ខេត្តស្ទឹងត្រែង៖បណ្តាក្រុមហ៊ុនដាក់កម្ចីលុយរាប់ប្រចាំថ្ងៃនិងសប្តាហ៍ ចាប់ ផ្តើមប្រកាសជូនដំណឹងទៅអតិថិជនរបស់ខ្លួន ក្នុងការបន្តប្រមូលលុយឡើងវិញក្រោយផ្អាកត្រឹមមួយដង្ហើម ចង្រិត ។
ប្រភពពីប្រជាពលរដ្ឋដែលជាកូនបំណុលអោយដឹងថាក្រុមហ៊ុនទាំងនោះបានប្រាប់ថានិងផ្អាកមកប្រមូលលុយប្រហែលជា២ខែដោយរង់ចាំមានគោលការណ៍ថ្មីពីក្រុមហ៊ុន គឺនិងបន្តចុះប្រមូលលុយចាស់ឡើង វិញនិងដាក់លុយថ្មី តែការជំរាបទៅអតិថិជននោះទើបនឹងបានប្រមាណជាកន្លះខែបន្ទាប់ពីមានការអញ្ជើញពីអង្គភាពកងរាជអាវុធហត្ថខេត្តកន្លង ទៅ នៅថ្ងៃទី២៧ តុលា ២០២៥នេះពួកគេក៏ចាប់ផ្តើមចុះមកប្រមូលលុយបន្តឡើងវិញតែម្តង។
សូមរំលឹកថាពាក់ព័ន្ធករណីខាងកាលពីថ្ងៃទី៣ខែតុលា២០២៥អង្គ ភាពកងរាជអាវុធហត្ថខេត្តបានធ្វើលិខិតអញ្ជើញតំណាងនិងប្រធានសាខាបណ្តាក្រុមហ៊ុនដាក់កម្ចីលុយ រាប់ប្រចាំថ្ងៃនិងប្រចាំសប្តាហ៍ដើម្បីផ្ទៀងផ្ទាត់លើឯកសារច្បាប់ពាក់ព័ន្ធនា ៗក្រោមការសម្របសម្រួលពីព្រះរាជ អាជ្ញារងនិងបទបញ្ជារបស់លោកអភិបាលខេត្ត។
លោកអភិបាលខេត្តស្ទឹងត្រែងបានណែនាំដល់ប្រធានអង្គភាព កងរាជអាវុធហត្ថក្នុងការត្រួតពិនិត្យផ្ទៀងផ្ទាត់លើឯកសារពាក់ព័ន្ធនាៗ ។ ក្នុងករណីគាត់មិនបញ្ឈប់សកម្មភាពនោះ ទេ សមត្ថកិច្ចនឹងអនុវត្តវិធានការផ្លូវច្បាប់ តែក្នុងករណីគាត់ចង់បន្តអាជី វកម្មនេះ ទៀត គាត់ត្រូវតែអនុវត្តតាមគោលការណ៍ ណែនាំ និងច្បាប់ជាធរ មាន។ បន្ទាប់ពីមានការណែនាំក្រុមហ៊ុនមួយ ចំនួនបានយល់ស្របតាមការណែនាំ របស់អភិបាលខេត្ត ក្រុមហ៊ុនខ្លះបានផ្អាកសកម្មភាព ក្រុមហ៊ុនខ្លះក៏រំសាយ បុគ្គលិក និងក្រុមហ៊ុនខ្លះក៏នៅតែបន្ត សកម្មភាពដដែលផងដែរ។ ជាក់ស្តែងដូចក្រុមហ៊ុន អិល ឌី ស្ថិតនៅក្បែគល់ស្ពានមេគង្គ សង្កាត់ ព្រះបាទ ក្រុងស្ទឹងត្រែងបន្តប្រត្តិបត្តិ ការរបស់ខ្លួនរហូតមកទល់បច្ចុប្បន្នដោយពុំបានលើកស្លាកបញ្ជាក់ពីអត្ត សញ្ញាណនៅឡើយទេ ។
