ខេត្តស្វាយរៀង ៖ មានរថយន្តធុនយក្ស ១គ្រឿងបានក្រឡាប់ផ្ងាជើងចាក់ចោលទំនិញសុទ្ធតែជាគ្រឿងអេឡិចត្រូនិក បង្កឲ្យមានការភ្ញាក់ដល់ប្រជាពលរដ្ឋ និងសមត្ថកិច្ចទាំងព្រឹក ។ រថយន្តដឹកទំនិញមួយគ្រឿងនេះគ្មានស្លាកលេខបានក្រឡាប់បណ្ដាលឱ្យទំនិញជាប្រភេទគ្រឿងអេឡិចត្រូនិចក បានធ្លាក់ចូលប្រឡាយទឹក ដែលករណីនេះបានកើតឡើងនៅវេលាម៉ោង…
ខេត្តស្វាយរៀង ៖ មានរថយន្តធុនយក្ស ១គ្រឿងបានក្រឡាប់ផ្ងាជើងចាក់ចោលទំនិញសុទ្ធតែជាគ្រឿងអេឡិចត្រូនិក បង្កឲ្យមានការភ្ញាក់ដល់ប្រជាពលរដ្ឋ និងសមត្ថកិច្ចទាំងព្រឹក ។ រថយន្តដឹកទំនិញមួយគ្រឿងនេះគ្មានស្លាកលេខបានក្រឡាប់បណ្ដាលឱ្យទំនិញជាប្រភេទគ្រឿងអេឡិចត្រូនិចក បានធ្លាក់ចូលប្រឡាយទឹក ដែលករណីនេះបានកើតឡើងនៅវេលាម៉ោង ៩ព្រឹកថ្ងៃទី ២៧ ខែតុលាឆ្នាំ ២០២៥ ស្ថិតក្នុងភូមិកោះត្រាច ឃុំថ្មីស្រុកកំពង់រោទិ៍ ខេត្តស្វាយរៀង ។
បើតាមសមត្ថកិច្ចរដ្ឋបាលឃុំបានឲ្យដឹងថា រថយន្តដឹកទំនិញខាងលើ បានដឹកទំនិញលើសទម្ងន់ បានចរាចរនៅលើផ្លូវខ្នងទំនប់ប្រឡាយចាក់ថ្មបំបែកលាយខ្សាច់ភ្នំបង្កឲ្យខូចផ្លូវបាក់ស្រុតទ្រុឌទ្រោមខ្លាំងដោយសារផ្លូវ មួយខ្សែនេះត្រូវបានរថយន្តធំៗដឹកទំនិញចេញចូលទៅផែស្ងួតមួយកន្លែងក្បែរនោះរាល់ថ្ងៃទើបបង្កឲ្យខូចផ្លូវបែបនេះ ។
ប្រភពបានអោយដឹងថា រថយន្តក្រឡាប់ខាងលើនេះបានដឹកទំនិញសំពីងសំពោងចេញពីផែស្ងួតនោះក្នុងគោលដៅយកទៅរាជធានីភ្នំពេញ ។ មហាជនលើកឡើងទៀតថា រថយន្តក្រឡាប់ធ្លាក់ចេញមកសុទ្ធតែគ្រឿងបរិក្ខារអគ្គិសនី ហើយក្រោយមកគេសង្កេតឃើញសុទ្ធតែជនជាតិវៀតណាមបានមកលើកទំនិញចេញពីប្រឡាយទឹកដាក់ទៅលើរថយន្តមួយផ្សេងទៀតដឹកចេញទៅ ៕
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព
ចែករំលែកព័តមាននេះ