សម្រាកអុំទូកឆ្នាំនេះ អាចរងការរំខានពីព្យុះទី២៥ កាលម៉េហ្គី
នៅចុងរដូវវស្សានេះ តំបន់ និងកម្ពុជានៅមិនទាន់អស់ព្យុះទេ គឺនៅមានព្យុះទី២៥ ឈ្មោះ កាលម៉េហ្គី (Kalmaegi) មួយទៀត ហើយឥទ្ធិពលរបស់វា អាចរំខានពេលសម្រាកបុណ្យអុំទូកបាន…
នៅចុងរដូវវស្សានេះ តំបន់ និងកម្ពុជានៅមិនទាន់អស់ព្យុះទេ គឺនៅមានព្យុះទី២៥ ឈ្មោះ កាលម៉េហ្គី (Kalmaegi) មួយទៀត ហើយឥទ្ធិពលរបស់វា អាចរំខានពេលសម្រាកបុណ្យអុំទូកបាន ហើយបន្តរហូតដល់ថ្ងៃទី១០ ខែវិច្ឆិកា ឯណោះ ។
ក្រសួងធនធានទឹក និងឧតុនិយម បានអះអាង កាលពីរសៀលថ្ងៃទី០២ ខែវិច្ឆិកា ថា សម្ពាធទាប ដែលកើតនៅមហាសមុទ្រប៉ាស៊ីហ្វិកខាងលិចបានវិវត្តទៅជាព្យុះទី២៥ ឈ្មោះ កាលម៉េហ្គី ហើយកម្ពុជា គឺស្ថិតនៅក្បែរគន្លងផ្លូវដើររបស់ព្យុះដែលអាចនឹងទទួលរងឥទ្ធិពលគួរសមរង្វង់ចន្លោះពីថ្ងៃទី៦ ដល់ថ្ងៃទី១០ ខែវិច្ឆិកា ។
ដោយសារតែឥទ្ធិពលព្យុះទី២៥នេះ កម្ពុជាអាចនឹងទទួលឥទ្ធិពលខ្យល់កន្ត្រាក់ ភ្លៀង ផ្គររន្ទះពី ៣០ទៅដល់៦៥ភាគរយឯណោះ ។
តំបន់វាលទំនាប គឺអាចរងឥទ្ធិពលព្យុះនេះ២៥ភាគរយ តែតំបន់មាត់សមុទ្រ គឺអាចរងដល់ទៅ ៥០ភាគរយ ខណៈដែលរលកសមុទ្រអាចកើតមានពី០,៥ ទៅដល់២,៥ ម៉ែត្រ រីឯតំបនខ្ពង់រាប គឺអាចរងឥទ្ធិពលដល់ទៅ៦៥ភាគរយ ៕
ចែករំលែកព័តមាននេះ