ខេត្តព្រះសីហនុ ៖ កូនត្រីក្អិតជាប្រភេទត្រីទឹកសាបតូចល្អិត ហើយក៏មិនសូវមានជាប្រចាំដូចត្រីមួយ ចំនួនទៀតដែរ ដែលអាចនិយាយបានថា ១ឆ្នាំសម្បូរតែម្តងទេ ។ កូនត្រីក្អិត អាចយកទៅធ្វើម្ហូបអាហាបានច្រើនមុខ…
ខេត្តព្រះសីហនុ ៖ កូនត្រីក្អិតជាប្រភេទត្រីទឹកសាបតូចល្អិត ហើយក៏មិនសូវមានជាប្រចាំដូចត្រីមួយ ចំនួនទៀតដែរ ដែលអាចនិយាយបានថា ១ឆ្នាំសម្បូរតែម្តងទេ ។ កូនត្រីក្អិត អាចយកទៅធ្វើម្ហូបអាហាបានច្រើនមុខ ជាពិសេសយកទៅធ្វើផ្អកត្រីក្អិតរក្សាទុកបានយូរ ហើយមានលក់ក្នុងតម្លៃគួរសម ក្នុងចន្លោះពី៤មុឺនទៅ៥ម៉ឺនរៀលក្នុង១គីឡូក្រាម ។ ផ្អកត្រីក្អិតនេះ ក្រោយពីធ្វើរួចរយៈពេលប្រមាណ១០ថ្ងៃ គឺអាចយកទៅធ្វើជាអាហារបានហើយនិងមានរសជាតិយ៉ាងឆ្ងាញ់ពិសា ។
តាមអ្នករស់នៅក្នុងឃុំសាមគ្គី ស្រុកព្រៃនប់ និយាយថា ត្រីក្អិតក្នុង១ឆ្នាំសម្បូរតែម្តងទេគឺក្នុងអំឡុងខែតុលានេះឯង និងមាននៅតាមវាលស្រែប្រឡាយទឹកហូរ ។ ពួកគាត់ប្រើឈ្នាងជញ្ជាត់ ឬត្រងតាមប្រឡាយ នៅពេលបានមកមួយចំនួនស្លហួប ឯមួយចំនួនទៀតធ្វើផ្អកលក់ ក្នុង១គីឡូក្រាម ២៥ ០០០រៀល ទៅ ៣០ ០០០រៀលដែរ ឱ្យតែរកបានគឺលក់អស់ៗ ។
ពួកគាត់និយាយទៀតថា ត្រីនេះជាត្រីធម្មជាតិមិនសូវសម្បូរទេ ហើយយកទៅធ្វើម្ហូបបានច្រើនមុខនិងឆ្ងាញ់ មានស្លម្ជូរ កប់ ផ្អក ឬ ម៉ាំ ។ល។ ៕
ចែករំលែកព័តមាននេះ