ADផ្ទាំងផ្សព្វផ្សាយពាណិជ្ជកម្ម

សោកនា.ដកម្ម! ឆេះផ្ទះ៣ល្វែងនៅសង្កាត់ទឹកល្អក់ទី៣យប់មិញ ស្លា.ប់ម្ដាយកូន និងរបួ.សមន្ត្រីពន្លត់អគ្គិភ័យ៣នាក់

1 ម៉ោង មុន

ភ្នំពេញ
២៦ ខែ តុលា ឆ្នាំ ២០២៥ ម៉ោង ០៩:១៦

រាជធានីភ្នំពេញ ៖ មានករណីឆេះផ្ទះ៣ល្វែងដែលស្តុកគ្រឿងអេឡិចត្រូនិចទូរស័ព្ទចាស់ៗរងការខូចខាតអស់ស្ទើរទាំងស្រុង និងមានអ្នករបួសជាប់គាំងក្នុងផ្ទះដែលកំពុងដេកលង់លក់ បណ្តាលអោយស្ត្រី២នាក់ម្ដាយនិងកូនស្លាប់ពេលបញ្ជូនទៅដល់មន្ទីរពេទ្យ និងមន្ត្រីពន្លត់អគ្គិភ័យចំនួន៣នាក់បានរងរបួសធ្ងន់ស្រាល ត្រូវបានបញ្ជូនទៅសង្គ្រោះនៅមន្ទីរពេទ្យ ។ ហេតុការណ៍ខាងលើនេះបានកើតឡើងកាលពីវេលាម៉ោង១១យប់ថ្ងៃទី២៥ ខែតុលា…

ហេតុការណ៍ខាងលើនេះបានកើតឡើងកាលពីវេលាម៉ោង១១យប់ថ្ងៃទី២៥ ខែតុលា ឆ្នាំ២០២៥ ចំណុចផ្ទះលេខ៩៣អា ផ្លូវ២៤៧ ក្រុមទី១ ភូមិ១ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ ។

តាមប្រភពព័ត៍មានពីប្រជាពលរដ្ឋបានអោយដឹងថា មុនកើតហេតុ មានផ្ទះខ្លះក៏ដេកលង់លក់អស់ខ្លះក៏នៅ ស្រាប់តែគេឃើញអណ្ដាតភ្លើងសន្ធោសន្ធៅឡើងលើដំបូលផ្ទះល្វែងចំនួន៣ជាប់គ្នា រួចក៏ប្រញាប់ស្រែកអោយជួយគ្នានិងខ្លះក៏ជួយទូរស័ព្ទទៅអាជ្ញាធរមូលដ្ឋានដើម្បីសុំអន្តរាគមន៍ពីរថយន្តពន្លត់អគ្គីភ័យចុះមកបាញ់ពន្លត់ ខ្លាចឆេះរាលដាលផ្ទះល្វែងក្បែរគ្នាទៀតដោយសារកំពុងឆេះពីផ្ទះ១រាលទៅដល់ផ្ទះ៣ល្វែងជាប់គ្នា ។ ភ្លាមៗក៏មានសមត្ថកិច្ចនិងរថយន្តពន្លត់អគ្គីភ័យច្រើនអង្គភាពចុះអន្តរាគមន៍ទាញទុយោបាញ់ទឹក តែតាមដឹងមានជាប់គាំងមនុស្សស្ត្រីម្ដាយកូនជាប់នៅក្នុងផ្ទះកំពុងដែលឆេះនោះបណ្តាលឲ្យស្លាប់ផងដែរ ។

