ខេត្តកំពង់ស្ពឺ ៖ នៅលើកំណាត់ផ្លូវល្បឿនលឿន នៅត្រង់ចំណុចភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ មានករណីគ្រោះថ្នាក់រថយន្តបុកពីក្រោយរថយន្ត នៅវេលាម៉ោង២១និង២០នាទីយប់ ថៃ្ងទី២…
ខេត្តកំពង់ស្ពឺ ៖ នៅលើកំណាត់ផ្លូវល្បឿនលឿន នៅត្រង់ចំណុចភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ មានករណីគ្រោះថ្នាក់រថយន្តបុកពីក្រោយរថយន្ត នៅវេលាម៉ោង២១និង២០នាទីយប់ ថៃ្ងទី២ ខែវិច្ឆិកា ឆ្នាំ២០២៥ ។ នេះបើយោងតាមផេកស្នងការដ្ឋាននគរបាលខេត្តកំពង់ស្ពឺ បានប្រកាសនាព្រឹកថ្ងៃទី០៣ ខែវិច្ឆិកានេះ ។
តាមការបញ្ជាក់ពីកម្លាំងនគរបាលលើផ្លូវល្បឿនលឿន និងផ្នែកចរាចរណ៍ស្រុកភ្នំស្រួចថា រថយន្ត១គ្រឿង ម៉ាកALPHARD ពណ៌ខ្មៅ ពាក់ផ្លាកលេខភ្នំពេញ 2CF-9670 បើកបរដោយឈ្មោះ ឡន សំបុន ភេទប្រុស អាយុ២០ឆ្នាំ រស់នៅភូមិអង្គ សង្កាត់ប្រទះឡាង ខណ្ឌកំបូល រាជធានីភ្នំពេញ និងអ្នករួមដំណើរ១នាក់ ឈ្មោះ SHIN JI IN ភេទស្រី អាយុ៣០ឆ្នាំ ជនជាតិកូរ៉េខាងត្បូង ។
ប្រភពបានបន្តថា រថយន្តALPHARD បើកបរពីទិសខាងលិចទៅទិសខាងកើត(ព្រះសីហនុ-ភ្នំពេញ)ដល់ចំណុចខាងលើ បានបុកពីក្រោយរថយន្ត១គ្រឿង ម៉ាកFUSO ពណ៌ស ពាក់ផ្លាកលេខភ្នំពេញ3C-2527 សណ្តោងសឺមីរ៉ឺម៉ក ពាក់ផ្លាកលេខ ព្រះសីហនុ 4A-2195 អ្នកបើកបរមិនស្គាល់អត្តសញ្ញាណ (រត់គេចចេញពីកន្លែងកើតហេតុ) ដែលកំពុងបើកបរស្របទិសគ្នា បណ្ដាលឲ្យគ្រោះថ្នាក់មនុស្ស និងខូចខាតសម្ភារៈរបួសមនុស្សធ្ងន់ទាំង២នាក់ ហើយត្រូវបានកម្លាំងមានសមត្ថកិច្ច និងបានហៅរថយន្តសង្គ្រោះ មន្ទីរពេទ្យបង្អែកត្រពាំងក្រឡឹង ជួយអន្ដរាគមន៍បញ្ជូនទៅសង្គ្រោះនៅមន្ទីរពេទ្យកាល់ម៉ែត ភ្នំពេញ ។
ចំពោះវត្ថុតាងមធ្យោបាយរថយន្តទាំង២គ្រឿង កម្លាំងនគរបាលចរារចរណ៍នៃអធិការដ្ឋាននគេបាលស្រុកភ្នំស្រួច បានបញ្ជូនមករក្សាទុករង់ចាំអនុវត្ដតាមនីតិវិធី ៕
ចែករំលែកព័តមាននេះ