វៀតណាមចុះ MoU ស្តីពីកិច្ចសហប្រតិបត្តិការពាណិជ្ជកម្មអង្ករជាមួយសិង្ហបុរី
វៀតណាម-សិង្ហបុរី ៖ ឧបនាយករដ្ឋមន្ត្រីវៀតណាម លោក ប៊ូយ ថាញ់សឺន (Bui Thanh Son) បានចុះហត្ថលេខាលើសេចក្តីសម្រេចរបស់នាយករដ្ឋមន្ត្រីវៀតណាម…
វៀតណាម-សិង្ហបុរី ៖ ឧបនាយករដ្ឋមន្ត្រីវៀតណាម លោក ប៊ូយ ថាញ់សឺន (Bui Thanh Son) បានចុះហត្ថលេខាលើសេចក្តីសម្រេចរបស់នាយករដ្ឋមន្ត្រីវៀតណាម នៅក្នុងការអនុម័តខ្លឹមសារនៃអនុស្សរណៈយោគយល់គ្នា (MoU) របស់រដ្ឋាភិបាលវៀតណាម និងសិង្ហបុរី ស្តីពីកិច្ចសហប្រតិបត្តិការពាណិជ្ជកម្មអង្ករ។ នេះបើតាមប្រភពពីសារព័ត៌មាន VietnamPlus ចេញផ្សាយនៅថ្ងៃទី២៦ ខែតុលា ឆ្នាំ២០២៥ ដោយស្រង់ប្រភពពីទីភ្នាក់ងារសារព័ត៌មានវៀតណាម VNA។
នាយករដ្ឋមន្ត្រីវៀតណាម លោក ផាំ មិញជិញ (Pham Minh Chinh) បានអនុញ្ញាតឱ្យរដ្ឋមន្ត្រីក្រសួងឧស្សាហកម្ម និងពាណិជ្ជកម្ម តំណាងឱ្យរដ្ឋាភិបាលវៀតណាម ក្នុងការចុះហត្ថលេខាលើអនុស្សរណៈយោគយល់គ្នា (MoU) ជាមួយតំណាងមានការអនុញ្ញាតត្រឹមត្រូវរបស់ប្រទេសសិង្ហបុរី។ ចំណែកក្រសួងការបរទេសវៀតណាមមានភារកិច្ចអនុវត្តនីតិវិធីអនុញ្ញាត ស្របតាមបទប្បញ្ញត្តិ ខណៈដែលសេចក្តីសម្រេចនេះបានចូលជាធរមាន ចាប់ពីថ្ងៃចុះហត្ថលេខា ថ្ងៃទី ២៥ ខែតុលា ឆ្នាំ២០២៥ តទៅ។
បើយោងតាមការិយាល័យពាណិជ្ជកម្មវៀតណាមប្រចាំប្រទេសសិង្ហបុរី បានឱ្យដឹងថា ការនាំចូលអង្កររបស់សិង្ហបុរី នៅតែមានស្ថិរភាព។ ប៉ុន្តែទោះជាយ៉ាងណាក៏ដោយ អង្កររបស់វៀតណាម នៅតែបន្តប្រឈមមុខនឹងការប្រកួតប្រជែងខ្លាំងពីអង្ករមានប្រភពមកពីប្រទេសឥណ្ឌា ថៃ និងជប៉ុន។
យ៉ាងណាមិញ សំណើរបស់រដ្ឋាភិបាលសិង្ហបុរីក្នុងការចុះហត្ថលេខាលើកិច្ចព្រមព្រៀងពាណិជ្ជកម្មអង្ករទ្វេភាគីជាមួយវៀតណាម ត្រូវបានគេរំពឹងថានឹងជួយធ្វើឱ្យការនាំចេញអង្កររបស់វៀតណាមទៅកាន់ប្រទេសតូចជាងគេនៅអាស៊ីអាគ្នេយ៍មួយនេះ មានស្ថេរភាពនៅពេលអនាគត៕
ចែករំលែកព័តមាននេះ