ខេត្តស្ទឹងត្រែង ៖ ផលិតផលកសិកម្មជាច្រើនប្រភេទ បានតម្រាបត្រៀបត្រាបង្ហាញដល់អ្នកប្រើប្រាស់ក្រោមទំនុកចិត្តជាផលិតផលដែលដាំដុះដោយកសិករខ្មែរនៅខេត្តព្រះវិហារពីធម្មជាតិកែច្នៃដោយដៃកសិករ និងផលិតករខ្មែរក្នុងខេត្តផ្ទាល់ ដដែលធានាបាននូវគុណភាព និងសុវត្ថិភាពខ្ពស់ ។ សាច់មាន់ខ្មែរ (មាន់ស្រែ)…
ខេត្តស្ទឹងត្រែង ៖ ផលិតផលកសិកម្មជាច្រើនប្រភេទ បានតម្រាបត្រៀបត្រាបង្ហាញដល់អ្នកប្រើប្រាស់ក្រោមទំនុកចិត្តជាផលិតផលដែលដាំដុះដោយកសិករខ្មែរនៅខេត្តព្រះវិហារពីធម្មជាតិកែច្នៃដោយដៃកសិករ និងផលិតករខ្មែរក្នុងខេត្តផ្ទាល់ ដដែលធានាបាននូវគុណភាព និងសុវត្ថិភាពខ្ពស់ ។ សាច់មាន់ខ្មែរ (មាន់ស្រែ) ស្រស់ៗ ធានារសជាតិដើមបែបខ្មែរ បន្លែសុវត្ថិភាព និងផ្លែឈើ ថ្មីៗ គ្មានជាតិគីមី ពីចម្ការផ្ទាល់។ អង្ករគុណភាពខ្ពស់ក្រអូបឈ្ងុយ សម្រាប់ទ្រទ្រង់អាហារប្រចាំថ្ងៃ។ ពងមាន់ ពងទា និងគ្រឿងទេសធម្មជាតិសម្រាប់ការចម្អិនអាហារដ៏ឈ្ងុយឆ្ងាញ់។ អាហារកែច្នៃនានា និងផលិតផលប្រើប្រាស់ទូទៅសុទ្ធតែជាស្នាដៃខ្មែរក្នុងស្រុក ។
តាមរយៈនៃការគាំទ្រសម្រាប់ចូលរួមលើកស្ទួយផលិតផលកសិផលខ្មែរជាទូទៅអ្នកប្រើប្រាស់អាចរកបានរៀងរាល់ថ្ងៃសុក្រ និងថ្ងៃសៅរ៍ ចាប់ពីម៉ោង ០៦និង០០ ព្រឹក រហូតដល់ ០៦និង០០ ល្ងាច ដែលទីតាំងងាយស្រួលរក ស្ថិតនៅភូមិកណ្តាល សង្កាត់កំពង់ប្រណាក ក្រុងព្រះវិហារ (ផ្លូវភ្លោះ ខាងលិចវិមានឯករាជ្យខេត្តព្រះវិហារ) ។
ការមកទស្សនា និងទិញផលិតផលរបស់លោកអ្នកនៅផ្សារនេះ មិនត្រឹមតែបានរបស់ល្អប្រើប្រាស់ទេ តែថែមទាំងជាការរួមចំណែកដ៏មានតម្លៃក្នុងការលើកស្ទួយជីវភាពជួយបង្កើនប្រាក់ចំណូលដល់កសិករ និងផលិតករមូលដ្ឋានជំរុញសេដ្ឋកិច្ច ធ្វើឲ្យចលនាសេដ្ឋកិច្ចក្នុងខេត្តកាន់តែរស់រវើកជាមួយនឹងការរក្សាគុណភាពលើកទឹកចិត្តការដាំដុះ និងផលិតនូវផលិតផល ដែលមានសុវត្ថិភាពសម្រាប់អ្នកប្រើប្រាស់។ សូមអញ្ជើញមកគាំទ្រផលិតផលខ្មែរ រសជាតិខ្មែរ គុណភាពខ្មែរ ៕
ចែករំលែកព័តមាននេះ