ខេត្តបន្ទាយមានជ័យ ៖ បុរសម្នាក់សង្ស័យពុលពងគីង្គក់ដេកស្លាប់ក្រោមអង្រឹងនៅក្រោមផ្ទះ ត្រូវបានគេប្រទះឃើញ និងបង្កការភ្ញាក់ផ្អើលកាលពីវេលាម៉ោង៨នឹង១០នាទីថ្ងៃទី២៩ខែតុលា ឆ្នាំ២០២៥ ស្ថិតនៅភូមិឬស្សីក្រោក ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ…
ខេត្តបន្ទាយមានជ័យ ៖ បុរសម្នាក់សង្ស័យពុលពងគីង្គក់ដេកស្លាប់ក្រោមអង្រឹងនៅក្រោមផ្ទះ ត្រូវបានគេប្រទះឃើញ និងបង្កការភ្ញាក់ផ្អើលកាលពីវេលាម៉ោង៨នឹង១០នាទីថ្ងៃទី២៩ខែតុលា ឆ្នាំ២០២៥ ស្ថិតនៅភូមិឬស្សីក្រោក ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ ។
នគរបាលស្រុកមង្គលបុរីបានឲ្យដឹងថា,÷ជនរងគ្រោះមានឈ្មោះ ឃុត រតនា ភេទប្រុស អាយុ៣៤ឆ្នាំរស់នៅភូមិឬស្សីក្រោក ឃុំឫស្សីក្រោក ស្រុកមង្គលបុរីខេត្តបន្ទាយមានជ័យ ។ សូមបញ្ជាក់ថា ជនរងគ្រោះរស់នៅផ្ទះតែម្នាក់ឯង ហើយញៀនស្រាផងដែរ ។
នគរបាលបានបញ្ជាក់ថា តាមការបំភ្លឺរបស់ឈ្មោះ ជុំ ច្រិប ភេទស្រី អាយុ១០ឆ្នាំ នឹង ឈ្មេាះ វិន សុខលីន ភេទប្រុស អាយុ១០ឆ្នាំ ដែលជាអ្នករស់នៅជិតផ្ទះជនរងគ្រេាះបានអោយដឹងថា នៅថ្ងៃទី២៨ខែតុលា ឆ្នាំ២០២៥ វេលាម៉ោង៤នឹង៣០នាទីរសៀល ពួកគេបានឃើញជនរងគ្រោះអង្គុយផឹកស្រាថ្នាំក្រោមផ្ទះម្នាក់ឯង ហើយឃើញមានគីង្គក់លោតមកជិតជនរងគ្រោះ ហើយជនរងគ្រោះក៏បានចាប់គីង្គក់នោះបោក រួចយកមកលាត់ស្បែកចេញ ហើយវះពោះគីង្គក់នោះឃើញមានពង ។ បន្ទាប់មកជនរងគ្រោះបានយកគីង្គក់នោះទៅអាំងហូបទាំងពងតែម្ដង ។
តាមប្រភពដដែលបានបន្តថា បន្ទាប់ពីឃើញបែបនោះ ពួកគេបានស្រៃកប្រាប់ជនរងគ្រោះថា «ពូកុំហូបទាំងពងគីង្គក់ប្រយ័ត្នពុល» តែជនរងគ្រោះនៅតែហូប ហើយពួកគេ ក៏បានរត់ចេញមកដើរលេងបាត់ទៅ រហូតដល់ថ្ងៃទី២៩ ខែតុលា ឆ្នាំ២០២៥ វាលាម៉ោង៨នឹង១០នាទីយប់ ម្តាយរបស់ពួកគេបានប្រាប់ពួកគេថា យប់មិញប្រហែលម៉ោង១០ជាងឮសម្លេង ជនរងគ្រោះក្អួតខ្លាំងៗ ។ តែម្ដាយរបស់គេមិនចាប់អារម្មណ៍ទេ ស្មានតែគាត់ស្រវឹងស្រាហើយក្អួតធម្មតា ទើបគាត់មិនបានចេញមកមើលហើយគាត់ក៏ដេកវិញទៅ រហូតព្រឹកឡើងម៉ោង៨នឹង១០នាទី ម្ដាយរបស់ពួកគេបានក្រោកមកមើលក៏ឃើញជនរងគ្រោះដេកក្រោមអង្រឹង ហើយម្ដាយរបស់គេដើរមកមើលឃើញជនរងគ្រោះស្លាប់បាត់ទៅហើយ ។ ពួកគេក៏បានប្រាប់ម្ដាយថា ពីម្សិលមិញពួកគេបានឃើញជនរងគ្រោះចាប់គីង្គក់អាំងហូបទាំងពង ប្រហែលពុលពងគីង្គក់ស្លាប់ហើយម៉ែ ហើយម៉ែរបស់ពួកគេបានរាយការណ៍ប្រាប់អជ្ញាធរតែម្ដង ។
នគរបាលស្រុកមង្គលបុរីក៏បានបញ្ជាក់ឲ្យដឹងទៀតថា តាមការសន្និដ្ឋានរបស់គណៈកម្មការត្រួតពិនិត្យសព យោងតាមការសាកសួបំភ្លឺនៅកន្លែងកើតហេតុនិងតាមការត្រួតពិនិត្យនឹងស្រាវជ្រាវរបស់មន្ដ្រីជំនាញនឹងក្រុមការងារ ហើយការបញ្ជាក់ពីរលោកគ្រូពេទ្យ សុ ខាមុនិញ គ្រូពេទ្យកោសល្យវិច្ច័យស្រុក ក្នុងកាពិនិត្យលើសពយើងសន្និដ្ឋានបឋមថា ជនរងគ្រោះពិតជាស្លាប់ដោយសារ ហូបពងគីង្គក់បណ្ដាលអោយពុលស្លាប់ ពិតមែន។
ក្រោយពិនិត្យរួច ស.ពជនរងគ្រោះ ត្រូវបានសមត្ថកិច្ចប្រគល់ជូនទៅក្រុមគ្រួសារដើម្បីយកទៅធ្វើបុណ្យតាមប្រពែណី៕
ចែករំលែកព័តមាននេះ