ខេត្តកំពង់ធំ ៖ តាមសេចក្តីរាយការណ៍បឋមពីភ្នាក់សារព័ត៌មាននៅខេត្តកំពង់ធំមកថា កាលពីវេលាម៉ោងប្រមាណជាង៣រសៀលថ្ងៃទី២៣ ខែតុលា ឆ្នាំ២០២៥ សមត្ថកិច្ចការិយាល័យនគរបាលប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តកំពង់ធំ សហការជាមួយនគរបាល ស្រុកតាំងគោក ក្រោមការសម្របសម្រួលពីស្ថាប័នអយ្យការអមសាលាដំបូងខេត្ត…
ខេត្តកំពង់ធំ ៖ តាមសេចក្តីរាយការណ៍បឋមពីភ្នាក់សារព័ត៌មាននៅខេត្តកំពង់ធំមកថា កាលពីវេលាម៉ោងប្រមាណជាង៣រសៀលថ្ងៃទី២៣ ខែតុលា ឆ្នាំ២០២៥ សមត្ថកិច្ចការិយាល័យនគរបាលប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តកំពង់ធំ សហការជាមួយនគរបាល ស្រុកតាំងគោក ក្រោមការសម្របសម្រួលពីស្ថាប័នអយ្យការអមសាលាដំបូងខេត្ត បានចុះប្រតិបត្តិការបង្ក្រាបករណីជូញដូរ ដោយខុសច្បាប់នូវសារធាតុញៀន មួយករណីនៅចំណុចភូមិបែកចាន ឃុំអណ្ដូងពោធិ ស្រុកតាំងគោក ខេត្តកំពង់ធំ ។ ប៉ុន្តែអ្វីដែលត្រូវសោកស្តាយ និងចូលរំលែកទុក្ខនោះ គឺការបាត់បង់អាយុជីវិតនាយរងការិយាល័យប្រឆាំងបទល្មើសគ្រឿងញៀនម្នាក់ និងនាយរងផ្នែកម្នាក់ក្នុងប៉េសកកម្ម ដោយមេខ្លោងឧក្រិដ្ឋជនគ្រឿងញៀនបាញ់ប្រហារ ។
សេចក្តីរាយការណ៍បន្តថា ជនរគ្រោះដែលបានស្លាប់បាត់បង់អាយុជីវិតគឺលោកវរៈសេនីយ៍ទោ ហួន សាវ័យ មានតួនាទីជានាយរងការិយាល័យប្រឆាំងគ្រឿងញៀនខេត្តកំពង់ធំ និងលោកអនុសេនីយ៍ឯក ទឹម ចាន់នី (កូនចៅ) រងរបួសជាទម្ងន់ ។
ប្រតិបត្តិការនោះអនុវត្តតាមបទបញ្ជាពីលោកឧត្តមសេនីយ៍ទោ ស្នងការ នគរបាលខេត្តកំពង់ធំ ដោយដឹកនាំកម្លាំងជំនាញចុះផ្ទាល់គឺលោកវរសេនីយ៍ទោ ហួន សាវ័យ នាយរងការិយាល័យប្រឆាំងគ្រឿងញៀន ។ ជាដំបូងកម្លាំងសមត្តកិច្ចបានចុះទៅធ្វើការស្រាវជ្រាវ និងឃាត់ខ្លួនជនសង្ស័យម្នាក់ ជាមុខសញ្ញាចែកចាយថ្នាំញៀន និងចាប់វត្ថុតាងគ្រឿងមួយចំនួនផងដែរ ។
បន្ទាប់ពីឃាត់ខ្លួនជនសង្ស័យម្នាក់នោះ បានសារភាពថា ថ្នាំញៀនដែលគេយកមកចែកចាយ និងលក់កន្លងមកនេះ គឺទិញពីឈ្មោះ ថន ឌីណា ភេទប្រុស អាយុ៣៤ ឆ្នាំ ជាមេខ្លោងជួញដូរថ្នាំញៀនយ៉ាងសកម្ម ។
