រាជធានីភ្នំពេញ ៖ តម្លៃអង្ករកម្ពុជា ដែលបាននាំចេញ គិតត្រឹមតែមាត់ច្រកនាំចេញនៅក្នុងមួយតោន អាចលក់បានពី៥០៥ដុល្លារ ដល់ទៅ១.៣៩០ដុល្លារ ដែលជាតម្លៃមួយខ្ពស់ថេរ នេះបើធៀបនឹងតម្លៃអង្ករផ្សេងៗដូចជា ឥណ្ឌា…
រាជធានីភ្នំពេញ ៖ តម្លៃអង្ករកម្ពុជា ដែលបាននាំចេញ គិតត្រឹមតែមាត់ច្រកនាំចេញនៅក្នុងមួយតោន អាចលក់បានពី៥០៥ដុល្លារ ដល់ទៅ១.៣៩០ដុល្លារ ដែលជាតម្លៃមួយខ្ពស់ថេរ នេះបើធៀបនឹងតម្លៃអង្ករផ្សេងៗដូចជា ឥណ្ឌា និងវៀតណាម មានតម្លៃរង្វង់ក្រោម៥០០ដុល្លារនៅក្នុងមួយតោន ។
សហព័ន្ធស្រូវអង្ករកម្ពុជា បានអះអាងកាលពីពេលថ្មីនេះថា អង្ករកម្ពុជា ដែលនាំចេញបានតម្លៃថោកជាងគេនោះ គឺប្រភេទអង្ករស ហើយអង្ករដែលមានតម្លៃថ្លៃជាងគេនោះ គឺជាប្រភេទអង្ករម្លិះសរីរាង្គ ។
ប្រភពដដែលបានអះអាងថា តម្លៃអង្ករសកម្ពុជាដែលបានលក់ចេញគិតត្រឹមមាត់ច្រកគឺមួយតោនរង្វង់៥០៥ ដុល្លារ ហើយអង្ករម្លិះសរីរាង្គមួយតោន គឺ១.៣៩០ដុល្លារ ។ ក្រៅពីនោះអង្ករសសរីរាង្គវិញ ក៏បានតម្លៃគ្រាន់បើដែរ គឺ១.០៥០ដុល្លារនៅក្នុងមួយតោនដែរ ។
សម្រាប់ឥណ្ឌាវិញ សហព័ន្ធនាំចេញអង្ករឥណ្ឌាបានឲ្យដឹងថា តម្លៃអង្ករសឥណ្ឌានៅពេលនេះ ធ្លាក់ថ្លៃមកនៅត្រឹមតែពី៣៦០ទៅ៣៧០ដុល្លារប៉ុណ្ណោះនៅក្នុងមួយតោន ពោល គឺថោកជាងអង្ករសវៀតណាម ដែលមួយតោន គឺមានតម្លៃពី៤៤០ ទៅ៤៦៥ដុល្លារ ៕
ចែករំលែកព័តមាននេះ