សមត្ថកិច្ចការិយាល័យបង្ការពន្លត់អគ្គីភ័យនិងសង្គ្រោះស្នងការដ្ឋាននគរបាលរាជធានីភ្នំពេញបានអោយដឹងថា ម្ចាស់ផ្ទះកើតហេតុឈ្មោះគឹម សៀវឡុង ភេទប្រុស អាយុ ៥៤ឆ្នាំ មុខរបរទិញអេតចាយ ផ្ទះជាប្រភេទសំណង់ថ្មបេតុង ទំហំ ៤ម៉ែត្រគុណ១៤ម៉ែត្រ ។ ឆេះខូចខាតសម្ភារៈផ្ទះថ្មទំហំ ៤ម៉ែត្រ x១៤ម៉ែត្រ ចំនួន០៣ល្វែង រួមមាន ម៉ូតូចំនួន ០៤គ្រឿង និងគ្រឿងសម្ភារៈអេតចាយអស់ទាំងស្រុង។ ចំពោះមូលហេតុកំពុងស្រាវជ្រាវ ។

ក្នុងហេតុការណ៍ខាងលើបណ្តាលឲ្យមនុស្សស្លាប់មនុស្សចំនួន២នាក់ រួមមាន១-ឈ្មោះ ជា ហុង ភេទស្រី អាយុ ៤៥ឆ្នាំ មុខរបរនៅផ្ទះ និង២-ឈ្មោះ គឹម គីមហៀង ភេទស្រី អាយុ ២១ឆ្នាំ មុខរបរនិស្សិត ត្រូវជាកូន ។ ចំណែកអ្នករងរបួសធ្ងន់ស្រាលចំនួន៣នាក់រួមមាន ១-ឈ្មោះ នឹម ដេវីត ភេទប្រុស អាយុ២០ឆ្នាំ មុខរបរ ក្រុមជំនួយស្ម័គ្រចិត្ត (របួសធ្ងន់) ។ ២-ឈ្មោះ យ៉ុត នរៈពិទូ ភេទប្រុស អាយុ ២១ឆ្នាំ មុខរបរ ក្រុមជំនួយស្ម័គ្រចិត្ត (របួសស្រាល) និង៣-ឈ្មោះ ជូ លាងវេង ភេទប្រុស អាយុ ២១ឆ្នាំ មុខរបរ ក្រុមជំនួយស្ម័គ្រចិត្ត (របួសស្រាល) ទាំង៣នាក់ជារបស់ក្រុមជំនួយស្ម័គ្រចិត្តការិយាល័យបង្ការពន្លត់អគ្គីភ័យ។

ក្នុងហេតុការណ៍គ្រោះអគ្គីភ័យខាងលើនេះ បានប្រើប្រាស់រថយន្តការិយាល័យអគ្គិភ័យចំនួន១៨គ្រឿង ប្រើប្រាស់ទឹកអស់ចំនួន ៣៦ឡាន រថយន្តជំនួយទីក្រុងជ្រោយចង្វារចំនួន៣គ្រឿង ប្រើប្រាស់ទឹកអស់ចំនួន ០២ឡាន រថយន្តអគ្គិភ័យបុរីប៉េងហួតចំនួន ០២គ្រឿង ប្រើប្រាស់ទឹកអស់ចំនួន ០១ឡាន បានគ្រប់គ្រងបានទាំងស្រុងបាញ់ពន្លត់ចប់នៅម៉ោង០១រំលងអធ្រាត្រឈានចូលថ្ងៃទី២៦ខែ ឆ្នាំដដែល។ ទីតាំងកើតហេតុខាងលើទុកអោយអាជ្ញាធរមូលដ្ឋានការពារមិនទាន់អនុញ្ញាត
អោយអ្នកណាចូលនោះទេដើម្បីរង់ចាំថ្ងៃស្អែកផ្នែកជំនាញចុះពិនិត្យរកមូលហេតុដែលឆេះនិងកោសល្យវិច័យពិនិត្យសពដែលស្លាប់នៅពេលមានអគ្គីភ័យឆាបឆេះផ្ទះ៣ល្វែងបឋមសង្ស័យជាប់គាំងនៅក្នុងផ្ទះពុលផ្សែងភ្លើងទើបបណ្ដាលអោយស្លាប់ ៕