ខេត្តកែប ៖ ក្រោយហៅសួរនាំ អាជីវករព្រមទទួលស្គាល់ថា ពិតជាបានជួលខ្យូស១ថ្លៃ ៥០ដុល្លាមែន និងព្រមធ្វើកិច្ចសន្យា៤ចំណុច ចំពោះមុខអាជ្ញាធរក្រុង ។ នេះបើយោងតាមមន្ទីរព័ត៌មានខេត្តកែប…
ខេត្តកែប ៖ ក្រោយហៅសួរនាំ អាជីវករព្រមទទួលស្គាល់ថា ពិតជាបានជួលខ្យូស១ថ្លៃ ៥០ដុល្លាមែន និងព្រមធ្វើកិច្ចសន្យា៤ចំណុច ចំពោះមុខអាជ្ញាធរក្រុង ។ នេះបើយោងតាមមន្ទីរព័ត៌មានខេត្តកែប បានប្រកាសនារសៀលថ្ងៃទី០៩ ខែវិច្ឆិកា ឆ្នាំ២០២៥ ។
ជាក់ស្តែង នារសៀលថ្ងៃទី៩ ខែវិច្ឆិកា ឆ្នាំ២០២៥ នេះ រដ្ឋបាលក្រុងកែប បានចេញសេចក្តីបំភ្លឺមួយ ដោយបញ្ជាក់ថា «អាជ្ញាធរក្រុង បានសហការជាមួយមន្ទីរទេសចរណ៍ខេត្តកែប បានអញ្ជើញលោកស្រី ឆោម គឹម ធើយ មុខរបរជាអាជីវករលក់ដូរនៅឆ្នេរកែប មកសាកសួរ ដោយលោកស្រីបានបញ្ជាក់ថា គាត់បាននិយាយប្រាប់ភ្ញៀវអោយទៅចតនៅចំណតផ្សេង ចំពោះតម្លៃតូបជួលមួយ៥០ដុល្លារ គាត់ក៏បានទទួលស្គាល់ថា បានជម្រាបដល់ភ្ញៀវក្នុងតម្លៃនេះពិតប្រាកមែន ក្នុងតម្លៃចចារ ប៉ុន្តែបើគាត់ទិញម្ហូបចាប់ពី៤មុខឡើងទៅ គឺមិនគិតថ្លៃតូបឡើយ» ។
ក្នុងសេចក្តីបំភ្លឺបានបន្ថែមថា «ចំពោះករណីនេះ លោកស្រី ឆោម គឹមធើយ បានឯកភាពតាមការណែនាំរបស់អាជ្ញាធរក្រុង និងមន្ទីរទេសចរណ៍ខេត្តកែប យល់ព្រមធ្វើកិច្ចសន្យាបញ្ឈប់រាល់សកម្មភាពទាំងឡាយណា ដែលធ្វើឲ្យប៉ះពាល់ដល់ភ្ញៀវទេសចរ និងសូមសន្យាដូចខាងក្រោម ៖
១.មិនឆ្លៀតឱកាសតំឡើងថ្លៃឡើយ ពិសេសថ្ងៃបុណ្យជាតិ និងអន្តរជាតិផ្សេងៗ ។
២.រក្សាចំណតរថយន្តជាចំណតសាធារណៈ ។
៣.មានបញ្ជីរាយមុខម្ហូប វិក្កយបត្រ ឈ្មោះទីតាំង និងលេខទូរសព្ទទំទាក់ទំនងឲ្យបានត្រឹមត្រូវ ។
៤.ចូលរួមសហការជាមួយអាជ្ញាធរ និងសមត្ថកិច្ចដើម្បីរៀបចំសណ្តាប់ធ្នាប់សាធារណៈ អនាម័យបរិស្ថាន ៕
ចែករំលែកព័តមាននេះ