ក្រោយពេលស្តាប់ចម្លើយជនសង្ស័យម្នាក់រួចមក លោកវរសេនីយ៍ទោ ហួន សាវ័យ ក្នុងនាមជានាយរងការិយល័យបង្ក្រាបបទល្មើសគ្រឿងញៀន បានដឹកនាំកម្លាំងចុះទៅឡោមព័ទផ្ទះរបស់មេក្លោងជួញដូរគ្រឿងញៀន ស្ថិតនៅស្រុកតាំងគោក ខេត្តកំពង់ធំ ដើម្បីឆែកឆេររកឈ្មោះ ថន ឌីណា ។ ខណៈពេលសមត្តកិច្ចបានចុះទៅដល់ទីតាំងនោះ ស្រាប់តែមានការរារាំងពីសំណាក់ឪពុក និងក្រុមគ្រួសាររបស់ជនសង្ស័យ ទើបធ្វើឲ្យជនសង្ស័យឈ្មោះ ថន ឌីណា មានឱកាសទាញយកកាំភ្លើង អាកា៤៧ បាញ់រះទៅលើសមត្ថកិច្ច បណ្ដាលឲ្យត្រូវលោកវរៈសេនីយ៍ទោ ហួន សាវ័យ ចំនួន២គ្រាប់ ស្លា.ប់នៅកន្លែងកើតហេតុ និងលោកអនុសេនីយ៍ឯក ទឹម ចាន់នី រងរបួសជាទម្ងន់ត្រូវដឹកទៅសង្គ្រោះបន្ទាន់ ។
ពេលនោះមេខ្លោងគ្រឿងញៀន ថន ឌីណា បានស្ទុះទៅយកកាំភ្លើងម៉ាកកា៥៩ មួយដើមពីសមត្ថកិច្ចហើយរត់គេចខ្លួនដោយសុវត្តិភាព ។ តែទោះជាមេខ្លោងគ្រឿងញៀនរូបនោះរត់ទៅចូលក្រហែងណាក្តី សង្ឃឹមថាមិនយូមិនឆាប់គង់តែជាប់អន្ទាក់របស់សមត្តកិច្ច ។
ជាមួយនេះផងដែរ នៅថ្ងៃទី២៤ ខែតុលា ឆ្នាំ២០២៥ នាយឧត្តមសេនីយ៍ មាស វិរិទ្ធ អគ្គលេខាធិការ នៃអាជ្ញាធរជាតិប្រយុទ្ធប្រឆាំងគ្រឿងញៀន បានចេញសារលិខិតផ្ញើជូនលោកស្រី យឹម ឆេងលី និងក្រុមគ្រួសារជនរងគ្រោះ ដោយមានខ្លឹមសារទាំងស្រុងថា ៖ ថ្នាក់ដឹកនាំនិងមន្ត្រីរាជការទាំងអស់នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន មានសេចក្តីក្តុកក្តួល រន្ធត់តក់ស្លុត និងសោកស្តាយជាអនេក ចំពោះដំណឹងមរណភាពរបស់លោកវរៈសេនីយ៍ទោ ហួន សាវ័យ អត្តលេខ ៧៣៩៩២ នាយរងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តកំពង់ធំ ត្រូវជាស្វាមីលោកស្រី ដែលបានទទួលមរណៈភាពនៅថ្ងៃព្រហស្បត៍ ទី២៣ ខែតុលា ឆ្នាំ២០២៥ វេលាម៉ោង១៣ និង១០ នាទី រសៀល ក្នុងជន្មាយុ ៣២ ឆ្នាំ មូលហេតុចុះបំពេញបេសកកម្មបង្ក្រាបបទល្មើសគ្រឿងញៀន ។
ក្នុងវេលាសោកសង្វេគដ៏ក្រៀមក្រំជាទីបំផុតនេះ ថ្នាក់ដឹកនាំនិងមន្ត្រីរាជការទាំងអស់នៃអគ្គលេខាធិការដ្ឋានជាតិប្រយុទ្ធប្រឆាំងគ្រឿងញៀន សូមចូលរួមរំលែកមរណទុក្ខជាមួយលោកស្រី និងក្រុមគ្រួសារ និងឧទ្ទិសបួងសួងដល់វិញ្ញាណក្ខន្ធលោកវរៈសេនីយ៍ទោ ហួន សាវ័យ សូមបានទៅកាន់ឋានបរមសុខក្នុងសុគតិភពកុំបីឃ្លៀងឃ្លាតឡើយ ៕
ចែករំលែកព័តមាននេះ