លោក ផន រឹម អ្នកនាំពាក្យក្រសួងសាធារណការ និងដឹកជញ្ជូនបានលើកទឹកចិត្តឲ្យពលរដ្ឋប្រើប្រាស់សេវាសាធារណៈរបស់រដ្ឋ នៅក្នុងក្រសួងដោយខ្លួនឯង និងដោយផ្ទាល់ កុំពឹងអ្នករត់ការ ។ លោកបានបន្តថា…
លោក ផន រឹម អ្នកនាំពាក្យក្រសួងសាធារណការ និងដឹកជញ្ជូនបានលើកទឹកចិត្តឲ្យពលរដ្ឋប្រើប្រាស់សេវាសាធារណៈរបស់រដ្ឋ នៅក្នុងក្រសួងដោយខ្លួនឯង និងដោយផ្ទាល់ កុំពឹងអ្នករត់ការ ។
លោកបានបន្តថា នៅពេលរត់នោះ ពលរដ្ឋប្រទះចំណុចចន្លោះប្រហោង ហើយខ្វះខាតដោយប្រការណាមួយ គឺរួមគ្នាកែលម្អ.! សេវារដ្ឋ ដើម្បីពលរដ្ឋ ។
លោកបានលើកទឹកចិត្តបែបនេះ នៅលើបណ្តាញសង្គមផ្ទាល់ខ្លួនរបស់លោក ហើយបន្ទាប់ពីលោកបានផ្សព្វផ្សាយមានពលរដ្ឋចូលមកបញ្ចេញយោបល់ថា នៅពេលពលរដ្ឋស្នើសុំ ឬប្រើប្រាស់សេវាដោយខ្លួនឯង គឺពិបាករត់ បើមិនពឹងឲ្យគេរត់ការអោយ ។
ឆ្លើយតបនឹងការរិះគន់បែបនេះ លោក ផន រឹម បានលើកទឹកចិត្តឲ្យប្រជាពលរដ្ឋប្តឹងមកក្រសួងឬទៅអង្គភាពប្រឆាំងនឹងអំពើពុករលួយបាន ។
សព្វថ្ងៃនេះ សេវាសាធារណៈដែលក្រសួងសាធារណការ និងដឹកជញ្ជូន កំពុងផ្តល់ជូនប្រជាពលរដ្ឋ គឺមានសេវាធ្វើបណ្ណបើកបរ ស្លាកលេខយានយន្ត ត្រួតពិនិត្យយានយន្ត ។ល។
ចែករំលែកព័តមាននេះ