ប្រធានសាខាក្រុមហ៊ុន អិល ឌី ពុំ បានឆ្លើយតបនិងសហការណ៍ផ្តល់ព័ត៌មានលម្អិតអំពីក្រុមហ៊ុនរបស់ខ្លួនមកសារព័ត៌មាននោះដែរ។ ទាក់ទិនក្រុមហ៊ុនខាងលើក្រុមហ៊ុន ខ្លះមានឡាយសិនទទួលស្គាល់ស្រប ច្បាប់នៅស្នាក់ការកណ្តាលភ្នំពេញនិង ខេត្តដ៏ទៃតែពុំបានចូលរួមសហការណ៍ ជាមួយអាជ្ញាធរមូលដ្ឋានក្នុងខេត្តក្រុង ស្ទឹងត្រែងដើម្បីបញ្ជាក់ពីមូលដ្ឋានរបស់ក្រុមហ៊ុនច្បាស់លាស់នោះទេ។
លោក សូ ជុំ នាយប៉ុស្តិ៍រដ្ឋបាលសង្កាត់ព្រះបាទ ក្រុងស្ទឹងត្រែងអោយ ដឹងថាសម្រាប់ប៉ុស្តិ៍រដ្ឋបាលសង្កាត់ព្រះបាទបានចុះសម្រងទីតាំងរបស់ ក្រុមហ៊ុន ជាក់ស្តែងមាន២ទីតាំង ហើយការចុះនោះគ្រាន់តែកំណត់ទីតាំងប៉ុណ្ណោះ និងពុំទាន់មានគោល ការណ៍ណាមួយដើម្បីត្រួតនិត្យនោះ ដែរ។
លោក ញ៉ែត នុត ប្រធានធនាគារ ជាតិកម្ពុជាខេត្តស្ទឹងត្រែងបានមាន ប្រសាសន៍កាលពីព្រឹកថ្ងៃទី២៨តុលា ២០២៥នេះថា ៖កម្ចីក្រៅផ្លូវការ មិនស្ថិតនៅក្រោមគ្រឹះស្ថានធនាគារ និងហិរញ្ញវត្ថុទេ។ លោក សាយ កុសល់ អភិបាល ក្រុងស្ទឹងត្រែងបានបញ្ជាក់នៅព្រឹកថ្ងៃទី២៨តុលា២០២៥នេះដែរថា៖ក្រុងមិនមានសមត្ថកិច្ចអនុញាតិច្បាប់អោយពួកគាត់ទេហើយកម្រិតខ្លះត្រឹម អង្គភាពច្រកចេញចូលតែមួយខេត្ត និងមន្ទីរសេដ្ឋកិច្ច និងហិរញ្ញវត្ថុ បើលើសទុនវិនិយោគ ដល់ និយ័តករ។ លោក គង់ ដារុំ ប្រធានអង្គភាពច្រក ចេញចូលតែមួយខេត្តបានបញ្ជាក់ថាមិនមានច្បាប់នោះនៅអង្គភាពច្រក ចេញចូលតែមួយទេ។
សូមបញ្ជាក់ថាក្រុមហ៊ុនដែលបាន ប្រតិបត្តិការណ៍ដាក់កម្ចីលុយរាប់ប្រចាំ ថ្ងៃនិងប្រចាំសប្ដាហ៍នៅក្នុងខេត្តស្ទឹងត្រែងនាពេលកន្លងមកដែលបានរកឃើញជិត៣០ទីតាំង ក្រោយការ ប្រកាសព័ត៌មានចេញពីក្រសួងមហា ផ្ទៃ និងក្រោមការចង្អុរបង្ហាញណែនាំពីអភិបាលខេត្តស្ទឹងត្រែងមានក្រុម ហ៊ុនមួយចំនួនបានរំសាយបុគ្គលិក និងក្រុមហ៊ុនមួយចំនួនបន្តសកម្មភាព តាមដំណើរធម្មតា ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