច្ចបានបង្ក្រាបបទល្មើសដាយត្រី០១ករណីទំហំ២៥ម៉ែត្រx៥ម៉ែត្រx៣ ម៉ែត្រក្រឡា២,៥ស.ម-០,១ស.ម នៅចំណុចផ្លូវក្រវ៉ាត់ ឃុំព្រែកអំបិល ស្រុកស្អាង ខេត្តកណ្ដាល ដុតបំផ្លាញចោល ។
សូមជម្រាបថា បើតាមប្រជាពលរដ្ឋបានឲ្យដឹងថា នៅទីតាំងខាងលើបទល្មើសនេះ តែងតែមានរាល់ឆ្នាំដល់មានការរាយការណ៍ពីអ្នកសារព័ត៌ដល់សមត្ថកិច្ចតែងតែចុះបង្ក្រាប ។
លើសពីនេះប្រជាពលរដ្ឋក៏បានឲ្យអ្នកសារព័ត៌មានដឹងថា រាល់យប់មានបទល្មើសឆក់ត្រីនៅតាមស្ទឹងព្រែកអំបិលនេះមិនដាច់នោះទេ ។ ប្រពលរដ្ឋក៏ស្នើដល់ខាងជលផលសមត្ថកិច្ចពាក់ព័ន្ធចុះចាត់វិធានការចំពោះបទល្មើសនេសាទដែលខុសច្បាប់ទាំងនេះឲ្យអស់ផង៕
ចែករំលែកព័តមាននេះ