ខេត្តព្រះសីហនុ ៖ បើតាមព័ត៌មានបឋមបានឱ្យដឹងថា នៅវេលាម៉ោង១០ និង៣០នាទីព្រឹកថ្ងៃទី៧ ខែវិច្ឆិកា ឆ្នាំ២០២៥ នេះ ស្ថិតនៅលើវិថីសែនជ័យ ត្រង់ចំណុចផ្លូវបត់៤០ម៉ែត្រ…
ខេត្តព្រះសីហនុ ៖ បើតាមព័ត៌មានបឋមបានឱ្យដឹងថា នៅវេលាម៉ោង១០ និង៣០នាទីព្រឹកថ្ងៃទី៧ ខែវិច្ឆិកា ឆ្នាំ២០២៥ នេះ ស្ថិតនៅលើវិថីសែនជ័យ ត្រង់ចំណុចផ្លូវបត់៤០ម៉ែត្រ ស្ថិតក្នុងភូមិ៦ សង្កាត់លេខ៤ ក្រុងព្រះសីហនុ ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើង បង្កដោយរថយន្ត០១គ្រឿងម៉ាក FUSO ពណ៌ស ពាក់ផ្លាកលេខត្បូងឃ្មុំ 3A-2383 សណ្ដោងសឺមីរ៉ឺម៉ក ពណ៌ខៀវ ពាក់ផ្លាកលេខកំពង់ចាម 4A-0512 បើកបរដោយឈ្មោះ ស្រូច ណារ៉ុង ភេទប្រុស អាយុ៣៧ឆ្នាំ មានទីលំនៅ ភូមិបត់ទន្លា ឃុំកណ្ដាលជ្រុំ ស្រុកពញាក្រែក ខេត្តត្បូងឃ្មុំ ដែលមានទិសដៅពីជើងឆ្ពោះទៅត្បូងលុះដល់ចំណុចខាងលើបានបុកជាមួយនឹងម៉ូតូសណ្ដោងរ៉ឺម៉ក០១គ្រឿង ម៉ាក WAVE ពណ៌ខ្មៅ គ្មានពាក់ផ្លាកលេខ បើកកបរដោយឈ្មោះ ស៊ុត ណាគ្រី ភេទស្រី អាយុ៣៦ឆ្នាំ ជនជាតិខ្មែរ មុខរបរលក់ចេកចៀន មានទីលំនៅភូមិ៦ សង្កាត់៤ ក្រុង/ខេត្តព្រះសីហនុ ដែលមានទិសដៅស្របគ្នា បណ្ដាលឲ្យក្រឡាប់រថយន្តអូសដាច់ខូចខាតផ្លូវថ្នល់ជាអន្លើរៗ ។
មន្ត្រីនគរបាលការិយាល័យចរាចរផ្លូវគោកនៃស្នងការដ្ឋាននគរបាលខេត្តព្រះសីហនុបានបញ្ជាក់ឲ្យដឹងថា តុល្យការករណីគ្រោះថ្នាក់ចរាចរណ៍ខាងលើនេះ បណ្តាលឲ្យរងរបួសស្រាលមនុស្ស០១នាក់ អ្នកបើកបរម៉ូតូសណ្ដោងរ៉ឺម៉ក ។
ក្រោយកើតហេតុ វត្ថុតាងរថយន្តបង្ក០១គ្រឿងសមត្ថកិច្ចបានយកមករក្សាទុកនៅការិយា
ល័យចរាចរណ៍ផ្លូវគោកខេត្តព្រះសីហនុរង់ចាំការដោះស្រាយទៅតាមនិតិវិធី ។
ចែករំលែកព័តមាននេះ